Kanadak Palestina estatu gisa formalki aitortzeko asmoa du NBEren iraileko Batzar Nagusian
Palestina estatu gisa aitortuko duela iragarri duen G-7ko hirugarren herrialdea da, Frantziarekin eta Erresuma Batuarekin batera. Trumpek, bestalde, ohartarazi du horrek "merkataritza akordioa zailduko" duela.
Mark Carney, Kanadako lehen ministroa. Artxiboko argazkia: Europa Press
Irailean egitekoa den NBEren Batzar Nagusian Palestina estatu gisa formalki aitortzeko asmoa du Mark Carney Kanadako lehen ministroak, Palestinako Aginte Nazionalak hainbat erreforma onartzen baditu, hala nola 2026an hauteskunde orokorrak egitea, Hamasek parte hartu gabe.
"Mahmud Abbas presidenteak bere gobernantza sakonki erreformatzeko hartutako konpromisoa da asmoaren oinarria, eta Palestinako Aginte Nazionalak hain beharrezkoak dituen erreformak, horren baldintzak. Besteak beste, 2026an hauteskunde orokorrak egiteko konpromisoa, Hamasek parte hartu gabe, eta Palestinako Estatua desmilitarizatzea", adierazi du Carneyk.
Ildo horretatik, Carneyk azpimarratu du Kanadak denbora asko daramala bi estaturen konponbidearekin konprometituta. Hala ere, deitoratu du Hamasek Israelen aurka egindako terrorismoaren mehatxuak eta konponbide horren aurka luzaroan izandako jarrera bortitzak helburu hori erdiestea atzeratu duela.
Abbasek pozik hartu du Carneyren erabakia, "bakea, egonkortasuna eta segurtasuna hobetuko dituen urrats historiko" eta "jarrera ausart" gisa. Israelgo Gobernuak, ordea, kritikatu egin du, "Hamasentzat saria" delakoan.
Testuinguru horretan, Donald Trump AEBko presidenteak erantzun egin dio Kanadako lehen ministroari, eta ohartarazi du erabaki horrek "asko zailduko" duela bi herrialdeen arteko merkataritza akordioa lortzea.
"Hara! Kanadak iragarri berri du babestu egiten duela Palestinako Estatua sortzea. Horrek asko zailduko digu haiekin merkataritza akordio batera iristea. Ai, Kanada!", adierazi du Trumpek Truth Social sarean, muga-zergak indarrean sartu aurretik.
NBEk New Yorken egindako konferentziaren ondoren, hamabost bat herrialdek —tartean, Espainiak— nazioarteko komunitateari eskatu zioten akordio zabala lortzea Palestinako Estatua ofizialki aitortzeko, eta, era berean, adierazi zuten aurrera egiten jarraitzeko borondatea zutela, modu "kolektiboan", Israelen erasoaldiari amaiera emateko eta "gatazka honekin amaituko duen bi estatuen irtenbidea lortzeko".
Keir Starmer Erresuma Batuko lehen ministroak iragarri zuen Israelek su-etena onartu ezean eta Palestinak bizi duen "egoera lazgarriari" amaiera eman ezean onartu egingo zuela Pakestinako Estatua. Egun batzuk lehenago, Emmanuel Macron Frantziako presidenteak esan zuen irailean hartuko zuela neurri hori bera, "Ekialde Hurbilean bake justu eta iraunkorra lortzeko konpromiso historikoari eutsita".
Zure interesekoa izan daiteke
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.
Euskal Herrian dira jada Gazara zihoan Global Sumud flotillako bi euskal ekintzaile eta aske geratutako besteek aurrera jarraituko dute
21:00ak aldera iritsi dira bi ekintzaileak Loiuko aireportura. 175 ekintzaile atxilotu zituzten asteazkenean eta horietatik 36 ospitaleetan artatu behar izan dituzte. Guztiak aske utzi dituzte bi izan ezik, Thiago Avila brasildarra eta Saif Abukeshe, palestinar espainiarra.
Ukrainar soldaduek emakume bat erreskatatu dute urrutiko agintearekin kontrolatutako robot bati esker
77 urteko emakumea onik ateratzea lortu dute robot baten laguntzarekin. Etxeraino eraman dute, eta onik iritsi da bertara.
Kubako Gobernuaren erantzuna, Trumpek "berehala" esku-hartzeko mehatxua egin ostean: "Ez gaitu kikilduko"
"Iranekin amaitu eta ia berehala", Kubaren "kontrola" hartzeko mehatxua egin zuen ostiralean AEBetako buruak. Era berean, Kubaren zein haren laguntzaileen kontrako zigor berriak iragarri zituen.
Saif Abukeshek ekintzailea 'shock' egoeran dago eta gose greba hasi du
Global Sumud Flotillako ekintzaileak legez ordezkatzen dituen Israelgo Adalah erakundeak baieztatu du Shikmako atxilotze zentroan (Ashkelon hirian) daudela Thiago Avila brasildarra eta Saif Abukeshek. Bestalde, salatu du kartzelan daudenetik tratu txarrak jasaten ari direla bi ekintzaileak, bai eta "galdeketa ilegalak" ere.