Bin Ladenen heriotzaren inguruko erreakzioak
Osama Bin Laden Al Qaedako buruzagiaren heriotza "garrantzi handiko unea" dela adierazi du George W. Bush AEBetako presidente ohiak.
Osama Bin Laden Al Kaidako buruzagiaren heriotza "oso garrantzitsua" dela adierazi du George W. Bush AEBetako presidente ohiak.
"Terrorismoaren aurkako borrokak aurrera jarraitzen du, baina gaur AEBek mezu garbia igorri dute: ez du axola zenbat denbora iraungo duen, justizia egin egingo da", adierazi du Bushek komunikatu batean.
2001eko irailaren 11n, World Trade Centerren kontrako atentatua jazo zenean George W. Bush zen AEBetako presidente. 3.000 pertsona hil ziren dorre bikien aurkako eraso hartan.
NBE: "Terrorismoaren aurkako borrokan une garrantzitsua da"
Osama Bin Ladenen hilketa terrorismoaren aurkako nazioarteko borrokan "une garrantzitsua" dela ziurtatu du Ban Ki-moon NBEko idazkari nagusiak.
Al Kaidaren "krimenetan milaka emakume, gizon eta ume" hil direla gogorarazi du Banek, eta NBEk "terrorismo era guztiak" gaitzesten dituela errepikatu du.
Bin Ladenen heriotza pozik hartu du NBEko Segurtasun Kontseiluak eta terrorismoaren aurkako borrokan "aurrerapauso erabakigarria" dela onartu du aho batez.
Clinton: "Al Kaidak ezin ditu AEBek garaitu"
Hillary Clinton AEBetako Estatu idazkariaren hitzetan, Al Kaidak ezin ditu AEBek "nekatu ezta garaitu", eta Osama bin Ladenen heriotzarekin "justizia" egin dela gaineratu du.
"Terrorismoaren aurkako borrokan une garrantzitsua da, baina Al Kaidaren aurkako borroka ez da amaitu, eta ez da Bin Ladenen heriotzarekin bukatuko".
Michael Bloomberg: "Garaipen garrantzitsua da"
Michael Bloomberg New Yorkeko alkatearen ustez, Al Kaidako liderraren heriotzak dorre bikien kontrako atentatuak eragindako milaka biktimen lasaitasuna ekarriko du.
"Osama Bin Ladenen heriotzak ez du hiritarren sufrimendua arinduko, baina gure herriarentzat garaipen garrantzitsua da eta lurraldea babesteko Armadan diharduten milioika gizon-emakumeentzat saria da", azaldu du komunikatu batean New Yorkeko alkateak.
Cameron: "Lasaitasuna ekarriko du"
Al Kaidako liderraren heriotzak mundu osoko hiritarrei "lasaitasuna" ekarriko diela adierazi du David Cameron lehen ministro britainiarrak.
Bin Laden aurkitu izana oso arrakastatsua dela azaldu du Cameronek ohar batean.
Netanjahuk AEBak zoriondu ditu
Benjamin Netanjahu Israelgo lehen ministroak AEBak zoriondu ditu. Bin Ladenen heriotza justizia eta askatasunaren alde eta terrorismoaren aurka borrokan ari diren herri guztientzat "garaipen handia" dela azpimarratu du ohar batean.
Sarkozy: "Terrorismoaren porrot historikoa da"
"Osama Bin Ladenen heriotza terrorismoaren porrot historikoa da", adierazi du Nicolas Sarkozy Frantziako presidenteak.
Hala ere, Bin Laden hil izanak ez duela Al Kaidaren amaiera ekarriko azaldu du Frantziako presidenteak, eta, hori dela eta, horren aurka borrokan jarraitu behar dela azpimarratu du.
Alemaniak AEBak zoriondu ditu
Guido Westerwelle Alemaniako Kanpo Harremanetarako ministroak AEBak zoriondu ditu Bin Ladenen aurka egindako operazioa dela eta.
"Terrorista horren ekintza odoltsuekin amaitu izanaalbiste ona da bakea eta askatasuna aldarrikatzen duten munduko hiritar guztientzat", adierazi du Westerwellek.
Baina terrorismoaren aurkako borroka ez dela amaitu azpimarratu du eta Al Kaidako jarraitzaileen balizko erasoak egon daitezkeela ohartarazi du.
Zure interesekoa izan daiteke
Bruselak ikerketa abiatu du Sheinen aurka, diseinu "adiktiboa" duelakoan eta legez kanpoko produktuen salmentagatik
Europako Batzordearen ustez, Txinako plataformak ez du Europako araudia betetzen, ez delako gardena bere gomendio-sistemekin eta legez kanpoko artikuluak merkaturatzeko aukera ematen duelako, besteak beste, haurren sexu-edukiko materiala.
Adimen artifizialaren gobernantza eztabaidagai Indian: Silicon Valleyeko handikiak eta nazioarteko agintariak New Delhin bildu dira
Sam Altman (OpenAI), Sundar Pichai (Google) eta Jensen Huang (Nvidia) lider teknologikoak batu dira goi-bileran.
Epsteinen paperetan jasotakoak gizateriaren kontrako krimentzat har daitezkeela esan du NBEk
Inpunitate osoz aritzen zen enpresa kriminal bat zela diote kasua aztertu duten errelatoreek. Sexu-esklabotza, bortxazko desagertzea, tortura eta feminizidioa, besteak beste, egin direla frogatzeko moduko dokumentuak daudela ziurtatu dute.
Nola gauzatuko du Israelek Zisjordaniako lurren erregistroa?
Jerusalem ekialdean prozesu bera hasi zenetik, eraginpeko lurren % 1 baino ez da palestinarren izenean erregistratu.
Rubioren hitzetan, AEBk ez du Europa basailu izatea nahi, "aliatu sendo bat" baizik
Bestalde, Atzerri eta Segurtasun gaietako europar idazkari nagusi Kaja Kallasek azken hilabeteotan Trumpen Gobernuak egindako kritikei erantzun die. "Batzuek aurkakoa badiote ere, Europa eroria ez da hiltzen ari den zibilizazio bat", esan du, eta gaineratu du gero eta jende gehiagok batu nahi duela "Europaren klubera".
Ultraeskuinaren gertuko gazte bat kolpeka hil izanak politika giroa nahasi du Frantzian
23 urteko matematikako ikasle katolikoa zen Quentin, eta larunbatean zendu zen, jasotako kolpeen ondorioz eta bi egun koman eman ostean. Lyongo Fiskaltza gertakari horren nondik norakoak ikertzen ari da.
Israelek Zisjordaniako eremu zabalak Estatuaren zati gisa erregistratu ditu, 1967tik lehen aldiz
Palestinako Aginte Nazionalak salatu duenez, Palestinako lurralde gehiena 'de facto' anexionatu du.
Alemaniak, Frantziak, Erresuma Batuak, Suediak eta Herbehereek Navalni oposizioko burua toxina batekin hiltzea leporatu diote Errusiari
Pozoia, jatorriz Ekuadorko igel batek ekoizten duena, ez dago "modu naturalean" Errusian. Von der Leyenek estatu errusiarraren jokabide "terrorista" salatu du.
Rubiok AEBen eta Europaren arteko harremanak hurbildu nahi ditu baina kontinente zaharrak independentzia sustatu nahi du
Marco Rubio AEBetako Estatu idazkariak Europarekiko harremanak goraipatu ditu larunbat honetan Municheko Segurtasun Konferentzian, eta arindu egin du herrialdeko presidenteorde J.D. Vancek duela urtebete emandako hitzaldi gogorraren tonua.
Zelenskik esan du Ukraina erdibitzeak ez duela benetako bakerik ekarriko
AEBk bultzatzen dituen bake-negoziazioek arrakasta izan dezaten ahal duen guztia egiteko prest agertu da Ukrainako presidentea, baita hauteskundeak berehala deitzeko ere, bi hilabeteko su-etena bermatzen bada.