Gaur 25 urte hil zen Felix Iñurrategi, Himalaian
Alberto anaiarekin batera Gasherbrum II zortzimilakoa igo eta bigarren kanpalekutik lehenengora (6.900 m) jaisten ari zirela, 400 metrotik behera amildu zen 2000. urteko uztailaren 28an.
2.000 urteko uztailaren 25ean euskal mendizaleek erreferente eta ikurretako bat galdu zuten: Felix Iñurrategi.
Gasherbrum II zortzimilakoa igo berritako poza atsekabe bihurtu zen ordu gutxira. Alberto anaiarekin batera gailurrera igo eta bigarren kanpalekutik lehenengora (6.900 m) jaisten ari zirela, Felix 400 metrotik behera amildu egin zen.
Mendiak bizi zuen, eta mendiak hil ere hil egin zuen, baina Iñurrategi anaietan zaharrenaren legatuak betiko iraungo du.
Alberto anaia sokalagun zuela, munduko hamalau zortzimiletako hamabi igo zituen, baina batez ere alpinismoa ulertzeko zuen moduagatik, bere izaeragatik eta karismagatik gogoratzen dute askok eta askok.
Hori guztia dela eta, Felixen heriotzak samin handia eragin zuen, sorterri zuen Aretxabaletan ez ezik, baita Euskal Herri osoan ere.
Anaiaren heriotzaren ostean, Alberto hamalau zortzimilakoak egiteko geratzen zitzaizkion bi tontorrak igo egin zituen: Gasherbrum I, 2001ean, eta Annapurna, 2002an.
Felixen gorpua Gasherbrum II mendian gelditu zen, baina bere legatuak bizirik dirau.
Berak ondo zioen bezala, "bixer be argittuko dau egunak".
Zure interesekoa izan daiteke
Trafikoa bere onera etorri da N-634an, Galdakao parean, istripu baten ondorioz ia bi orduz itxita egon ondoren
Ezbeharra 14:45ean gertatu da Kortederrako gasolindegitik gertu, 96. kilometroan. Auto batek eta kamioi batek elkarren kontra jo dute, eta pertsona bat zauritu da.
Sua berriro piztu da Derion, goizaldean itzali eta ordu gutxira
Sua asteleheneko 20:30ak aldera piztu zen San Isidro auzoko baso-eremu batean, Loiuko aireportutik gertu. Suhiltzaileek sugarrak erabat itzaltzea lortu zuten arren goizaldeko 05:30ak aldera, sua berriro piztu da eta lanean ari dira une honetan, sugarrak itzaltzen.
Zestoako jaietan pertsona bati egindako eraso "bortitza" salatu dute
Udalak ohar baten bidez jakinarazi duenez, lagun bat "bortizki" kolpatu zuten, eta erasoaren ondorioz, hezur haustura eta buruan zauriak izan zituen. Hori dela eta, ospitalera eraman zuten, eta Neurologia Zerbitzuan dago ingresatuta. Bestalde, Segurtasun Sailak zehaztu du irailaren 9ko gauerdian gertatu zela erasoa, eta biktima 40 bat urteko gizonezko bat dela.
Sexu-askatasunaren aurkako delituak batez beste % 8 hazi dira Euskadin
2025ean 2.200 kasu salatu ziren. Fiskaltzaren memoriak ohartarazi duenez, adingabeei zuzendutako prebentzio eta kontzientziazio lanak "ez dira funtzionatzen ari".
Justizia Anderrentzat plataformak gezurretan aritzea leporatu die Santurtziko Udalari eta poliziari
Ander S. T. poliziaren indarkeriak hil zuela frogatuko omen dute prozesu judizialean, eta frogetako bat aurkeztu dute: atxiloketaren bideoa. Plataformak manifestazioa deitu du urriaren 3an.
Ikasle-egoitza ala partekatutako pisua? Unibertsitateetako egoitzen eskariak gora, alokairuen garestitzeagatik
Etxebizitza partekatua aurkitzea gero eta zailagoa da, eta egoitza eta pisuaren arteko prezio-aldea txikitu egin da. Ikasle-egoitza batzuk %100eko okupaziotik gertu daude: erosotasunak, zerbitzuek eta banakako gelek gero eta ikasle gehiago erakartzen dituzte.
Espetxera eraman dute motozerra batekin hainbat gazte mehatxatu zituen gizona
Leporatzen dizkioten gertakariak irailaren 12ko goizaldean jazo ziren. Aurrekari polizialak zituen gizon hori hainbat pertsonari segika ibili zen Algortan, motozerra bat eskuetan zuela.
Eguraldi aldaketa gaurtik aurrera, eta euria asteazkenerako zein ostegunerako
Goiza eguzkitsua eta beroa izango da, baina iluntzerako aldaketa iritsiko da eta asteazkenean tenperaturek nabarmen egingo dute behera. Euria egingo du bai asteazkenean baita ostegunean ere.
Itzali dute Derion, Loiuko aireportutik gertu, piztu zen sutea
20:30 aldera piztu zen sutea San Isidro auzoko pampa baso batean, Aiartza mendian; eta gauean lanean arituta, 05:30 alderako itzaltzea lortu dute suhiltzaileek. Suteak ez du eraginik izan aireportuaren funtzionamenduan, ezta etxebizitzetan ere, baina inguruko baserrietan bizi diren bi pertsona etxetik atera zituzten badaezpada ere.
Posible al da adimen artifizialaren garapena gelditzea?
Adimen artifiziala garatzen duten enpresa nagusietako buruek galga jartzeko eskaria egin dute azken aste hauetan, gizakion kontroletik ihes egiteko arriskua izan dezakeela eta. Baina posible al da? Eta zergatik adierazten dute orain beldur hori? Hainbat aditurekin zalantza hauek argitu ditugu.