Madurok barne astinaldi egoera ezarriko du eraso kolpistak jasoz gero
Nicolas Maduro Venezuelako presidenteak esan du barne astinaldi egoera ezarriko duela Gobernuaren aurkako "gertakari kolpistak" atzematen baditu.
Madurok ohar hori zabaldu du polizien eta oposizioko jarraitzaileen artean liskarrak gertatzen ari ziren une berean. Agintari venezuelarra kargutik kentzeko erreferenduma deitzea eskatzen dute oposizioko kideek.
"Estatuburu gisa dudan baliabide bat da barne astinaldi egoera ezartzea, kolpismo gertakarien aurrean. Ez dut zalantza egingo, beharrezkoa izango balitz ezarri egingo dut, baina ea ez den beharrezkoa", adierazi du agintariak ekitaldi ofizial batean.
"Hemengo diktadura bakarra burgesiak herriaren kontra duen Gerra Ekonomikoa da; diktadura mediatikoa ere bada, egunero manipulatzen duten hedabideekin; etengabeko konspirazioaren diktadura", adierazi du Madurok, eskuindarren politikak Salbuespen eta Larrialdi Ekonomikoaren dekretu berria "satanizatu" nahi duela salatu aurretik.
Oposizioaren jarraitzaileek polizia nazional bati egindako erasoa salatu du ofizialismoak, eta telebista publikoak horren irudiak zabaldu ditu.
Aipatu funtzionarioaren arabera, bera eta bere lankide batzuei egin zieten eraso, eta ukatu egin du gas negar-eragilea jaurti izana, ez baitute horretarako baimenik nagusien agindua jaso gabe.
Zure interesekoa izan daiteke
Trumpen gobernuak Epstein auziko artxiboen zati bat kaleratu du
Pederastaren biktimek pozez hartu dute argitalpena, baina informazioa eta artxiboak falta direla salatu. Kaleratutako irudiotan, Bill Clinton presidente ohia ageri da jacuzzi batean.
Ukrainak Errusiarekin hitz egin nahi izatearen "seinale batzuk" jaso dituela azpimarratu du Putinek
Errusia "gatazka bide baketsuan amaitzeko" prest dagoela azpimarratu du, "joan den ekainean Atzerri Ministerioaren aurrean azaldu nituen printzipioetan oinarrituta" eta "gatazka eragin zuten jatorrizko arrazoiak ezabatuz gero".
AEBko Gobernuak Epstein pederastaren artxibo klasifikatuak argitaratuko ditu ostiral honetan, partzialki bada ere
Pasa den azaroan, AEBko Ordezkarien Ganberak Trumpen gobernua Jeffrey Epstein pederastaren artxiboak sekretupetik ateratzea behartzen duen legea onartu zuen. Lege-testuaren arabera, material hori "kontsultatzeko eta deskargatzeko" moduan egon beharko da.
Europar Batasunak 90.000 milioi euroko mailegua emango dio Ukrainari, zor bateratuaren bidez finantzatuta
Momentuz, 27 herrialdeetako agintariek ez dituzte aktibo errusiarrak erabiliko Ukraina finantzatzeko.
EBk akordioa iragarri du asilo-eskatzaileak "hirugarren herrialde seguruetara" deportatzea errazteko
Europako Kontseiluaren eta Europako Parlamentuaren arteko behin-behineko akordioak babes-eskaerak ez onartzeko kasuistikak zabalduko ditu.
Ospea minimoetan duela, Trumpek bere lorpenak puztu ditu nazioari egindako diskurtso batean
Ia egunero egiten dituen agerraldi publikoetan esaten dituen gauza asko errepikatuz hasi du hitzaldia agintariak: etorkinei eta Joe Biden bere aurrekoaren gobernuari eraso egin die, eta hilabete gutxi batzuetan AEBk "okerrenetik onenera" egin dutela ziurtatu du, deportazioak egin dituelako, mugaetako kontrolak zorroztu dituelako eta beste herrialde batzuen aurka muga-zergak ezarri dituelako.
Venezuelak, AEBri: "Ez duzue gure petroliorik izango, ez oparituta, ezta lapurtuta ere"
Etxe Zuriak atzo adierazi zuenez, AEBk sortu zuen Venezuelako petrolio-industria, eta Caracasen 1976an industria hori nazionalizatzea, estatubatuarrei inoiz egindako "lapurretarik handiena" izan zen.
Alemaniak umeei hilean 10 euro ematea onartu du, erretiro-pentsioetan aurrezteko
"Goiz hasteko pentsioa" delakoa Alemaniako Gobernuak abian jarri duen pentsio sistema pribatuaren erreforma sorta zabalago baten parte da.
Frantziako Barne Ministerioaren aurkako zibererasoa egin eta dozenaka artxibo konfidentzial lortu dituzte
Laurent Nuñez Barne ministroak adierazi duenez, aurrekari penalen (TAJ) eta pertsona bilatuen (FPR) fitxategietara sartu dira hackerrak. Pariseko Fiskaltzak ikerketa abiatu du gertaturikoa argitzeko.
Venezuelan sartu eta irteten diren petrolio-ontziak erabat blokeatzeko agindu du Trumpek
AEBko presidenteak nabarmendu duenez, "Maduroren erregimen ez-legitimoa lapurtutako petrolioa erabiltzen ari da narkoterrorismoa, pertsonen trafikoa, hilketak eta bahiketak finantzatzeko, besteak beste".