Abortuaren legea erreformatzearen alde agertu da Irlanda
Abortuaren legea erreformatu edo ez erabakitzeko, erreferenduma egin zuten ostiralean Irlandan, eta behin betiko emaitzen zain, baina lehenengo datu ofizialen arabera, gehiengo zabala baiezkoaren alde agertu da. Irlandako legedia Europako murriztaileetakoa da gai horretan.
% 64,9ko parte-hartzearekin, behin 40 barrutietatik 31 zenbatuta, abortoaren liberalizazioaren aldekoen garaipen argia baieztatuta geratu da. Baietzak botoen % 68 lortu ditu, eta ezezkoak % 31. Fine Gael alderdiaren Gobernuak egindako proposamena babestu dute irlandarrek. Legea erreformatu nahi dute, abortua murrizketarik gabe zabaltzeko haurdunaldien lehenengo hamabi asteetan.
Dublin Erdialdean bereziki argia izan da emaitza. Baietzak % 76,51 lortu du hiriburuan.
Leo Varadkar lehen mimnistroak nabarmendu duenez, Irlandak "konstituzio moderno bat izango du, herrialde moderno batentzat", eta emaitza "iraultza isil bat" izan da. Abortu lege berria urte bukaeran egon liteke prest.
Ezetzaren aldekoei ere zuzendu zaie, esanez Irlanda "aurreko asteko herrialde bera dela, baina apur bat atseginagoa, apur bat toletanteagoa eta apur bat moralagoa".
Simon Harris Osasun ministro demokristaua da abortuaren legedia erreformatzearen aldeko kanpaina egin duenetako bat. Bart, galdeketen berri izan orduko, pozik agertu da, eta hemendik aurrera Irlanda "eskuzabalagoa, hobeagoa eta abegitsuagoa" izango dela esan du.
Egun Irlandan indarrean dagoen legediaren arabera, salbuespenezko kasuetan soilik eten daiteke haurdunaldia. Adibidez, amaren bizitza arriskuan dagoenean, suizidio arriskua kasu. Aitzitik, malformazio kasuetan edo haurdunaldia intzestu edo bortxaketa baten ondorio den kasuetan ezin da abortatu. Legea erreformatzea onartuz gero, lehendabiziko hamabi asteetan haurdunaldia eteteko aukera egongo litzateke.
The Irish Times egunkariaren arabera, aldekoen garaipena "erabatekoa izan da, edozeinek espero baino handiagoa".
Kontrakoek garrasirik gabe onartu dituzte emaitzak, baina batzuek ez dute amore eman nahi. "Irlandako klinika eta ospitaletan jaio gabeko lehenengo umea hiltzen dutenean, Giza Eskubideak kendu dizkiotelako, ezetzaren alde bozkatu duzuen guztiok jakingo duzue, gutxienez, txiki horiek salbatzen saiatu zaretela", esan du Declan Ganleyk.
Albiste gehiago mundua
27 neskato-begiralek osatutako talde bat desagertuta dago oraindik, Texasen izandako uholde larrien ondorioz
Dagoeneko 52 lagun hil dira Texasko erdialde-hegoaldea astindu duten uholde larriengatik. Ehunka pertsona erreskatatu dituzte kanpalekuetan, baina Hunt herrian, Guadalupe ibaiaren ondoan kanpatuta zegoen eskola-talde bat aurkitu ezinda dabiltza.
Dalai-lamak, Tibeteko budisten buruzagi espiritualak, 90 urte bete ditu
Munduko buruzagi erlijioso garrantzitsuenetakoak ekitaldi jendetsua egin du bere etxebizitzan, Indiako iparraldean, lagun ugariz inguratuta, tartean Richard Gere aktorea. 14. dalai-lamak 130 urte baino gehiago bizitzeko itxaropena du, eta Txinako inposaketei aurre egiten jarraituko duela hitzeman du.
Muskek America Party sortu du, AEBri "askatasuna itzultzeko" alderdi politikoa
“Batzuentzat alderdi bakarrekoa” den “bi alderdiko sistema” deuseztatzea da horren helburua, eta “lege liskartsuen aurrean boto erabakigarria” izan nahi du.
Miguel Uribe senatariaren aurkako atentatuaren ustezko egile intelektuala atxilotu dute
"Hilketa saiakera, armak legez kanpo eramatea eta delituak egiteko adingabeak erabiltzea" egotzita atxilotu dute atentatuaren ustezko egile intelektuala.
Paristarrak eta turistak Sena ibaian bainatzen hasi dira berriro
Mende bat geroago, paristarrak eta turistak Sena ibaian bainatzen hasi dira, berriro, Eiffel dorretik gertu. Uztailaren 5a eta abuztuaren 31 bitartean izango da bertan bainatzeko aukera, eta hiru gune egokitu dituzte horretarako: hirigune historikoaren parean (udaletxe ondoan), mendebaldean Eiffel dorrera begira eta hego-ekialdean, Bercyn. Parisko Olinpiar Jokoak eta Paralinpiar Jokoak izan eta urtebetera heldu da albistea, duela urtebete, hainbat gorabeheraren ondorioz, uraren kalitatea zalantzan jarri ostean.
Uholdeek gutxienez 25 hildako eta dozenaka desagertu utzi dituzte Texasen
Guadalupe ibaiak gainez egin du, Texas erdigune-hegoaldean, eta 25 heriotzaz gain, ugari dira desagertutako pertsonak, neskentzako udaleko kristau batean parte hartzen ari ziren 23 adingabe tartean. Hondamendia handia da Bandera, Cope, Comal, Concho, Gillespie, Kendall, Kerr, Kimble, Llano, Mason, McCullouch, Menard, San Saba eta Tom Green eskualdeetan.
Hamasek erantzun "positiboa" eman dio AEBren Gazarako su-eten proposamenari
"Hamasen erantzuna positiboa da, eta uste dut lagungarria izan beharko litzatekeela akordio batera iristeko", adierazi du Reutersek aipatutako ofizial palestinar batek. Donald Trumpen proposamenak 60 eguneko su-etena planteatzen du, 21 hilabetean Israelek 57.200 palestinar hil ostean.
Ukrainaren aireko gaitasunak indartzeko akordioa itxi du Zelenskik Trumpekin, AEBk Patriot misilen bidalketa bertan behera utzi ostean
"Elkarrekin lan egingo dugu gure zeruaren babesa indartzeko", esan du Ukrainako presidenteak AEBkoarekin telefonoz hitz egin ostean.
45 pertsona zauritu dira, horietako bi larri, Erromako gasolindegi batean izandako leherketan
Eztanda Casilino inguruan izan da, zisterna-kamioi batetik petrolio-gas likidotua deskargatzen ari zirenean. Italiako agintariek zehaztu dutenez, zaurituak 24 zibil, hamaika polizia, sei suhiltzaile, larrialdietako hiru langile eta karabinero bat dira.
Ipar Koreak Wonsan hiriko gune turistiko erraldoia inauguratu du
Kim Jong-un liderrak Asiako herrialde hermetikoan turismoa sustatzeko hainbat urtez bultzatutako funtsezko proiektua da. Uztailaren 1ean ateak ireki zituen gune turistikoak 20.000 bisitari hartzeko gaitasuna du.