Mendebaldeko Afrikako herrialdeak, Boko Haramen aurkako 'gerran'
Mendebaldeko Afrikako herrialdeek Boko Haram talde islamistaren aurkako "erabateko gerra" abiatzea adostu dute larunbat honetan Parisen, Idriss Deby Txadeko presidenteak iragarri duenez. Batzarra François Hollande Frantziako presidenteak deitua izan da, talde armatu horren kontrako erantzun komuna emateko. "Egoerari aurre egiteko erabakia dago, gerra abiatzearena; erabateko gerra, Boko Haramen aurkakoa", esan du Debyk Parisetik.
Goodluck Jonahtan Nigeriako presidenteak (Parisen ere egona da) adierazi du Boko Haram ez dela, dagoeneko, nazio-mailako mehatxua bakarrik; izan ere, Al Qaedak Afrikako mendebaldean duen bertsioa dela. "Boko Haram ez da nazio-talde terrorista bat. Argi dago Al Qaedaren atal bat balitz bezala aritzen dela, Mendebaldeko Afrikako Al Qaeda dela", esan du, prentsaurrekoan, Jonathanek. "Nazioarteko akordio batekin erakutsi dugu gure konpromisoa. Afrikako mendebaldeko herrialdeen bateratzerik gabe, ezinezkoa izango litzateke terrorista hauek suntsitzea".
Frantziako presidenteak, bere aldetik, Boko Haramek beste talde armatu batzuekin duen erlazioa nabarmendu du (Al Qaedak Magreb islamiarrean duen taldearekin, besteak beste): "Boko Haram Afrikako mendebalderako mehatxua da, eta Afrikako erdialderakoa ere bai; AQMIrekin eta beste zenbait erakunde terroristarekin harremanak ditu", azpimarratu du.
Hollandek, halaber, esan du berehala jarriko dutela martxan informazioak trukatzeko, ekintzak koordinatzeko eta mugak babesteko egitasmo berezi bat.
Zure interesekoa izan daiteke
Gutxienez 40 hildako eta 115 zauritu, gehienak larri, Suitzako Crans Montana eski-estazioan izandako sute batean
"Le Constellation" tabernan ospatzen ari ziren urte berriko festan piztu da sute bortitza, 01:30ean. Agintariek ez dute espekulaziorik egin nahi sutearen arrazoiaren inguruan baina erabat baztertu dute atentatuaren hipotesia. Bi lekukok azaldu dutenez, sua egurrezko sabaira gehiegi hurbildu ziren bengala batzuen ondorioz piztu zen, eta "oso azkar" zabaldu zen.
Sute batek eliza historiko bat kiskali du Amsterdamen Urtezahar gauean
Amsterdamgo Vondelkerk eliza historikoa, XIX. mende amaierako eraikina, erabat suntsituta geratu da bart sute baten ondorioz. Inguruko etxebizitzak hustu behar izan dituzte eta, zorionez, ez da inor zauritu ezbeharrean. Gertakariaren arrazoi ofizialak ezagutzen ez diren arren, herritar batzuek su artifizialak ikusi zituzten elizaren dorretik getu.
Moneta aldaketa Bulgarian: euroak lev moneta ofiziala ordezkatu du
Europar Batasunean (EB) duela 19 urte sartu bazen ere, Bulgaria orain arte eurogunetik kanpo egon da. 2026ko urtarrilaren 1etik, Bulgaria eurogunera sartu den 21. herrialdea da.
Zohran Mamdanik New Yorkeko alkate kargua hartu du
Alkate demokratak gauerdiaren ostean hartu du kargua, hiriko metro geltoki historiko batean egindako ekitaldi batean. New Yorkeko alkate gisa egin dituen lehen adierazpenetan, "ohorea eta pribilegioa" dela nabarmendu du.
Indarrean da Israelek Gazan jarduten duten 37 GKEri jarritako betoa
Israelek nazioarteko erakunde humanitarioei (Mugarik Gabeko Medikuak eta UNRWA) lizentziak kendu dizkie, eta jarduera etetea eta martxoaren 1a baino lehen Gazatik alde egitea exijitu die, erregistro-prozesu polemiko bat ez osatzeagatik.
Su artifizial liluragarriak mundu osoan 2026 urteari harrera egiteko
Su artifizial ikusgarriz eta musikaz lagunduta, urte berrian abiatu dira Rio de Janeiro, New York, Paris, Berlin edo Dubai bezalako munduko hiriburu handiak.
Zeelanda Berriak ongietorria eman dio 2026 urteari
Ozeaniako herrialde hau izan da 2025ari agur esan eta 2026ari ongietorria eman dion lehenengoetako bat, Aucklanden su artifizialen ikuskizun batekin.
Israelek Somalilandia aitortzea, Afrikako Adarreko taula geoestrategikoan faktore berria
Israelek Somalilandia onartzeak hamarkadetako gatazka sezesionista pizteaz gain, pieza berri ezegonkor bat txertatzen du Afrikako Adarreko eta Ekialde Ertaineko aliantzen eta etsaitasunen taula geoestrategiko konplexuan.
Gutxienez pertsona bat hil da eta 80 inguru zauritu dira Machu Pichura zihoazen bi trenek aurrez aurre talka egin ostean
Gutxienez pertsona bat hil da eta beste 78 zauritu dira astearte arratsalde honetan Machu Picchuko Parke Arkeologiko Nazionalera zihoazen bi trenek aurrez aurre talka egin ostean, Ollantaytambo herrian, Urubamba probintzian, Peru hegoaldean.
Hamar herrialdek eskatu diote Israeli UNRWAk eta GKEek esku har dezatela egoera "katastrofikoaren" aurrean
Israelek UNRWAren operazioen etetea azkartzen duen lege bat onartu du, NBEren agentzia 2023ko urriaren 7ko erasoetan inplikatuta dagoela iritzita.