Horrela jarraitu dugu zuzenean Donald Trumpen inbestidura saioa
18:45 | Amaitutzat ematen dugu inbestidura saioaren zuzeneko kontakizuna. Hemen duzue Donald Trumpen kargu-hartze ekitaldiaren kronika, hala nahi izanez gero. Eskerrik asko!
18:31 | Donald Trump hauteskunde-kanpainan erabili zuen esaldiarekin amaitu du AEBko presidente berri gisa eman duen lehen hitzaldian: "Elkarrekin, Estatu Batuak handi egingo dugu berriro".
18:29 | Trump: "Hitz hutsen garaia amaitu da; ez dugu hitzetatik ekintzetara pasatzen ez den politikaririk onartuko".
18:27 | Trump: "Beltza, marroia edo zuria izan, estatubatuarrok odol gorri bera konpartitzen dugu".
18:25 | Trump: "Gainerako herrialdeen adiskidetasuna bilatuko dut, baina beti estatubatuarren helburuak lehenetsita".
18:23 | Trump: "Mundu zibilizatua terrorismo islamiarraren kontra batuko dut eta erabat desagerraraztea lortuko dut".
18:21 | Trump: "Ahalegin berezia egingo dut herrialdea berreraikitzeko eta horrek Estatu Batuen eta munduaren norabidean eragina izango du urte askoan".
18:19 | Trump: "Beste herrialde batzuen mugak defendatu ditugu, gurea babesteari utzita; Estatu Batuei handitasuna bueltatzeko garaia da".
18: 16 | Donald Trumpek ondokoa esan die bere jarraitzaileei: "Hau zuen unea da, zuek ekarri nauzuen ona".
18:13 | "Nazio bakarra gara. Bihotz eta etxe bera konpartitzen dugu, baita etorkizun loriatsua ere", azpimarratu du Trumpek.
18:09 | Donald Trump: "Gaurtik aurrera herria izango da herrialde honetako agintaria eta ahaztuek ahaztu izateari utziko diote".
18:07 | Estatu Batuetako presidente gisa egin duen lehen diskurtsoan, Donald Trumek esan du gaurkoan ez dela boterea "alderdi batetik bestera" igarotzen; "gaur boterea Washingtonetik herrira igaro da", nabarmendu du.
17:59 | Donald Trumpek AEBko presidente kargua hartu du, Kapitolio aurrean egindako inbestidura ekitaldian.
"Nik, Donald John Trumpek, zin egiten dut leialtasunez beteko dudala Estatu Batuetako presidente kargua, eta, nire ahalmena agortu arte, Estatu Batuetako Konstituzioa defendatu eta babestuko dut", promestu du kargua hartzerakoan.
17:39 | Mike Pence AEBko presidenteorde bilakatu da, Clarence Thomas Auzitegi Goreneko epailearen aurrean eta Ronald Reagan presidente ohiaren familiaren bibliaren gainean zin eginda.
17:17 | Donald Trump eta Barack Obama iritsita, hasi da Kapitolioan Trumpek datozen lau urteotarako AEBko presidente kargua hartzeko ekitaldia.
16:55 | Donald eta Melania Trump abiatu dira Etxe Zuritik Kapitoliora, Barack eta Michelle Obamak lagunduta.
16:35 | Agintarien aurreikuspenaren arabera, 900.000 pertsona inguru bilduko dira Kapitolioaren aurrean, Trumpen kargu-hartze ekitaldia eta Etxe Zuritik egingo duen ibilaldia bertarik bertara ikusteko.
16:20 | Istiluak izan dira Donald Trumpen kontra dauden manifestarien eta Poliziaren artean, Washingtonen. Ekitaldia ikustera bertaratu diren Trumpen jarraitzaileei sarrera galarazten saiatu direnean sortu dira liskarrak.
16:00 | Barack eta Michelle Obamak Donald eta Melania Trump hartu dituzte Etxe Zurian, presidente kargua zin egin aurretik protokoloak agintzen duen moduan.
15:45 | Donald Trumpek ondoko mezua idatzi du bere Twitter kontuan: "Gaur hasiko da guztia! Goizeko 11:00etan ikusiko dugu elkar, kargua zin egitean. Mugimenduak jarraitzen du. Lana hastera doa!".
15:30 | Donald Trumpek AEBko presidente kargua hartuko du gaur. Inbestidura-saioa hasi baino ordu batzuk lehenago, Etxe Zuritik hurbil dagoen eliza batera joan da. Emaztea, familia, Mike Pence presidenteordea eta bere kabineteko kideak berarekin izan dira.
ekin izan dira.Albiste gehiago mundua
Gazako haurren heriotzak "aurrekaririk gabe" hazi direla ohartarazi du UNICEFek
Gazatarren aurkako bonbardaketak ez du etenik: gutxienez 22 palestinar hil dira bart Israelen beste eraso batzuetan.
Trumpek bi urpeko nuklear zabaldu ditu Medvedev Errusiako presidente ohiaren "adierazpen probokatzaileen" aurrean
Ukrainako gerra geldiarazteko AEBk Errusiari ezarri zion ultimatuma kritikatu zuen duela gutxi, eta ohartarazi zuen horrek bi herrialdeen arteko gatazka ekar zezakeela.
Etxean betetzeko 12 urteko espetxe-zigorra ezarri diote Alvaro Uribe Kolonbiako presidente ohiari
Gainera, 3.400 milioi peso kolonbiarreko (822.000 dolar) isuna ezarri diote, eta zortzi urte baino gehiagorako inhabilitatu dute eskubide eta funtzio publikoak gauzatzeko.
EBJAk Italiari ohartarazi dio herrialde bat segurutzat jotzeko kontrol judiziala eta informazio eskuragarriaren bermeak behar direla
Giorgia Meloni Italiako lehen ministroak kritikatu duenez, erabaki "harrigarriak" berekin dakar "Europako jurisdikzioak ez dagozkion eskubideak erreklamatzea". Mediterraneoan erreskatatu eta Italiako agintariek Albaniako zentro batera eraman zuten Bangladesheko migratzaile bati buruzkoa da auzia.
Nahaspila AEBko ipar-ekialdean: Uholdeek metroa, errepideak eta aireportuak kolapsatu dituzte
Euriteek New York, New Jersey, Filadelfia eta Washington bezalako hiriak kolpatu dituzte, larrialdi egoera ezarri, 1.300 hegaldi bertan behera utzi eta errepideak, metro geltokiak eta trenak itxi behar izan dituzte.
Albiste izango dira: Trumpen muga-zergak, Irteera Operazioa eta Boiseko Jaialdia
Gaurkoan albiste izango direnen laburpena, bi hitzetan.
Trumpek muga-zergen plan berri bat iragarri du, gutxienez % 10ekoa, baina abuztuaren 7ra arte ez da indarrean sartuko
Presidente estatubatuarrak abuztuaren 7ra arte luzatu du muga-zergak indarrean sartzeko epea, Europar Batasuneko inportazioei aplikatutakoak barne.
Gutxienez 86 gazatar hil dira asteazkenean laguntza humanitario bila zihoazela
Lekukoen esanetan, Israelgo Armadak jendetzaren aurka tiro egin du Zikimeko pasabidean “geldialdi taktiko” bat egiten ari zela.
Kanadak Palestina estatu gisa formalki aitortzeko asmoa du NBEren iraileko Batzar Nagusian
Palestina estatu gisa aitortuko duela iragarri duen G-7ko hirugarren herrialdea da, Frantziarekin eta Erresuma Batuarekin batera. Trumpek, bestalde, ohartarazi du horrek "merkataritza akordioa zailduko" duela.
Trumpek hainbat herrialde zigortu eta beste batzuk saritu ditu muga-zergen bidez
Indiak eta Brasilek, BRICS nazioarteko erakundeko kideek (Errusia ere horien artean dago), ez dute lortu Trumpekin akordiorik. Kanadak ere zail ikus lezake negoziazioa, bereziki Palestinako Estatua ofizialki aitortuko duela iragarri ostean.