Sarkozyk ijitoak kanporatzen jarraituko du
Europako Batzordea azkenean ez da ausartu Frantzia zigortzera ijitoak kanporatzeagatik. Bi orduz eztabaidatu zuten komisarioek Viviane Reding Justizia komisarioak egindako proposamena, baina azkenean ez zuten babestu.
Europako Batzordeko kideak ez ziren ausartu oso larria den diskriminazio salaketa mantentzen, ez ziren ausartu ez baita batere erraza frogatzea, baina batez ere, Frantziari aurre ez egitearren. Nikolas Sarkozy Frantziako presidenteak Europa mailako gerra instituzionala egiteko mehatxua egin zuen. Babesa jaso zuen, gainera, Europako azken goi bileran gainerako presidente eta lehen ministroen aldetik.
Batzordeak bi asteko epea eman dio Frantziari bere legedia Europak 2004ean onartu zuen araudietara egoki dezan, pertsonek aske ibiltzeko duten eskubideen inguruan. Araudi hori Frantziak ez du oraindik behar bezala aplikatzen. Hori arau-hauste arina da, administratiboa, diskriminazio etnikoa, berriz, arau-hauste larria da, hitzarmen europarren kontra doalako.
Kontuak kontu, Sarkozy airoso atera da polemika horretatik eta Bulgariako eta Errumaniako ijitoak kanporatzen jarraituko du.
Zure interesekoa izan daiteke
Israelek Somalilandia Estatu gisa aitortu du, eta erabakiak nazioarteko gaitzespen zabala eragin du
Somaliako eskualde separatistaren subiranotasuna onartu duen NBEko lehen kidea da Israel. Hamasek salatu du Gazako Zerrendatik palestinarrak kanporatu eta eremu horretara bidaltzeko asmoa duela Israelek; ez dute halakorik onartuko, ohartarazi du.
Errusiaren eraso gogorrak Kieven, Trump-Zelenski goi-bileraren bezperan
Moskuk eraso gogorrak egin ditu Ukrainako hiriburuaren eta ipar-ekialdeko eta hegoaldeko eskualdeen aurka, eta gutxienez hildako bat eta 19 zauritu eragin ditu.
Familia bereko lau valentziar desagertu dira Indonesian, ontzi bat hondoratu ostean
Familia bereko lau kide, lauak valentziarrak, desagertu dira Indonesian, ontzi turistiko bat hondoratu ostean. Aita eta hiru semeak dira desagertuta dauden lau pertsonak. Ama eta alaba, berriz, bizirik atera dituzte itsasotik. Olatuak eta euri jasak erreskate lanak zailtzen ari dira.
Zelenskik Europako buruzagiekin hitz egiten jarraitzen du, Trumpekin bildu aurretik
Ursula von der Leyen Europako Batzordeko buruak telefono bidez hitz egingo du gaur Zelenskirekin eta Trumpekin.
Bonba batek eztanda egin du Siriako Homs hiriko meskita alaui batean, eta gutxienez zortzi pertsona hil dira
Leherketa ostiral eguerdiko otoitza egiten ari zirela izan da, eta, ikerketaren lehen datuen arabera, bonba tenpluaren barruan zegoen jarrita.
Trumpen eta Zelenskiren igandeko bilerak beste mugimendu bat eragin dezake bake negoziazioetan
Errusiak, bestalde, baieztatu du Estatu Batuekin harremanetan jarri dela, Kievek eta bere aliatuek bultzatutako bake plan berria aztertu ostean.
Hauek dira aurten nazioartean izandako albiste nagusiak
Nazioarteko politikak galdera ugari utzi ditu mahai gainean. Trumpek narkoterrorismoa babestea leporatzen dio Venezuelari, Europa berrarmatzeko bidean da, eta ultraeskuinak gorakada handia izan du Alemanian, Austrian, Erresuma Batuan, Txekian, Portugalen eta Espainian.
Berriz irekiko dute Fukushimako zentral nuklearra
TEPCO enpresak munduko zentral nuklearrik handiena suspertuko du urtarrilean, tokiko agintarien oniritzia jaso ondoren.
Venezuelak 99 preso askatu ditu, 2024ko hauteskundeen ostean atxilotutakoak
Gobernuak azpimarratu duenez, "giza eskubideekiko errespetu zorrotza bermatzeko" hartu dute erabakia.
Estatu Batuek Estatu Islamikoaren kanpalekuak bonbardatu dituzte Nigerian
Donald Trump AEBko presidenteak iragarri duenez, misilekin erasotu dituzte talde jihadistak Afrikako herrialdearen ipar-mendebaldean dituen instalazioak.