Flynni buruzko ikerketa ixtea eskatu zion Trumpek FBIri, NYTen arabera
Donald Trump AEBko presidenteak Michael Flynn Segurtasun Nazionaleko aholkulari ohiak ustez Errusiako ordezkariekin zituen loturen gaineko ikerketa bertan behera uztea eskatu zion aurreko otsailean James Comey FBIren orduko zuzendariari, New York Times (NYT) egunkariak argitaratu duenez.
Informazioa Comeyk -Trumpekin bildu ostean- idatzitako idazki batean omen dago. Halere, Timesek ezin izan du agiria zuzenean kontsultatu, baina FBIren zuzendari ohiaren laguntzaile batek irakurri ei dio.
"Espero dut hau alde batera utzi ahal izatea", esan omen zion Trumpek James Comey FBIaren zuzendari ohiari. "Gizon zintzoa da", berretsi zuen presidenteak, New Yorkeko hedabidearen esanetan.
Flynnek Segurtasun Nazionalerako aholkulari kargua hartu zuen Trump Etxe Zurira heldu zenean, urtarrilaren 20an, eta dimisioa eman zuen otsailaren 13an, Kremlinen ordezkariekin izan omen zituen harremanek ika-mika eragin eta gero.
Flynnek ez zuen azaldu Sergei Kislyak Errusiako enbaxadorearekin izandako elkarrizketetan jorratu zuten gaia, eta horregatik alde egin zuen.
Gainera, dozenaka mila dolar jaso omen zituen Errusiako hiru konpainien eskutik, tartean RT telebista katetik, Trumpen kanpainan parte hartu baino lehen.
NYTek informazioa plazaratu ostean, Etxe Zuriak ukatu du informazioa egia dela.
Ohar ofizialaren arabera, Trumpek "ez zion sekula eskatu Comeyri, ez beste inori, ikerketa ixtea", ez Flynni buruzkoa, ezta besterik ere.
"Presidenteak Gobernuaren agentzien legea eta ikerketak errespetatzen ditu", oharrean diotenez.
Albiste gehiago mundua
Hamasek erantzun "positiboa" eman dio AEBen Gazarako su-eten proposamenari
"Hamasen erantzuna positiboa da, eta uste dut lagungarria izan beharko litzatekeela akordio batera iristeko", adierazi du Reutersek aipatutako ofizial palestinar batek. Donald Trumpen proposamenak 60 eguneko su-etena planteatzen du, 21 hilabetean Israelek 57.200 palestinar hil ostean.
Ukrainaren aireko gaitasunak indartzeko akordioa itxi du Zelenskik Trumpekin, AEBk Patriot misilen bidalketa bertan behera utzi ostean
"Elkarrekin lan egingo dugu gure zeruaren babesa indartzeko", esan du Ukrainako presidenteak AEBkoarekin telefonoz hitz egin ostean.
45 pertsona zauritu dira, horietako bi larri, Erromako gasolindegi batean izandako leherketan
Eztanda Casilino inguruan izan da, zisterna-kamioi batetik petrolio-gas likidotua deskargatzen ari zirenean. Italiako agintariek zehaztu dutenez, zaurituak 24 zibil, hamaika polizia, sei suhiltzaile, larrialdietako hiru langile eta karabinero bat dira.
Ipar Koreak Wonsan hiriko gune turistiko erraldoia inauguratu du
Kim Jong-un liderrak Asiako herrialde hermetikoan turismoa sustatzeko hainbat urtez bultzatutako funtsezko proiektua da. Uztailaren 1ean ateak ireki zituen gune turistikoak 20.000 bisitari hartzeko gaitasuna du.
Hamasek gaur erantzungo dio Gazarako su-eten proposamenari
Erresistentzia Islamikorako Mugimendua "pozik" agertu da Gazarako azken su-eten proposamenarekin, besteak beste, negoziazioek irauten duten bitartean borrokara ez itzultzeko "bermeak" jasotzen dituelakoan.
AEBko kongresuak Trumpen zerga-plan "handi eta ederra" onartu du
Zerga-plan berriak azken urteetako zerga-murrizketarik handienetakoa egingo du AEBn. Gizarte-programetan murrizketa handiak aurreikusten ditu, eta defizit federala nabarmen handituko da hurrengo hamarkadan.
Iranek IAEAren ikuskapenak eragotziko ditu, Israelek eta AEBk bere instalazio nuklearren aurka egindako erasoen ostean
Erabakia Teheranek NBEren agentziari Israelek eta AEBek bere instalazio atomiko nagusien aurka egindako erasoak "bultzatu" izana egotzi ostean etorri da. Adituen arabera, neurria eraso israeldarrek eta estatubatuarrek utzitako ondorio garrantzitsuena da.
Gazako genozidioa negozio biribila da herrialde askotako enpresentzat, NBEren txosten batek erakusten duenez
Francesca Albanesek armen, teknilogiaren, azpiegituren eta turismoaren industroako 50 bat konpainia aztertu ditu. Israelen okupazio-politikei etekina ateratzen dieten enpresen zerrendan CAF euskal enpresa dago.
Sanchezek uste du Sevillako Biltzarrak"elkarlanaren garra bizirik" mantendu duela "berekoikeriaren" aurrean
Espainiako Gobernuko presidenteak amaiera eman dio azken astean Sevillan egin den NBEren Garapenerako Finantziazioari buruzko IV. Biltzarrari. Sanchezek mezua bidali dio AEBri, garapen bidean dauden herrialdeei bere ekarpena murrizteko asmoagatik. "Nazioarteak ez du amore emango hondamendiaren aurrean, ezta desengainuaren aurrean etsi ere", azpimarratu du.
Trumpek "gerra etetea" proposatu dio Putini, eta honek erantzun du Errusiak Ukrainan dituen helburuei "uko egingo ez" diela
"Trumpek berriro planteatu du Ukrainako gerra laster etetea", jakinarazi du Yuri Ushakov Kremlineko nazioarteko politikako aholkulariak, bi buruzagiek gaur izandako telefono elkarrizketari buruz.