Italia, GKEen eta pertsona-trafikatzaileen arteko 'harremanak' ikertzen
Libiako kostaldean aritzen diren pertsona-trafikatzaileen sareen kontra tinko aritzeko asmoa du Italiak. Europa amets, milaka lagun ateratzen dira Afrika iparraldeko herrialde horretatik. Bertatik irten dira aurten Italiara heldutako 95.215 etorkinen % 97.
Etorkinok gobernuz kanpoko erakundeen (GKE) ontziek erreskatatzen dituzte maiz, eta azken horien jarduna kontrolatzeko asmoz, jokabide kodea proposatu die, Europar Batasunaren oniritziarekin.
Kode horren arabera, gobernuz kanpoko erakundeen ontziak ezin dira Libiako uretan sartu. Gainera, ezin dute pertsona-trafikatzaileek atzemateko moduko argizko seinale edo radar abisurik egin.
Horrez gain, erakundeek gardentasunez azaldu behar dituzte euren finantzaketa moduak, eta euren ontzietan armatutako funtzionario bat sartzea baimendu behar dute.
Marco Minniti Italiako Barne ministroak azaldu duenez, Mediterraneoan lan egiten jarraitu nahi duten gobernuz kanpoko erakundeek "kodea sinatu beharko dute". Hala egin dute jada Save the Children, Moas eta Proactiva Open Arms erakundeek.
Halaber, Mugarik Gabeko Medikuak (MSF, gaztelerazko sigletan) erakundeak dagoeneko esan du ez dutela sinatuko. Horren ordezkariek argudiatu dutenez, ez dituzte euren ontzietan funtzionario armaturik onartuko. "Arazoa ez da funtzionarioekin, armekin baizik. Adibidez, mundu zabalean egunero ari gara lanean armek gure erietxeetan lekurik ez izateko", azaldu dute ohar batean.
Atzo bertan ez zioten Lampedusan porturatzen utzi Mediterraneoan erreskatatutako 127 pertsona zeramatzan Mugarik Gabeko Medikuen ontzi bati.
Alemaniako GKE bat, susmopean
Hain justu, jokabide kodea sinatu ez duten beste erakunde baten, Jugend Rettet alemaniarraren, jarduna ikerketapean dute Italiako agintariek. Trapaniko (Italia hegoaldea) Fiskaltzaren aginduz, Iuventa ontzia atxikita dute abuztuaren 2tik.
Italiako Polizia, 'Iuventa' ontzia atxiki zuen egunean. EFE
Ambrogio Cartosio fiskalburuak ikerketa abiatu du ontzi horren tripulazioaren eta pertsona-trafikatzaileen artean izandako "harremanak" argitzeko. Ikerketak agerian utzi du gobernuz kanpoko erakunde horretako kideek harremanak izan zituztela trafikatzaileekin, gutxienez hiru aldiz: 2016ko irailaren 10ean eta 2017ko ekainaren 18an eta 26an.
Fiskaltzak egiaztatu duenez, trafikatzaileek etorkinak zeramatzaten ontziei laguntzen zieten, Alemaniako gobernuz kanpoko erakundearen "esku uzteko".
Oraingoz ez dute inor inputatu. Jugend Rettet erakundeak iragarri du helegitea aurkeztuko duela atxikitze aginduaren kontra.
Misioa Libiako uretan
Jokabide kodeaz gain, pertsona-trafikatzaileen jarduna oztopatzeko beste hainbat neurri hartu ditu Paolo Gentiloniren gobernuak. Italiako ontziak Libiako uretan ibiliko dira, herrialde horretako itsasontziei laguntzen.
Tripoli parean dauden uretan garatuko dute misioa, abenduaren 31ra arte. Bi patruilak Libiako itsas guardiako ontziak konpontzen lagunduko dute, besteak beste.
Libia ekialdeko indarrek Italiaren erabakia kritikatu dute, herrialdearen subiranotasunaren kontrako neurria dela iritzita. Hala, Libiako uretan baimen gabe sartzen den edozein itsasontziri eraso egingo diotela iragarri du Libiako Armada Nazionalak.
Berehala etorri da Italiaren erantzuna. Libiako Gobernuaren ordezkariek argitu duenez, Libiako mendebaldeko uretan ibiliko dira ontziak, ekialdeko indarrak dauden eremutik urrun.
Zure interesekoa izan daiteke
Pentagonoak kargutik kendu du AEBko Armadako Estatu Nagusiko burua
Erasoen gorakadaren erdian, Randy Georgek agintea utzi du eta Trumpek bere erretorika belizista areagotu du.
Artemis II misio espaziala Ilargira bidean da jada
Bidaia tripulatuak bueltan dira Ilargira, 50 urteren ostean, baina oraingoan ez da ilargiratzerik aurreikusi.
Trumpek kargutik kendu du Pam Bondi fiskal nagusia, Espstein auziaren kudeaketarekin hainbat desadostasun izan ostean
AEBko presidenteak 2024ko azaroan jarri zuen karguan, baina denbora horretan hainbat enfrentamendu izan dituzte. Todd Blanchek ordezkatuko du Bondi, Trump presidente izan aurretik jasotako lau inputazio penaletan defendatu zuen abokatuak, alegia.
Amazonek Bahrainen duen zentro baten aurkako erasoa egin duela aldarrikatu du Iranek
Irango Guardia Iraultzaileak Microsoft, Apple, Google, Meta, Boeing, Tesla eta beste 14 enpresaren aurkako erasoak egiteko mehatxua egin zuen asteartean, Iranen kontrako "operazio terroristetan parte hartzea" leporatuta.
Erreskate faltsuak gauzatzen zituen sare bat desegin dute Nepalen
Mendizaleei iruzur egiten saiatzen ziren, beharrezkoak ez ziren ebakuazio medikoen bidez. Agintariek faltsututako 171 erreskate baieztatu dituzte 2022tik 2025era. Ikerketak zabalik jarraitzen du, eta ez da baztertzen kaltetuen kopurua handitzea.
Texasko petrolioak ia % 13 egin du gora, gerra laster amaitzeko zantzurik ez dagoelako
Trumpen azken agerraldiak gerra azkar amaitzeko itxaropena zapuztu du inbertsiogileen artean. Wall Streetek % 1,28 egin du behera, Trumpek Irani "gogor" erasotzen jarraituko duela iragarri ostean.
Artemis II-ko komuna, Ilargira bueltatzeko misioa kolokan jarri duen ustekabea
Tripulazioak akats bat antzeman zuen Orion ontziko hondakinen sisteman. Hala ere, arazoa konpondu zuten, aireratu eta ordu batzuk geroago, misioa arriskuan jarri gabe.
Albiste izango da: "Artemis II" ilargi-bidaia, NAN digitala mugikorrean eta Balmasedako prozesioa
Orain-eko albisteen laburpena, minutu batean.
AEB Iranen dituen helburuak betetzetik gertu dagoela ziurtatu du Trumpek, eta eraso gehiago iragarri ditu
AEBko presidenteak aste gutxi barru aurreikusten du gerraren amaiera, eta Ormuzko itsasartea "modu naturalean" irekiko dela dio. Bien bitartean, Teheranek ukatu egin du su-etena eskatu izana.
"Artemis II" aireratu da Ilargira bidean
NASAko tripulazioa Lurreko orbitan erabat sartu da, eta 10 eguneko bidaiari ekin dio. Gorabehera txikiak izan dira jaurtiketan, baina konpondu dituzte.