Siriako erregimenak arma kimikoak erabili zituela uste du Van Rompuyk
Herman Van Rompuy Europako Kontseiluko presidenteak sinesgarritasuna eman die hainbat herrialdek Siriako erasoaren inguruan kaleratutako txostenei, eta erregimenak arma kimikoak erabili zituela uste duela adierazi du. Erasoa ''gizateriaren kontrako krimen ankerra'' izan zela esan du Van Rompuyk.
"Informazioek erakusten dutenez, Siriako erregimena da erantzulea, arma horiek dituen bakarra delako'', azaldu du.
Jose Manuel Durao Barroso Europako Batzordeko presidentearekin batera agerraldia egin du G20aren bileran, eta adituak arma kimikoen inguruko txostenean ''lanean'' ari direla azaldu du. "NBEren idazkari orokorrak gaur bertan guri gai honen inguruko informazioa ematea espero dugu'', esan du.
Edonola ere, Van Rompuyk argi du Europar Batasuna Sirian indar militarra erabiltzearen kontra dagoela
"Siriako krisia NBEren babesaren menpe konpondu behar da. Ezin da irtenbide militar bat egon. Irtenbide politikoa da aukera bakarra'', gaineratu du.
''Biziak salbatzeko'' lan egitea eskatu dio AIk G20ari
Errusian bilduta dauden G20ko kideei Sirian ''biziak salbatzeko'' lan egitea eskatu die Amnistia Internazionala (AI) erakundeak.
"Elkarrekin lan egiten badute herrialde horiek Siriako gatazkari irtenbidea aurkitzeko plana aurkitu dezakete, eta aurkitu behar dute'', esan du Amnistia Internazionalak, ohar batean.
Siriako herritarren sufrimendua ekiditeak lehentasuna izan behar duela uste du AIk.
Aita santuak, diplomazia lanetan
Siriako eraso militarra ekiditeko diplomazia lanak indartu ditu Frantzisko I.a aita santuak, eta eskutitz bat bidali dio Vladimir Putin Errusiako presidenteari, G20aren bilera dela-eta.
Bertan, ''irtenbide militarrak'' saihestea eskatu die nazioarteko agintariei.
Obama-Hollande bilera
François Hollande Frantziako presidenteak, bestalde, AEBetako Kongresuaren erabakiari itxarongo diola berretsi du gaur, eta bihar bertan Obamarekin bilera egingo duela aurreratu du. Orain arte, Frantzia da erasoa egiteko AEBek lortu duten aliatu bakarrenetakoa.
Albiste gehiago mundua
UEFA, Israelen aurka: "Utzi haurrak hiltzeari, utzi zibilak hiltzeari"
Bi haur errefuxiatu palestinar Paris Saint-Germain eta Tottenham taldeen arteko UEFAko Superkopako finalean izan dira, Aleksander Ceferin UEFAko presidentearekin batera.
Trump Putinengana hurbiltzen saiatuko da Alaskan, Ukrainari buruzko konpromiso irmorik hartu gabe
Ostiraleko bileran (19:30 GMT orduan izango dena, Euskal Herriko 21:30ean) ez da Volodimir Zelenski Ukrainako presidentea izango. Donald Trumpek eta Vladimir Putinek agerraldia egingo dute hedabideen aurrean bileraren amaieran.
Aitor Zabalgogeazkoa (MSF): "Gazako janari banaketa sistema berria basakeria bat da"
Aitor Zabalgogeazkoak zortzi aste egin ditu Gazan Mugarik Gabeko Medikuak erakundearen larrialdietako koordinatzaile bezala lan eginez. Bere hitzetan, 22 hilabeteren ostean, "jendeak esperantza galdu du eta gosetea gero eta handiagoa da". Zabalgogeaskoak gertutik bizi izan du Israelek eta AEBk babesten duten janari banaketa puntuetan gertatzen dena. "Egunero egoten dira hildakoak eta zaurituak" eta askok buruan eta bularrean jasotzen dituztela tiroak adierazi du "Gaur Egun" albistegian egindako elkarrizketan.
Hogeita hamar bat kazetarik protesta egin dute Tel Aviven kazetari gazatarren hilketaren aurka
"Utzi Gazan kazetariak hiltzeari", irakur zitekeen, ingelesez, arabieraz eta hebreeraz idatzitako pankarta batean. Kazetariak ordu erdiz egon dira bilduta Israelgo Kazetarien Elkarte Nazionalaren egoitzaren atarian isiltasunean.
Gutxienez 26 pertsona hil dira Lampedusako kostaldean, ontzi bat hondoratuta
Desagertuen bila jarraitzen dute; izan ere, 95 bat migratzaile zihoazen goizaldean Tripolitik (Libia) abiatu diren bi ontzitan. Horietako batean ura sartzen hasi da, eta, ondorioz, pertsonak bestean ontziratu dira. 60 inguru erreskatatu dituzte.
Aitor Zabalgogeazkoa Gazatik itzuli berri da eta Zerrendako egoera "inoiz baino okerragoa" dela uste du
Bilbon komunikabideekin egindako topaketa batean, 2012ra arte Mugarik Gabeko Medikuak erakundeko zuzendari nagusi izan denak eta gaur egun larrialdietako koordinatzailea den Aitor Zabalgogeazkoak Gazan eman dituen azken zortzi asteak deskribatu ditu. Gaur gauean, "Gaur Egun" albistegian elkarrizketa egingo diote, Gazako Zerrendan bizi den egoera azaldu dezan.
Europako buruzagiek su-etena eskatu diote Trumpi, ostiralean Putinekin Alaskan egingo duen bileraren abiapuntu gisa
Macronen arabera, AEBko presidenteak bideokonferentziaz baieztatu die NATO ez dela Ukrainaren segurtasun bermeetan inplikatuta egongo. Gainera, Frantziako presidenteak azaldu du Trumpek bermatu diela Zelenskik bakarrik negoziatuko dituela Ukrainak Errusiari lagako omen dizkion lurraldeak.
Netanyahuren aurkako epaiketari azaroaren 2an helduko diote berriro, hainbat saio bertan behera geratu ostean
Israelgo lehen ministroak, funtzionario-eroskeria, iruzur eta konfiantza-abusu delituak leporatuta, astean hiru aldiz agerraldia beharko du data horretatik aurrera. Netanyahu Israelen historian jardunean dagoela epaitzen duten lehen gobernuburua da.
EBk negoziazioetan Ukrainak duen papera aldarrikatu du eta Errusia ohartarazi du, Hungariak sinatu ez duen mezu batean
"Ukrainako herritarrek beren etorkizuna erabakitzeko askatasuna izan behar dute. Ukrainako bake-bidea ezin da Ukraina gabe erabaki", ohartarazi dute, eta su-etena ezinbestekoa dela edozein aurrerapauso egiteko.
Trumpek beste 90 egunez luzatu ditu Txinarako muga-zergak
Txinako Merkataritza Ministerioak baieztatu duenez, Trumpen agindu exekutiboa baino apur bat lehenago, AEBren "ahaleginak" espero zituen "berdintasunean, errespetuan eta elkarrekiko onuran oinarritutako emaitza positiboa" lortzeko.