8 urteko kartzela-zigorra Legorretan kontrako norabidean zihoala hiru pertsonaren heriotza eragin zuen gidariarentzat
Akusazioek eta defentsak akordioa adostu dute, eta akusatuak erruduna dela onartu du. Hori dela eta, ez da beharrezkoa epaiketarekin jarraitzea. Ostiral honetan Gipuzkoako Auzitegian egindako saioan, auzipetuak barkamena eskatu die biktimen sendiei, malko artean.
Gaurko saioko une bat, Gipuzkoako Auzitegian.
Legorreta parean, N-I errepidetik kontrako noranzkoan zihoala beste ibilgailu baten aurka talka eginda hiru pertsona hiltzeagatik epaitutako gizonezkoari 8 urteko kartzela-zigorra ezarri diote, Fiskaltzak eskatutakoa baino 6 urte gutxiago, akusazioek eta defentsak akordioa adostu ostean.
Datorren astean zen hastekoa epaimahai bidezko epaiketa, baina ostiral honetan lortutako akordioarekin, eta akusatuak bere errua onartuta, ez da beharrezkoa herri-auzitegia eratu eta auzibidean aurrera egitea.
Bi aldeek kontuan hartu dute akusatuak biktimen familiei barkamena eskatu izana. Ibilgailuan berarekin zihoazen bi gizon eta beste autoan zihoan emakume bat hil ziren, eta azken horren mutil-laguna zauritu egin zen. "Barkamena eskatu nahi diet senide guztiei. Sentitzen dut. Barkatu! Neu ere lagunekin nindoan, eta ez nion inori minik egin nahi; lagunekin nengoen, eta ez nion inoiz inori minik egin nahi izan", adierazi du auzipetuak malko artean, Gipuzkoako Auzitegian ostiral honetan egindako saioan.
2023ko otsailaren 26ko biktimen senideek hitz egiteko aukera izan dute gaurko saioan, eta hidakoetako baten alargunak bakarrik hitz egin nahi izan du. "Jainkoak barkatu badio, nik ere bai", esan du emakumeak.
Istripua 00:10 aldera gertatu zen. Gidariak "bere gaitasunak murriztuta" zituen, alkohola edan zuelako, fiskalaren akusazio idatziaren arabera, eta irteeratik sartu zen N-1 errepidera, kontrako norabidean, eta, handik gutxira, bere bidetik ondo zihoan beste auto baten kontra jo zuen.
Zure interesekoa izan daiteke
?fmt=webp-alpha&qlt=80)
Aske gelditu dira Vito Quilesen ekitaldi baten harira izandako istiluengatik atxilotutako 28 pertsonak
Horietako hamaseiri desordena publikoaren delitua leporatu diete. Gainerako hamabiei, horrez gainera, agintaritzaren agenteen aurkako atentatua ere egotzi diete.
Eutanasia-eskaerak % 61 igo dira Euskadin, eta prozesuaren batez besteko iraupena 39,4 egunera jaitsi da
Ostegun honetan argitaratutako urteko txostenaren arabera, 2025ean 107 eskaera onartu ziren, 78 prestazio gauzatu ziren eta 31 pertsona hil ziren prozesua bukatu baino lehen.
Hiru pertsona ikertu dituzte Bizkaian, genero-indarkeriaren biktima baten datuak lortzeko guardia zibilena egiteagatik
Ikertuetako batek harreman sentimentala zuen emakumearekin, eta harekin bizi zen Barakaldon.
Gizon bat atxilotu dute Donostian, Egia auzoan izandako sexu-erasoaren egilea delakoan
Donostiako Udaleko Bozeramaileen Batzordeak elkarretaratzea deitu du biharko, 11:45ean, Alderdi Ederreko lorategietan.
Foruzaingoko lankideek minean bat egin eta babesa eman diete hildako bost agenteen familiei
Foruzainen hil-kapera izango da gaur Iruñeko San Alberto beilatokian. Etengabea da bertan goizean goizetik, senide, lagun eta lankideen joan-etorria. Istripuan zauritutako kamioiko gidariari sendagiria eman diote, baina shock egoeran dago.
Gasteizko Fournier lantegi zaharrean bizi ziren hiru lagun aterarazi dituzte, inguru horretan astebetean egin den bigarren kaleratzean
Ertzaintzak eta Gasteizko Udaltzaingoak, epailearen aginduz, Heraclio Fournier kaleko industria-nabean zeuden hiru pertsona aterarazi dituzte, baldintza eskasak eta segurtasun falta argudiatuta.
"Bizi Natura" saioaren unerik onenak: 2026ko ekainaren 3a, asteazkena
Oraingo honetan, Bizi Naturaren kamerek katagorrien, flamenkoen, txorien janlekuen, orkatzen eta abarren irudiak eskaini dizkigute.
Ibar auziko epaileak beste hilabete bat eman dio fiskalari lekuko berri bati buruzko erabakia har dezan
Pablo Ibarren defentsaren arabera, lekukoak erailketak egin zituzten bi pertsonak identifikatu zituen, eta horrek errugabetu egingo luke Ibar.
Minutu bateko isilune hunkigarria Nafarroako Parlamentuan, hildako bost foruzainen omenez
Gaurko saioaren hasieran, Unai Hualde Ganberako presidenteak Bozeramaileen Batzordean goizeko lehen orduan onartutako adierazpen instituzionala irakurri du, gertaerak eragindako "mina eta atsekabea" erakusten duen testua. Hildako bost foruzainak omentzeko Nafarroako Gobernuak zein Foruzaingoak antolatutako ekitaldi instituzionalekin bat egin du Ganberak.
Euskal Herriko mediku eta pediatrek pantailek arrisku larriak dakartzatela ohartarazi dute, eta ikasgeletan mugikorrik ez izatea eskatu
Altxa Burua mugimenduarekin batera, sendagileek eta pediatrek txosten bateratua plazaratu dute, lehenengoz. Lan horretan, pantailen aurrean denbora luzez egoteak adingabeengan dakarren eragin negatiboa aztertu dute; alde batetik, buru osasuna aipatu dute: loaren nahasmenduak, antsietatea... Bestetik, erabilera gehiegizkoak obesitatea, ikusmen-arazoak eta hizkuntzaren atzerapenak eragin ditzakeela ohartarazi dute.