Trumpen suhia ikertzen ari da FBI, Errusiarekin lotura duelakoan
FBI Jared Kushner Donald Trumpen suhi eta aholkularia ikertzen ari da, presidente estatubatuarraren hauteskunde-kanpainaren eta Kremlinaren arteko ustezko loturengatik, AEBko hedabide batzuek gaur, ostirala, jakinarazi dutenez.
Kushner Serguei Kislyak Errusiako enbaxadorearekin eta Serguei Gorkov zerbitzu sekretuetako akademian hezitako eta Vnesheconombank Errusiako banku nazionaleko ordezkariarekin bildu zen hauteskunde-kanpainaren eta trantsizio politikoaren garaian.
Identifikatu gabeko iturriek diotenez, The Washington Posten arabera, "errusiarrekin izandako harremanen jatorria eta neurriagatik ikertzen" ari dira Kushner.
NBC Newsen esanetan, FBIko ikertzaileek uste dute Kushnerrek "informazio esanguratsu" nahikoa duela ikertua izateko, baina horrek ez du esan nahi krimen bat egin duenik.
Post egunkariak, izan ere, aurreko astean argitaratu zuen Etxe Zuriko funtzionario batek, Trumpen inguruko batek, FBIren jo-mugan zegoela, baina ez zuen Kushner aipatu une horretan.
Jamie Gorelick Kushnerren abokatu baten hitzetan, Kushnerrek "Kongresuan bilera horien inguruan dakiena azaltzeko asmoa agertu zuen" eta "hori bera egingo du beste ikerketa batengatik deitzen badute".
Etxe Zuriaren esanetan, ohikoak dira Jared Kushnerrek Kislyak eta Gorkovekin trantsizio politikoan izan zituen moduko bilerak, baina hauteskunde-kanpainan ere bildu ziren, hain zuzen, 2016ko apirilean.
Era berean, Kislyakeek harreman ugari izan zituen Michael Flynn jeneral ohiarekin eta, horregatik, Flynn ere ari da ikertzen FBI, Etxe Zurira segurtasun nazionalerako aholkulari kargua hartu ostean. Handik aste batzuetara dimisioa eman zuen.
sioa eman zuen.Zure interesekoa izan daiteke
Adimen artifizialaren gobernantza eztabaidagai Indian: Silicon Valleyeko handikiak eta nazioarteko agintariak New Delhin bildu dira
Sam Altman (OpenAI), Sundar Pichai (Google) eta Jensen Huang (Nvidia) lider teknologikoak batu dira goi-bileran.
Epsteinen paperetan jasotakoak gizateriaren kontrako krimentzat har daitezkeela esan du NBEk
Inpunitate osoz aritzen zen enpresa kriminal bat zela diote kasua aztertu duten errelatoreek. Sexu-esklabotza, bortxazko desagertzea, tortura eta feminizidioa, besteak beste, egin direla frogatzeko moduko dokumentuak daudela ziurtatu dute.
Nola gauzatuko du Israelek Zisjordaniako lurren erregistroa?
Jerusalem ekialdean prozesu bera hasi zenetik, eraginpeko lurren % 1 baino ez da palestinarren izenean erregistratu.
Rubioren hitzetan, AEBk ez du Europa basailu izatea nahi, "aliatu sendo bat" baizik
Bestalde, Atzerri eta Segurtasun gaietako europar idazkari nagusi Kaja Kallasek azken hilabeteotan Trumpen Gobernuak egindako kritikei erantzun die. "Batzuek aurkakoa badiote ere, Europa eroria ez da hiltzen ari den zibilizazio bat", esan du, eta gaineratu du gero eta jende gehiagok batu nahi duela "Europaren klubera".
Ultraeskuinaren gertuko gazte bat kolpeka hil izanak politika giroa nahasi du Frantzian
23 urteko matematikako ikasle katolikoa zen Quentin, eta larunbatean zendu zen, jasotako kolpeen ondorioz eta bi egun koman eman ostean. Lyongo Fiskaltza gertakari horren nondik norakoak ikertzen ari da.
Israelek Zisjordaniako eremu zabalak Estatuaren zati gisa erregistratu ditu, 1967tik lehen aldiz
Palestinako Aginte Nazionalak salatu duenez, Palestinako lurralde gehiena 'de facto' anexionatu du.
Alemaniak, Frantziak, Erresuma Batuak, Suediak eta Herbehereek Navalni oposizioko burua toxina batekin hiltzea leporatu diote Errusiari
Pozoia, jatorriz Ekuadorko igel batek ekoizten duena, ez dago "modu naturalean" Errusian. Von der Leyenek estatu errusiarraren jokabide "terrorista" salatu du.
Rubiok AEBen eta Europaren arteko harremanak hurbildu nahi ditu baina kontinente zaharrak independentzia sustatu nahi du
Marco Rubio AEBetako Estatu idazkariak Europarekiko harremanak goraipatu ditu larunbat honetan Municheko Segurtasun Konferentzian, eta arindu egin du herrialdeko presidenteorde J.D. Vancek duela urtebete emandako hitzaldi gogorraren tonua.
Zelenskik esan du Ukraina erdibitzeak ez duela benetako bakerik ekarriko
AEBk bultzatzen dituen bake-negoziazioek arrakasta izan dezaten ahal duen guztia egiteko prest agertu da Ukrainako presidentea, baita hauteskundeak berehala deitzeko ere, bi hilabeteko su-etena bermatzen bada.
Europa indartzeko eta AEBrekiko harremana bideratzeko deia egin du Merzek, potentzia handien garaian
Alemaniako kantzilerrak europarren aldeko deia egin du Municheko Segurtasun Konferentziaren (MSC) irekiera ekitaldian. 120 herrialdetako 200 estatuburu, gobernuburu eta ministro biltzen ditu hitzordu garrantzitsu horrek.