'Brexit'aren aurka manifestatu dira milaka herritar Londresen
Europa Batasunaren puxikekin eta banderekin, milaka herritar kalera atera dira larunbat honetan Londresen 'brexit'aren aurka eta Bruselarekiko apurketa-prozesua abian jarriko duen 50. artikuluaren baliogabetzea eskatzeko.
"Europaren aldeko Martxa" lelopean, 40.000 bat lagun izan dira manifestazioan, tokiko komunikabideen arabera, Park Lanetik abiatuta, Parlamentuko plazaraino. Europarekiko lotura mantentzearen aldeko oihuak entzungai izan dira ibilbidean zehar, eta honako leloak irakur zitekeen parte-hartzaileek zeramatzaten pankartetan: "Europa, beti maite izango zaitut", "Europa Batasunean gaude, nire mutil-laguna alemaniarra da", "EB, maite zaituztegu".
Europar Batasunaren inguruko referenduma ospatu zenetik bederatzi egun igaro dira. Orduan, britaniarren % 52k Europar Batasunetik alde egitearen alde bozkatu zuen. Referendum horren emaitzak krisi politikoa eragin du Erresuma Batuan, eta ondorio ekonomikoak ekarri dizkio herrialdeari.
Downing Streeteko egoitza ofizialetik igaro da gaurko martxa, Parlamentutik oso gertu, eta manifestariek kantak abestu dituzte, 'Ez nire izenean', 'brexit'aren alde ez zutela bozkatu adierazteko.
Mark Thomas komikoak antolatutako martxa baketsua izan da. Arin antolatu zuten, eta sare sozialen bitartez babes handiak lortu.
Thomasen arabera, manifestazioaren arrakastak argi uzten du "brexit-aren ondoren, jendea haserre dagoela, eta zerbait egiteko irrikitan, Europako kanpaina gezurretan oinarrituta egon baitzen", batez ere arlo ekonomikoari dagokionez.
"Referendumaren emaitza onartu beharko genuke", esan du Thomasek, "era zilegi batean eztabaidatu ahal izan bagenu. Baina informazio falta izan da, eta jendeak zeozer egin behar du frustrazio horren aurrean".
orren aurrean". orren aurrean".Albiste gehiago mundua
Gutxienez 200 pertsona atxilotu dituzte Londresen, Palestine Action taldearen aldeko manifestazio batean
Palestine Action taldea legez "erakunde terrorista" gisa sailkatuta dago Erresuma Batuan uztailetik, bertako aireko armadaren base militar batean bi hegazkin bandalizatu ondoren.
Nagasakik minutu bateko isilunearekin gogoratu ditu bonba atomikoaren biktimak, 80 urte geroago
Minutu bateko isilunea egin dute Nagasakin, AEBk bonba nuklearra jaurti zuenetik 80 urte bete direla gogora ekartzeko. 74.000 hildako utzi zituen, Hiroshiman 140.000 pertsona hil eta hiru egunera. Agintari nipondarrek eta bizirik atera zirenek izugarrikerietatik ikasteko eta 1945eko abuztuaren 9ko oroitzapen tragikoa gogoan izateko eskatu dute.
Kiev aintzat izan gabe hartutako erabakiak jaiotzerako "hilda" daudela esan du Zelenskik
Trumpek eta Putinek Ukrainako gerraren amaierari buruz hitz egiteko iragarritako goi-bileran egotea eskatu du Zelenskik, baita Europaren parte-hartzea ere.
Trump eta Putin abuztuaren 15ean bilduko dira, Alaskan, Ukrainako gerrari buruz hitz egiteko
Oraindik ez dago argi Volodimir Zelenski Ukrainako presidenteak ordezkaritzarik izango ote duen akordio bat lortzen saiatzeko hitzordu honetan. Datozen orduetan xehetasun gehiago emango dituztela iradoki du AEBko presidenteak.
Mendi bat erditik moztu dute Txinan 600 metroko altueran dagoen autobide bat eraikitzeko
Guizhou probintzian, ingeniariek mendia zatitu dute autobide moderno bat eraikitzeko. Lehergaiak eta zulatzeko teknika aurreratuak erabili dituzte korridore zabal bat sortzeko.
Alemaniak iragarri du Israel helmuga duen arma esportazioen zati bat eten egingo duela "oraingoz"
Aurrekaririk gabeko erabakia da Alemanian. Bestalde, Herbehereetan atzera bota dituzte ontzi militarren piezak Israelera esportatzeko hiru lizentzia, eta Norvegiak esan du Israelgo inbertsioetan egingo dituzten aldaketak iragarriko dituztela datorren astean.
Hamasek Israeli ohartarazi dio erasoaldia hedatzeak bahituak "sakrifikatzea" esan nahi duela
Israelgo kabineteak Gazako Zerrendan bere erasoaldi militarra zabaltzea erabaki ostean iritsi da talde islamistaren komunikatua. Hamasek ohartarazi duenez, "zibilen aurkako krimen basatiagatik duen erantzukizun legala saihesteko ahalegin zakarra da".
Mugarik Gabeko Medikuek eskatu dute Gazako Fundazio Humanitarioaren banaketa-guneak desegiteko: "Tranpa hilgarriak dira"
Mugarik Gabeko Medikuak (MSF) gobernuz kanpoko erakundearen txosten baten arabera, Gazarako Fundazio Humanitario estatubatuarraren elikagaiak banatzeko zentroak "hilketa orkestratuak eta deshumanizazioa" egiteko lekuak dira, eta horiek ixteko deia egin du. Israelek horren esku utzi zuen Gazan laguntza humanitarioa banatzeko ardura, hainbat hilabetez erabat blokeatuta egon ondoren.
Gaza inbaditzeko plana "berehala gelditzeko" eskatu du NBEk
Nazio Batuen Erakundeko Giza Eskubideetarako goi mandatariak salatu duenez, Netanyahuren erabakia Nazioarteko Justizia Gortearen irizpenaren kontrakoa da.
Gutxienez zazpi pertsona atxilotu dituzte Israelen, Gazako inbasioaren aurkako protestetan
Israelgo agintariek gutxienez zazpi pertsona atxilotu dituzte ostegun honetan Gazako Zerrendan inbasio militarraren aurka egindako manifestazioetan, eta zalditeria eta ur-kanoiak erabili dituzte protesta jendetsuak sakabanatzeko. Jerusalemen, bizirik atera direnen eta bahituta daudenen senideak izan dira protestetan, eta akordio bat eskatu dute horiek askatzeko eta Israelek Palestinako enklabearen kontra egindako erasoaldia amaitzeko, besteak beste.