Gazako haurren heriotzak "aurrekaririk gabe" hazi direla ohartarazi du UNICEFek
Gazatarren aurkako bonbardaketak ez du etenik: gutxienez 22 palestinar hil dira bart Israelen beste eraso batzuetan.
UNICEFen arabera, 320.000 haur baino gehiago desnutrizio jasateko arriskuan dira. Argazkia: Europa Press.
Gazako Zerrendako egoera humanitarioak txarrerako bidean jarraitzen du. Eskualdera egin berri duen bisitaren ondoren, Ted Chaiban UNICEFeko zuzendari exekutibo laguntzaileak salatu du Gazako haurrak "aurrekaririk gabeko erritmoan" hiltzen ari direla, eta gaixotasunak agertzeko arriskua "berehalakoa" dela, edateko ur faltagatik, tenperatura altuengatik eta osasun-sistemaren hondamenagatik.
Chaibanen arabera, 320.000 haur baino gehiago dago desnutrizioa jasateko arriskuan; izan ere, Gazan hiru pertsonatik batek egun osoa ematen du jan gabe.
"Sufrimendu sakonaren eta gosearen arrastoak ageriak dira familien eta haurren aurpegietan", adierazi du zuzendariak. Horrekin batera, ohartarazi du litekeena dela gosete orokortu batek Gazako Zerrenda kolpatzea hurrengo egunetan, laguntza humanitarioa modu iraunkorrean eta seguruan eskuratzen uzten ez bada.
Bien bitartean, Israelen erasoek ez dute etenik populazio zibilaren aurka. Gutxienez 22 palestinar hil dira bart Gazako hainbat eremutan egindako bonbardaketa berrien ondorioz. Biktimen artean Netzarim ardatz humanitarioan oinarrizko laguntza jasotzea espero zuten zibilak daude, baita Al Zawaydako eta Jan Yuniseko desplazatuen etxebizitza edo kanpalekuetan bizi ziren familia osoak ere.
Maiatza amaieratik, 1.400 pertsona inguru hil dira Gazan laguntza jasotzeko ilaran zeuden bitartean, eta gutxienez 162 palestinar, 92 adingabe tartean, goseari zuzenean lotutako arrazoiengatik. Nazio Batuen arabera, zifra horiek martxan dagoen hondamendi humanitario bat islatzen dute; alegia, su-etenik gabe igarotzen den egun bakoitzarekin larriagotzen jarraitzen duena.
Israelek 2023ko urriaren 7an erasoaldi militarra hasi zuenetik, dagoeneko 60.300 hildako dira Gazako Zerrendan, bertako osasun-agintariek emandako zifren arabera. Kopuru zehatza ezagutzen ez den arren, nazioarteko erakundeak beldur dira benetako kopurua are handiagoa izango ote den.
Zure interesekoa izan daiteke
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, "beharrezkoa" da Europako mugen kontrola "are gehiago indartzea"
Europako Batzordeko presidenteak ohartarazi duenez, "erne egon behar dugu puntu kritiko guztietan, eta koordinazio estua izan behar dugu agintari guztien artean". Testuinguru horretan, "Europaren erresilientzia hobetzeko ikasitakoa aztertzeko prozesu bat" abiatzeko eskatu du.
Hamasek armagabetzeko akordioa berretsi du, baina Israel Gazatik erretiratzea jarri du baldintza gisa
Testuinguru horretan, talde palestinarrak berretsi du ez duela bere esku dagoen armamentua entregatuko Israel Gazako Zerrendatik erretiratu baino lehen.
AEBk Kuwaiten duen base militar baten aurkako erasoa aldarrikatu du Iranek
Irakeko Gobernuak ukatu egin du bere lurraldearen barruan erasoak baimendu izana, Estatu Batuetako presidenteak aste honetan ziurtatu ostean Saudi Arabiarekin batera eta Irakekin koordinatuta egin zituztela erasoak. Bestalde, Itsaso Gorria babesteko nazioarteko koalizio baten sorrera iragarri du Saudi Arabiak.
AEBk eta Saudi Arabiak Iranen aldeko miliziei eraso egin diete Iraken, drone bidezko eraso baten ondoren
Bonbardaketek Herri Mobilizazioaren Indarretako 20 kide hil eta 32 zauritu dituzte gutxienez, eta Irakek larrialdiko bilera deitu du tentsioak gora egin duelako.
Fujimorismoa itzuli da: Keiko Fujimorik presidente karguaren zina egin du
Alberto Fujimori presidente ohiaren (1990-2000) alabak laugarren saiakeran lortu du presidente izatea. Aurreko hauteskundeetan bigarren itzulian galdu zuen. Azken hamarkadan herrialdeak bizi izan duen ezegonkortasun politikoari aurre egin beharko dio, eta gobernatzeko akordioak lortu beharko ditu, ez baitu eta gehiengo osorik. Gainera, Keiko Fujimorik Trumpengana gerturatzeko asmoa duela iragarri du, eta horrek aldaketa ekar dezake politikan, Peruko ekonomiaren bazkide nagusia Txina baita.
Girondako sutea berraktibatu da fokuetako batean, eta beste 4.000 turista ebakuatu dituzte
Sutea gaur gauetik dago egonkortuta, baina agintariak fenomeno meteorologiko kaltegarrietarako prestatzen ari dira. Puntu horietako bat berriro aktibatu da haizearen norabidea aldatu da eta.
Gutxienez 18 hildako eta dozenaka zauritu utzi ditu Japon hego-mendebaldea astindu duen 7,1 indarreko lurrikarak
Kumamotoko merkataritza-gune batean leherketa izan da, eta baliteke hildako gehiago egotea. Tsunami alerta bertan behera utzi dute.
15 urteko mutil bat atxilotu dute Seattleko tiroketarekin lotura duelakoan
Gutxienez hiru pertsona hil eta lau zauritu ziren gastronomia-jaialdi ezagun batean izandako tiroketan. Poliziak bigarren susmagarri baten bila jarraitzen du.
Macronek iragarri du Landetako sutea "kontrolpean" dagoela, baina Girondakoak "oso gogor" jarraitzen duela
Girondako departamenduan piztutako sutearen harira, Eliseoko buruak esan du "borrokan" jarraitzen dutela. "Egonkortu egin da, gutxigorabehera, baina oso gogorra izaten jarraitzen du, eta oso zuhurrak izan behar gara datozen orduetan eta egunetan", ohartarazi du.