Salvinik ijitoen errolda iragarri du: 'Tamalez, italiarra dena ezin da kanporatu'
Matteo Salvini Italiako Barne ministroak astelehenean iragarri duenez, herritar ijitoen errolda egiteko asmoa dauka herrialdean, "egoeraren argazkia" izateko, baina tamalgarritzat jo du ijito italiarrak "gurekin izan" behar dituztelako, "ezin dituzu kanporatu".
"Esku-hartzea nola egin aztertzen ari gara, bere garaian errolda izena hartu zuena egiten (…) argazkia izateko eta zertaz ari garen ulertzeko", esan du Salvinik TeleLombardia telebista katean egin dioten elkarrizketa batean. "Tamalaez, ijito italiarrak Italian izan behar ditugu, ezin dira kanporatu".
Giouseppe Conte Italiako lehen ministroak, Alemaniarako hegaldia hartu aurretik galdetu diote Salviniren adierazpenez. Contek, orduan, esandako zuzentzeko eskatu dio "gehiegizkoa da, muga guztiak gainditu ditu".
Era berean, Luigi di Magiok bidalitako mezuarekin bat egiten duela erantsi du, "horrela ezin da jarraitu, atzera egin behar duzu".
Barne ministroak azaldu duenez, "Italian dauden preso atzerritarrak kanporatzeko lanetan" ari dira eta, horretarako, jatorrizko herrialdeekin akordioak egitearen alde azaldu da. "Horrek esan nahi du Errumania, Albania eta Tunisiarekin lan egin behar dela, eta tamalez preso gehien dituzten herrialdeetako batzuk dira", zehaztu du.
Handik ordu batzuetara Salvini esandakoa leuntzen saiatu da. Bere esanetan, ez dauka "inor erregistratzeko" asmorik, ezta "inoren hatz-markak hartzeko" asmoa ere, baizik eta "ijitoen kanpalekuen egoera aztertu", lehenik eta behin, "eskolara joan ezin diren milaka ume babesteko delinkuentzian sartzea nahiago dutelako".
Salvinik berak erantzun du Facebooken argitaratutako mezu baten bidez, bere adierazpenen erreakzioarekin harrituta. "'Shock'az ari dira batzuk, zergatik? Ilegaltasunean hazten diren umeengan ere pentsatzen dut", esan du.
Luigi di Magio 5 Izar Mugimenduko buruzagi, Lan ministro eta Ministroen Kontseiluko presidenteordea pozik agertu da Salvinik esandako azaldu ondoren. "Pozten nau ikusteak Salvinik errolda egitea baztertu duela. Gauza bat Konstituzioaren aurkakoa bada, ezin da egin".
Di Maiok "italiarren arazoak" aipatu ditu, "erraldoiak" direlako. "Italiarrak dira lehentasuna, zuzena da immigrazioari aurre egitea, baina lehenik eta behin jateko ez duten italiarrekin arituko gara", esan du.
Zure interesekoa izan daiteke
Osasunaren Mundu Erakundeak ohartarazi du egungo finantzaketa ez dela nahikoa etorkizuneko pandemia "are handiagoei" aurre egiteko
Egoera oso bestelakoa da duela hamar urtekoarekin alderatuta: mundua zatituago dago, zorpetuago eta herritarrak babesteko gaitasun txikiagoarekin. Ondorioz, osasun krisien ondorioak are suntsitzaileagoak izan litezke gizartean eta ekonomian.
Amnesty Internationalek ohartarazi du iaz heriotza-zigorrak % 78 igo zirela, 1981tik hona izandako kopururik handienera iritsi arte
2.707 kasu erregistratu ziren 2025ean, erakundeak 44 urtetan erregistratutako kopururik handiena. Exekuzio horien ia % 80 Iranen burutu ziren.
"Hondius" gurutzaontzia Rotterdamera iritsi da, garbiketa eta desinfekzio lanetarako
Itsasontzian zihoazen 27 lagunei osasun probak egingo dizkiete eta berrogeialdia egin beharko dute.
91 lagun hil dira dagoeneko Kongoko Errepublika Demokratikoan, ustez ebolak jota
Kongoko Errepublika Demokratikoko Osasun Ministerioaren arabera, kutsatutakoak, berriz, 350 dira.
Gazara zihoan beste flotilla bateko itsasontziak atzeman ditu Israelgo Armadak
Joan den ostegunean Turkiatik atera ziren ontziak. Israelgo Itsas Armadak ontzidia osatzen duten 57 ontzietatik 10 geldiarazi dituelakoan daude.
Txinak urtean gutxienez 17.000 milioi dolar gastatuko ditu AEBetako nekazaritza-produktuetan
Etxe Zuriak ohar batean jakitera eman duenez, bi buruzagiek lortu dituzten akordioak "mundu osoko enpresen eta kontsumitzaileen egonkortasuna eta konfiantza hobetuko dute".
Kubako Gobernuak gida bat zabaldu du eraso militar baten aurrean babesteko
"Babestu, eutsi, biziraun eta garaitu" dokumentuak hainbat gomendio biltzen ditu, hala nola edateko urarekin, elikagaiekin, irratiarekin, linternekin, botikinekin eta higiene-gaiekin motxila bat prestatzea. Horrez gain, aireko alarma-seinaleei eman beharreko arretaren berri jasotzen da.
OMEk "nazioarteko osasun publikoko larrialdia" deklaratu du Kongon eta Ugandan atzemandako ebola agerraldia dela eta
Zortzi kasu baieztatu dira Kongon, eta 246 kasu susmagarri eta 80 heriotza posible daude. Ugandan ere baieztatu dituzte kasuak.
'Hondius' ontzian bidaiatu zuen kanadar batek positibo eman du hantabirusean
Kasu honekin, jada 12 dira hantabirusak kutsatutako gurutzaontziko bidaiariak. Bestalde, Madrilen ospitaleratutako 70 urteko espainiarra egonkor dago eta hobera egiten ari da. Ez dago infomaziorik Frantzian oso larri ospitaleratuta dagoen 65 urteko emakumearen inguruan.
Zazpi zauritu, horietako lau larri, Modenan izandako auto harrapaketa batean
Atxikitzen saiatu den pertsona bati laban batekin egin dio eraso gidariak. Lekukoek baztertu egin dute istripua izan denik, "orduko 100 kilometro orduko abiaduran zihoalako autoa, Modena hirigunean".