Immigrazioa, mundu mailako krisia
Europan migratzaileekiko politikak ez omen du irtenbiderik etikoena erabiliko itsasoan erreskatatzen dituztenentzat Europatik kanpo “lehorreratzeko plataformak” sortuta, baina Ipar Amerikako egoera okerrera egiten ari da egunetik egunera.
“Mugarik gabe ez dago herrialderik” ohartarazi du Donald Trumpek, eta, hori dela eta, “zero tolerantziako politika” berri bat abiatu du Ameriketako Estatu Batuek Mexikorekin duten mugan, umeak eta gurasoak bereizteko.
Justifikazio erraza erabili du Alderdi Errepublikanoaren boto-emaileen aurrean.: “Legea urratzen dute, arriskuan jartzen dituzte beren seme-alabak eta, egia esan, baita gureak ere. Gure herrialdean utziko ditugu horiek guztiak? Nirekin ez”.
Hala ere, adierazpen gogor horiek egin arren, inkesta batek argi utzi zuen Trumpek bere hautesleen babesa duela. Ez guztiena, baina bai behar dituenena. Quinnipiac Unibertsitateak egindako ikerketa baten arabera, errepublikano gehienak (% 55) presidenteari benetan inporta zaizkionak, muga zeharkatzen harrapatzen dituztenak eta horien seme-alabak bereizteko politikaren aldekoak dira.
Gai polemikoen aurrean iritzia ez emateko ohitura badu ere, Melania Trumpek isiltasun hori urratu du oraingoan, eta bere senarraren iritziaren kontra agertu da. Ez da ohikoa Melania Trump presidentearen gai politikoetan sartzea eta are gutxiago estutasunean jartzea, baina lehen dama azkena izan da migrazio politikaren kontrako iritzia ematen: “Lege guztiak betetzen dituen herrialde bat izan behar dugu, baina bihotzarekin gobernatu behar dugu”.
Europa: Immigranteak bai, baina Afrikan
Kontinente zaharrera itzulita, ez dirudi itxaropentsu egoteko moduko egoera dugunik. Ideia ugari baztertu, moldatu eta eztabaidatu ondoren, gero eta indar handiagoa hartu du Europar Batasunetik kanpo asilo-eskatzaileak bereizteko zentroak sortzeko aukerak (Ipar Afrikan konfinamendu-esparruak sortzea, bestela esanda).
Hitz gutxitan, arazo bihurtu dena gure hirietatik urrun konpontzea da kontua.
Matteo Salvinik bereari eutsi dio
Eta honakoa gaineratu zuen: “Italiar ijitoak, zoritxarrez, gurean izaten jarraitu beharko dugu”.
Bitartean, Italian, Matteo Salvini Gobernuko lehen ministroorde eta Barne arazoetako ministro eta Liga ultraeskuineko alderdiaren liderrak azken hilabeteetan emaitza onak eman dizkion diskurtso xenofoboari heldu dio, eta egoera irregularrean dauden ijitoak Italiatik kanporatzeko errolda bat prestatzen ari dela adierazi du: “Identifikatu egin behar ditugu nor, nola eta zenbat diren jakiteko eta egoera irregularrean daudenak kanporatzeko”.
(*) Imanol Butron Alonso, Zientzia Politikoetan graduatua Euskal Herriko Unibertsitatean, EiTB-EHU Multimedia Komunikazio Masterreko ikaslea da eta eitb.eus-en dabil praktikak egiten.
Albiste gehiago mundua
Trump Putinengana hurbiltzen saiatuko da Alaskan, Ukrainari buruzko konpromiso irmorik hartu gabe
Ostiraleko bilera zalantzaz inguratuta dator: Volodimir Zelenski Ukrainako presidenteak ez du parte hartuko eta su-eten edo bake-prozesu baterako aurrerapauso gutxi espero dira.
Aitor Zabalgogeazkoa (MSF): "Gazako janari banaketa sistema berria basakeria bat da"
Aitor Zabalgogeazkoak zortzi aste egin ditu Gazan Mugarik Gabeko Medikuak erakundearen larrialdietako koordinatzaile bezala lan eginez. Bere hitzetan, 22 hilabeteren ostean, "jendeak esperantza galdu du eta gosetea gero eta handiagoa da". Zabalgogeaskoak gertutik bizi izan du Israelek eta AEBk babesten duten janari banaketa puntuetan gertatzen dena. "Egunero egoten dira hildakoak eta zaurituak" eta askok buruan eta bularrean jasotzen dituztela tiroak adierazi du "Gaur Egun" albistegian egindako elkarrizketan.
Hogeita hamar bat kazetarik protesta egin dute Tel Aviven kazetari gazatarren hilketaren aurka
"Utzi Gazan kazetariak hiltzeari", irakur zitekeen, ingelesez, arabieraz eta hebreeraz idatzitako pankarta batean. Kazetariak ordu erdiz egon dira bilduta Israelgo Kazetarien Elkarte Nazionalaren egoitzaren atarian isiltasunean.
Gutxienez 26 pertsona hil dira Lampedusako kostaldean, ontzi bat hondoratuta
Desagertuen bila jarraitzen dute; izan ere, 95 bat migratzaile zihoazen goizaldean Tripolitik (Libia) abiatu diren bi ontzitan. Horietako batean ura sartzen hasi da, eta, ondorioz, pertsonak bestean ontziratu dira. 60 inguru erreskatatu dituzte.
Aitor Zabalgogeazkoa Gazatik itzuli berri da eta Zerrendako egoera "inoiz baino okerragoa" dela uste du
Bilbon komunikabideekin egindako topaketa batean, 2012ra arte Mugarik Gabeko Medikuak erakundeko zuzendari nagusi izan denak eta gaur egun larrialdietako koordinatzailea den Aitor Zabalgogeazkoak Gazan eman dituen azken zortzi asteak deskribatu ditu. Gaur gauean, "Gaur Egun" albistegian elkarrizketa egingo diote, Gazako Zerrendan bizi den egoera azaldu dezan.
Europako buruzagiek su-etena eskatu diote Trumpi, ostiralean Putinekin Alaskan egingo duen bileraren abiapuntu gisa
Macronen arabera, AEBko presidenteak bideokonferentziaz baieztatu die NATO ez dela Ukrainaren segurtasun bermeetan inplikatuta egongo. Gainera, Frantziako presidenteak azaldu du Trumpek bermatu diela Zelenskik bakarrik negoziatuko dituela Ukrainak Errusiari lagako omen dizkion lurraldeak.
Netanyahuren aurkako epaiketari azaroaren 2an helduko diote berriro, hainbat saio bertan behera geratu ostean
Israelgo lehen ministroak, funtzionario-eroskeria, iruzur eta konfiantza-abusu delituak leporatuta, astean hiru aldiz agerraldia beharko du data horretatik aurrera. Netanyahu Israelen historian jardunean dagoela epaitzen duten lehen gobernuburua da.
EBk negoziazioetan Ukrainak duen papera aldarrikatu du eta Errusia ohartarazi du, Hungariak sinatu ez duen mezu batean
"Ukrainako herritarrek beren etorkizuna erabakitzeko askatasuna izan behar dute. Ukrainako bake-bidea ezin da Ukraina gabe erabaki", ohartarazi dute, eta su-etena ezinbestekoa dela edozein aurrerapauso egiteko.
Trumpek beste 90 egunez luzatu ditu Txinarako muga-zergak
Txinako Merkataritza Ministerioak baieztatu duenez, Trumpen agindu exekutiboa baino apur bat lehenago, AEBren "ahaleginak" espero zituen "berdintasunean, errespetuan eta elkarrekiko onuran oinarritutako emaitza positiboa" lortzeko.
Trumpek Armada zabalduko du Washingtonen, eta Poliziaren kontrola bereganatu du
Agintari errepublikanoak krimenengatik kontroletik kanpo dagoen hiriburu baten irudia marraztu du Etxe Zurian egindako agerraldian. Hilketak "munduko okerrenak" diren lekuetan, Bogotan eta Mexiko Hirian, esaterako, baino askoz gehiago direla adierazi du.