10 boto-emailetik 9k autonomia handiagoa eskatu dute Lombardian eta Veneton
Lombardia eta Veneto Italiako eskualdeetan autonomia handiagoa izatea eskatu du gehiengo zabal batek, Erromari zerga sisteman askatasun handiagoa eskatzeko igandean egin dituzten hauteskundeetan (ez dira lotesleak).
Behin-behineko datuen arabera, Veneton, % 98k egin du baiezkoaren alde, eta % 95ek Lombardian; parte-hartzea % 57,2koa izan da Veneton eta % 40 ingurukoa Lombardian.
Luca Zaia Venetoko gobernatzaileak azpimarratu duenez, eskualdea "Gobernuarekin hitz egiteko eta autonomia laborategia izateko prest dago", eta zergen % 90 kudeatu ahal izatea eskatu du.
Bestalde, Roberto Maroni Lombardiako buruzagiaren ustez, bozketak ateak ireki dizkio "mendeko gatazkari", eta Gobernuarekin hitz egiteko prestutasuna agertu du.
Gianclaudio Bressa Italiako Eskualde Gaietarako idazkariordearen esanetan, "Gobernua prest dago negoziazioari ekiteko", La Repubblica egunkariaren arabera.
Lombardia zein Veneto (Italiako iparraldeko eragile ekonomiko nagusiak) Ipar Liga alderdiak kudeatzen ditu. Alderdi hori independentziaren aldekoa da, kutsu neofaxista du, eta Gobernu zentralarekin negoziazioa bultzatu nahi du kontsulta horrekin.
Lombardiak (Milan du hiriburu) Italiako BPGaren % 20 sortzen du, eta Venetok (Venezia du hiriburu), % 10.
Galderak
Lombardiaren kasuan, boto-emaileek "berezitasunean eta batasun nazionalaren baitan oinarrituta, autonomia forma berriak eta baldintza partikularrak eskatzeko beharrezko ekimen instituzionalei ekitea" nahi dutela erabaki dute.
Veneton, aldiz, galdera zehatzago bat izan dute: "Venetoko eskualdeak autonomia forma berriak eta baldintza partikularrak izatea nahi al duzu?".
Zure interesekoa izan daiteke
6,5 graduko lurrikara batek Mexiko erdialdea astindu du
Hegoaldeko Guerrero estatuko kostaldean izan du epizentroa lurrikarak, Ozeano Barean, baina astindua herrialdeko hainbat hiritan antzeman dute, Mexikoko hiriburua barne. Oraindik ez dute kalte material edo pertsonalik jakinarazi.
Bengala bat, Urtezahar egunean Suitzako taberna batean sua piztu izanaren arrazoi nagusia
Oraingoz, ez dago argi zenbat pertsona zeuden lokal horretan, baina hainbat lekukok adierazi dute sutea gertatu zen ordurako bengala zuten xanpain botila batzuk piztuta zeudela, eta sarrera bakarra oso estua zela deitoratu dute.
Irango protestetan "manifestariak hiltzen badituzte" herritarrak "erreskatatuko" dituela ohartarazi du Trumpek
Irango Gobernuak bere programa nuklearra berriro garatzen saiatzen ari dela adierazi du Trumpek azken egunotan, eta balizko bonbardaketekin erantzuteko prest agertu da, ekainean Israelekin egin bezala.
Zazpi pertsona hil dira Iranen, egoera ekonomikoak okerrera egin duela salatzeko deitutako hainbat manifestaziotan
Manifestazioak igandean hasi ziren Teheranen, eta dozenaka hiritara zabaldu dira azken egunotan, besteak beste, Isfahan, Kerman, Kermanshah, Hamadan eta Qom hirietara. Iran krisi ekonomiko larrian dago, urteko % 42ko inflazioarekin.
Txina medikamentuen eta antisorgailuen BEZa kobratzen hasi da, jaiotza-tasa estimulatzeko
Pekinek 30 urte baino gehiagoz indarrean egon den salbuespen fiskal bat ezabatu du krisi demografikoaren erdian.
Gutxienez 40 hildako eta 115 zauritu, gehienak larri, Suitzako Crans Montana eski-estazioan izandako sute batean
"Le Constellation" tabernan ospatzen ari ziren urte berriko festan piztu da sute bortitza, 01:30ean. Agintariek ez dute espekulaziorik egin nahi sutearen arrazoiaren inguruan baina erabat baztertu dute atentatuaren hipotesia. Bi lekukok azaldu dutenez, sua egurrezko sabaira gehiegi hurbildu ziren bengala batzuen ondorioz piztu zen, eta "oso azkar" zabaldu zen.
Sute batek eliza historiko bat kiskali du Amsterdamen Urtezahar gauean
Amsterdamgo Vondelkerk eliza historikoa, XIX. mende amaierako eraikina, erabat suntsituta geratu da bart sute baten ondorioz. Inguruko etxebizitzak hustu behar izan dituzte eta, zorionez, ez da inor zauritu ezbeharrean. Gertakariaren arrazoi ofizialak ezagutzen ez diren arren, herritar batzuek su artifizialak ikusi zituzten elizaren dorretik getu.
Moneta aldaketa Bulgarian: euroak lev moneta ofiziala ordezkatu du
Europar Batasunean (EB) duela 19 urte sartu bazen ere, Bulgaria orain arte eurogunetik kanpo egon da. 2026ko urtarrilaren 1etik, Bulgaria eurogunera sartu den 21. herrialdea da.
Zohran Mamdanik New Yorkeko alkate kargua hartu du
Alkate demokratak gauerdiaren ostean hartu du kargua, hiriko metro geltoki historiko batean egindako ekitaldi batean. New Yorkeko alkate gisa egin dituen lehen adierazpenetan, "ohorea eta pribilegioa" dela nabarmendu du.
Indarrean da Israelek Gazan jarduten duten 37 GKEri jarritako betoa
Israelek nazioarteko erakunde humanitarioei (Mugarik Gabeko Medikuak eta UNRWA) lizentziak kendu dizkie, eta jarduera etetea eta martxoaren 1a baino lehen Gazatik alde egitea exijitu die, erregistro-prozesu polemiko bat ez osatzeagatik.