Koalizioak aire-eremuaren itxiera inposatu du Libian
Koalizioa osatzen duten herrialdeek aire-eremuaren itxiera inposatu dute Libian, adierazi du Mike Mullen AEBetako almiranteak CBS telebista-kateari emandako elkarrizketan.
Atzo arratsaldean abiatu zuten "Egunsentiko Odisea" izeneko operazioa. Ordutik, AEBek, Frantziak eta Erresuma Batuak airez eta itsasoz egindako erasoen ondorioz, aire-eremua inposatzea lortu dute. Horrela, NBEko Segurtasun Kontseiluak ostegunean adostutako 1973 ebazpena ezarri dute.
Nazioarteko koalizioak ez ditu erasoak eten; gaur, igandean, Frantziako eta Erresuma Batuko hegazkinek Libiako aire-defentsa sistema izan dute jomuga.
Operazio "arrakastatsua"
Laurent Teisseire Frantziako Defentsa Ministerioko bozeramaileak adierazi duenez, larunbateko operazioa "eraginkorra" izan da, izan ere, "herritarrengan zegoen presioa arindu egin da eta ez da haien kontrako mehatxurik egin". Ondorioz, esku hartzea "arrakastatsua" izan dela azpimarratu du.
Ondoren, "Qatarreko lau hegazkin ere operazioan parte hartu" dutela iragarri du. "Eta horrek arabiarren esku hartzea islatzen du".
Adierazpen horien bitartez, Frantziak Qatarren esku hartzea baieztatu du, operazioaren "oinarrietako bat" gauzatuz.
Horrez gain, Europako hainbat herrialde (Italia, Espainia, Belgika, Polonia eta Danimarka) eta bost herrialde arabiar (Maroko, Arabiar Emirerri Batuak, Qatar, Jordania eta Irak) esku-hartze militarrean laguntzeko prest agertu dira.
Bestalde, Errusiak, Venezuelak, Boliviak eta Kubak "Egunsentiko Odisea" gaitzetsi dute.
Tripolik su-etena errespatzen duela dio
Libiako Denfentsa Ministerioak su-etena errespetatzen ari direla esan du eta Bengasin izandako ustezko konbateak ezeztatu ditu, Jama agentzia ofizialaren arabera.
Zenbait telebista kate arabiarrek zabaldu dutenez, Bengasitik 100 kilometrora matxinoen eta Muamar Gadafiren aldekoen artean konbateak izan dira.
Baina Ministerioak emandako azalpenetan, konbate horiek mertzenarioen arteko borrokak baino ez dira eta nazioarteko begiraleei albiste horiek egiaztatzeko eskatu diete.
Gadafik armak banatu ditu
Libiako Gobernuak armak banatu dizkie milioi bat pertsonari, Jama albiste agentzia ofizialak aditzera eman duenez.
Muamar Gadafiren tropak eta tankeak oposizioaren kontrolpean dagoen Misrata hiriaren erdigunera iritsi dira, jakinarazi dute tokiko iturriek.
Libiako presidentearen Armadak porturako sarrera itxi du hornigaien sarrera oztopatuz. Horrez gain, erregai tangak eta zentral elektriko bat suntsitu dute Gadafiren aldekoek.
Libia "gerra luze" baterako prest dagoela adierazi du Gadafik gaur Libiako Gobernuko telebistan emandako hitzaldian. Libiako presidenteak "nazismo berria" garaituko duela agindu du.
Zure interesekoa izan daiteke
Iranek aurreratu du "oinarrizko akordio nuklearra" lortu duela AEBkin
Helburuetan eta gai tekniko garrantzitsuenetan adostasunera heldu dira, eta, orain, hori guztia testu batean ezarri beharko dute. Hala jakinarazi du Teherango Atzerri ministroak.
Bruselak ikerketa abiatu du Sheinen aurka, diseinu "adiktiboa" duelakoan eta legez kanpoko produktuen salmentagatik
Europako Batzordearen ustez, Txinako plataformak ez du Europako araudia betetzen, ez delako gardena bere gomendio-sistemekin eta legez kanpoko artikuluak merkaturatzeko aukera ematen duelako, besteak beste, haurren sexu-edukiko materiala.
Adimen artifizialaren gobernantza eztabaidagai Indian: Silicon Valleyeko handikiak eta nazioarteko agintariak New Delhin bildu dira
Sam Altman (OpenAI), Sundar Pichai (Google) eta Jensen Huang (Nvidia) lider teknologikoak batu dira goi-bileran.
Epsteinen paperetan jasotakoak gizateriaren kontrako krimentzat har daitezkeela esan du NBEk
Inpunitate osoz aritzen zen enpresa kriminal bat zela diote kasua aztertu duten errelatoreek. Sexu-esklabotza, bortxazko desagertzea, tortura eta feminizidioa, besteak beste, egin direla frogatzeko moduko dokumentuak daudela ziurtatu dute.
Nola gauzatuko du Israelek Zisjordaniako lurren erregistroa?
Jerusalem ekialdean prozesu bera hasi zenetik, eraginpeko lurren % 1 baino ez da palestinarren izenean erregistratu.
Rubioren hitzetan, AEBk ez du Europa basailu izatea nahi, "aliatu sendo bat" baizik
Bestalde, Atzerri eta Segurtasun gaietako europar idazkari nagusi Kaja Kallasek azken hilabeteotan Trumpen Gobernuak egindako kritikei erantzun die. "Batzuek aurkakoa badiote ere, Europa eroria ez da hiltzen ari den zibilizazio bat", esan du, eta gaineratu du gero eta jende gehiagok batu nahi duela "Europaren klubera".
Ultraeskuinaren gertuko gazte bat kolpeka hil izanak politika giroa nahasi du Frantzian
23 urteko matematikako ikasle katolikoa zen Quentin, eta larunbatean zendu zen, jasotako kolpeen ondorioz eta bi egun koman eman ostean. Lyongo Fiskaltza gertakari horren nondik norakoak ikertzen ari da.
Israelek Zisjordaniako eremu zabalak Estatuaren zati gisa erregistratu ditu, 1967tik lehen aldiz
Palestinako Aginte Nazionalak salatu duenez, Palestinako lurralde gehiena 'de facto' anexionatu du.
Alemaniak, Frantziak, Erresuma Batuak, Suediak eta Herbehereek Navalni oposizioko burua toxina batekin hiltzea leporatu diote Errusiari
Pozoia, jatorriz Ekuadorko igel batek ekoizten duena, ez dago "modu naturalean" Errusian. Von der Leyenek estatu errusiarraren jokabide "terrorista" salatu du.
Rubiok AEBen eta Europaren arteko harremanak hurbildu nahi ditu baina kontinente zaharrak independentzia sustatu nahi du
Marco Rubio AEBetako Estatu idazkariak Europarekiko harremanak goraipatu ditu larunbat honetan Municheko Segurtasun Konferentzian, eta arindu egin du herrialdeko presidenteorde J.D. Vancek duela urtebete emandako hitzaldi gogorraren tonua.