Bi pertsona ikertzen ari dira, Ean piztutako baso sutearekin zerikusia dutelakoan
Ertzaintzak uste du kobrea lortzeko kablea batzuk erretzen hasi direla, eta ezin izan dutela erreketa kontrolatu. Sua inguruko baso batera zabaldu da, eta 2,7 hektarea inguru kiskali ditu.
Bi pertsona, 19 urteko gizonezko bat eta 51 urteko emakumezkoa, ari da ikertzen Ertzaintza, gaur arratsaldean Ean piztu den baso sutearekin zerikusia dutelakoan. Lehen ikerketen arabera, kableak erretzen hasi dira, kobrea lortzeko, eta sua zabaldu egin da.
Eguerdian jaso du abisua Eusko Jaurlaritzako Segurtasun Sailak. Ertzaintza bertaratu denean, inguruko herritarrek jakinarazi diote sutea bi pertsonek eragindakoa izan zitekeela. Antza, gizon bat eta emakume bat ikusi dituzte, kableak erretzen.
Handik denbora batera, basozain batek ustezko egileetako bat aurkitu du. Motxila bat omen zeraman, kablea mozteko erremintekin. Beranduago, beste ustezko egilea aurkitu dute. Zuhurtziagabekeriaz sutea eragitea, ingurumenaren aurkako delitua eta kableen lapurreta leporatu dizkiete.
12:00ak aldera piztu da sua, eta 18:00etarako itzalita zegoen. Suhiltzaileen hainbat dotazio eta Bizkaiko Foru Aldundiko Mendi Zerbitzuetako langileak bertaratu dira, itzaltze lanetan parte hartzeko. Ertzaintzaren helikoptero baten laguntza ere izan dute.
Suhiltzaileen talde batek bertan jarraitzen du, errautsak kontrolatzen eta ingurua ureztatzen.
Zure interesekoa izan daiteke
54 urteko motor gidari bat hil da AP-8 autobidean, Zarautzen
Ezbeharra 09:00ak aldera jazo da, Bilborako noranzkoan. Ertzaintzak ikerketa abiatu du istripuaren nondik norakoak argitzeko.
Etxera itzuli dira Ordizian su hartu zuen eraikineko bizilagunak
Bi familia, baina, ezin izan dira etxera bueltatu, suak belztuta utzi baitu haien etxebizitza. Ilunpe tabernan ere kalte handiak eragin ditu suteak. Hodi bat hautsi da, eta ura etengabe erori omen da bertara.
Gizon bat atxilotu dute Iurretako paper fabrikan izandako sutean nahasita dagoelakoan
36 urteko gizona, enpresako langilea, atzo goizean atxilotu zuten, kalteak egitea egotzita, eta gaur eraman dute epailearen aurrera. Ikerketak irekita jarraitzen du.
Emakume bat hil da Iruñean etxebizitza batetik erorita, eta gizon bat atxilotu dute
Nafarroako hiriburuko Sanduzelai auzoan jazo da. Udaltzaingoak gizon bat atxilotu du, indarkeria matxistagatik epaitu ostean ezarri zioten urruntze agindua urratzeagatik, eta ikerketa abiatu du hilketa matxista izan den argitzeko.
Basauriko hilketa matxistaren ustezko egilea espetxeratu dute, indarkeriaz egindako lapurreta bat egotzita
Bilboko Udaltzaingoak ostiral gauean atxilotu zuen, lapurtzeko asmoz bi gizon jotzea egotzita. Ordu batzuk lehenago, arratsaldean, beste pertsona batek haren kontrako salaketa jarri zuen, lesio larriak eragitea egotzita. Duela astebete pasatxo utzi zuen aske Bilboko Guardiako Epaitegiak.
Emakume baten gorpua aurkitu dute Zumaiako Itzurun hondartzan
Paseatzen ari zen pertsona batek aurkitu du hilotza, eta indarkeria zantzurik ez badu ere, Ertzaintzak ikerketa abiatu du gertatutakoa argitzeko.
Bi gizon atxilotu dituzte Tolosan pertsonen trafiko irregularra egotzita
Larunbat goizaldean, Ertzaintzaren patruila batek ibilgailu bat geldiarazi zuen, eta jabetu zen barruan sei pertsona zihoazela, bat maletategian. Gerora egiaztatu zutenez, bidaiariek dirua ordaindu zuten Irunera eta Parisera eramatearen truke. Gidaria eta maletategian zihoan gizasemea atxilotu, eta ertzain-etxera eraman zituzten, epailearen esku utzi aurretik egin beharreko izapideak betetzera.
Primitivak hiru milioi eta erdi euro baino gehiago utzi ditu Bizkaian
Sariaren zenbatekoa bi zatik osatzen dute: 2.422.493,36 euro, kategoria bereziari dagozkionak, eta horiei 1.113.371,22 euro gehitu behar zaizkie, lehenengo kategoriakoak (sei asmatutakoak), aurreko zozketetan ez baitzegoen asmatzailerik kategoria horretan.
Gasteizko parrokiek aldi baterako estalpea eman diete asiloaren zain dauden Maliko migratzaileei
San Joakin eta Santa Ana parrokiak eta Elurretako Andre Mariarenak ateak ireki dizkiete 20 maliarri. Salburuako Auzo Elkarteari esker, beste 20 etorkinek gutxieneko zerbitzuak dituzte. Asilo eskaerak tramitatzeko hitzorduak lortzea eragozten dien blokeoa tarteko, 300 maliar baino gehiago igaro dira jada Gasteiztik iazko udaz geroztik.
Bilbon arma zuriz egindako eraso baten egilearen bila ari da Ertzaintza
Segurtasun Sailak jakinarazi duenez, 15:00ak aldera jakinarazi diote Ertzaintzari gizon bat zaurituta zegoela Bilbo Zaharrean. 33 urteko biktimak arma zuriz egindako zauriak zituen, eta Basurtuko Ospitalera eraman dute.