Sarkozyren alderdiak ez du Fronte Nazionalaren aurkako itunik egingo
Les Republicains alderdiak Nicolas Sarkozy liderraren erabakia babestu du, eta ez du atzera egingo ezta ezkerrarekin itunik egingo ere Frantziako eskualde-hauteskundeei begira. Balizko fusio horrek xede izango luke Fronte Nazionalaren garaipena saihestea.
Jean-Pierre Raffarin lehen ministro ohiak eta Nathalie Kosciusko-Morizet Nicolas Sarkozyren bozeramaile ohiak izan ezik, alderdiko buruzagi nagusiek estrategia horren alde egin dute: "Edozein zatiketa txarra izango litzateke. Bigarren itzulia irabazi behar dugu. Irtenbidea ez da inoiz izan zerrendak fusionatzea edo atzera egitea", esan dio prentsari Alain Juppe lehen ministro ohiak. Juppe 2017ko presidentetza-hauteskundeetarako primarioetan hautagaia da.
Juppek nabarmendu du eskualde-hauteskundeetarako kanpainan sozialisten lan txarra salatu dutela, eta ezin dutela bestelakorik esan atzo gauean jazotako emaitzen ostean, "egun batetik bestera". Gobernu-buru ohiak, dena den, aitortu du alderdiak eztabaidari ekin beharko diola, bere ildo politikoaz aritzeko. Bere ustez, ildo hori ez da behar bezala entzuten, batez ere Fronte Nazionalari dagokionez.
"Sinesteko moduko irtenbiderik ez", frantziarren itxaropenetarako
"Frantziarrei esaten diegunean Fronte Nazionalak ez duela euren itxaropenetarako sinesteko moduko irtenbiderik , segurtasunaren ala langabeziaren gainean, ez zaigu entzuten. Zergatik? Zein argudio erabili beharko genuke? Zein ildo? Benetako debatea da, eta egin beharko dugu. Baina oraindik ez da garaia", esan du Juppek. Bere alderdiak, esan du, hautesleak mugiarazi behar ditu asteon, batez ere abstentzioaren alde egin zutenak, bigarren itzulian albiste onak izateko.
Fronte Nazionalak, atzo, hamahiru eskualdetako seitan irabazi zuen; Sarkozyren aliantzak (erdi-eskuinekoa da) lautan lortu zuen garaipena; eta sozialistek eta haien aliatuek hirutan irabazi zuten.
Albiste gehiago mundua
Israelek ziurtatu du Abu Obaida, Hamasen beso armatuaren bozeramailea, hil duela larunbat honetan Gazan izandako eraso batean
Armada eta inteligentzia zerbitzuak zoriondu ondoren, Katzek Gaza hiriko okupazioarekin jarraitzeko eskatu die. Brigadek eta Hamas mugimenduak ez dute balizko erailketa horri buruzko adierazpenik egin.
Ukrainako Odesa hiriari eraso dio Errusiak, eta 29.000 etxebizitza argindarrik gabe utzi ditu
Halaber, gutxienez hiru zibil hil eta sei zauritu ditu azken 24 orduetan Donetsk eskualdearen aurka egindako erasoetan.
Global Sumud Flotilla Gazara bidean da jada, 22 ontzi eta 300 pertsona baino gehiagorekin
15:30ean abiatu da Bartzelonako portutik, gutxienez 44 herrialdetako ordezkariekin, lau euskal herritar tartean, Gazako genozidioa eta blokeoa salatzeko helburuarekin. 5.000 pertsona inguru elkartu dira Bartzelonako portuan, flotillari babesa eman eta agurtzeko.
Arratsaldean abiatuko da Bartzelonatik Gazara janaria eta sendagaiak eramango dituen flotilla
15:00etan aterako dira hogei ontzi inguru, gutxienez 44 herrialdetako ordezkariekin, lau euskal herritar tartean, genozidioa eta blokeoa salatzeko helburuarekin. Albares ministroak ziurtatu duenez, Espainiako Gobernuak "babes diplomatiko eta kontsular osoa" eskainiko die Bartzelonatik Gazara abiatuko den ontzidi humanitarioan parte hartzen duten Espainiako herritarrei.
Israelek 100 gazatar baino gehiago hil ditu larunbatetik, eta Gaza hiria suntsitzen jarraitzen du
2023ko urriaren 7an Hamasek egindako erasoari erantzunez Israelek Gazan erasoaldia hasi zuenetik, 63.000 pertsona hil eta 159.000 baino gehiago zauritu ditu.
SCOren goi-bilera Txinan, Putinen eta Indiaren parte-hartzearekin
Errusiako presidenteak Shanghaiko Elkarlan Erakundearen goi-bileran hasiko du Txinara egingo duen lau eguneko bisita ofiziala. Hainbat urtetako liskarren eta tentsioaren ostean, Txina eta India "lagunak eta bizilagun onak" izan behar direla esan dio Xi Jinping Txinako presidenteak Narendra Modi Indiako lehen ministroari igande honetan.
Ehunka lagun joan dira Euskal Herritik Bartzelonara igande honetan Gazara abiatuko den flotillari babesa ematera
Bart gauean autobusak atera dira euskal hiriburuetatik Gazako Zerrendara janaria eta sendagaiak eramateko eta Israelen blokeoa eta genozidioa salatzeko abiatuko den flotillari babesa ematera.
Abbasek eta palestinar kargudunek NBEren Batzar Nagusian parte hartzeko debekua berriro aztertzeko eskatu dio EBk AEBri
NBEren goi bilera irailaren 9an abiatuko da New Yorken, eta eztabaida orokorra 23tik 27ra bitartean egingo da. Bestalde, Kaja Kallas Europako Batasuneko Kanpo Politikako buruak onartu du Israeli jarri ahal dizkioten zigorren inguruan EBko kideen artean ikusten den zatiketak sinesgarritasun galera eragin duela Europako herritarren aurrean.
Bi gizon atxilotu dituzte Indonesian, Espainiako emakume bat hil dutelakoan
Indonesian, uztailaren biaz geroztik desagertuta zegoen 72 urteko emakume espainiar bat hilda aurkitu zuen gaur bertako poliziak. Matilde Muñoz, jatorri galiziarra zuen emakumea, Lombok uhartean desagertu zen, eta hango hondartza batean aurkitu zuten gaur beren gorpua. Heriotzarekin lotuta bi pertsona atxilotu ditu poliziak, eta lapurreta eta hilketa leporatu dizkiete. Indonesiako Poliziak ziurtatu duenez, espainiarraren hilketa planifikatu zuten aitortu dituzten bi atxilotuek. Senggigi herrian bizi diren 34 eta 30 urteko bi gizon dira. Kontakizunaren arabera, Balitik gertu dagoen herri bateko hotel batean zegoen emakumea, lapurreta egin asmoz leihotik bere gelara sartu zirenean.
Palestinaren aldeko manifestazio jendetsua egin dute Veneziako Mostran
"Palestina libre" oihukatuz, Veneziako Mostraren inguruko kaleak hartu dituzte milaka lagunek arratsaldean. Palestinako banderak eta koloreak nonahi, eta genozidioa gelditzea eskatzeko pankarta ugari zeramatzatela, Israelek Gazan duen jokabidea salatzeko manifestazio jendetsua egin dute.