Quo vadis, Europa?
Nora zoaz Europa??? Matteo Salvini Italiako Barne ministro eta Gobernuaren kide indartsuak esan du Italian dauden ijitoen errolda bat egin beharra dagoela. Errolda horren helburua litzateke jakitea ijito horietatik zeintzuk diren italiarrak eta zeintzuk Errumania, Bulgaria edo Hungariatik etorritakoak, horiek kanporatzeko. Bere jarrera arrazista erakusten duen esaldi bat ere bota du Salvinik: "Zoritxarrez, Italiako ijitoak etxean utzi beharko ditugu".
Horrek Salviniren alderdia den Ligaren benetako aurpegia erakusten du, eta ez soilik Ligarena, baita Bost Izarren Mugimenduarena ere. Di Maio buru duen alderdia benetan ezkerrezkoa balitz, Ligarekin duen koalizio gobernua hautsi beharko luke, eta egiten ez badu, horrek argi uzten du Bost Izarren Mugimendua populismo hutsa dela.
Bitartean, Alemanian Horst Seehofer Barne ministroa aurrez aurreko borrokan dago Angela Merkel kantzilerrarekin. Seehoferrek Alemaniako mugak itxi eta jada herrialdean diren etorkin asko kanporatzeko legea atera nahi du aurrera. Bi asteko epea eman dio Merkeli hori onartzeko, ulertzera emanez onartzen ez badu gobernua hautsiko duela. Quo vadis, Europa???
Zure interesekoa izan daiteke
Ehunka mila lagun atera dira kalera Pragan, hedabide publikoen independentziaren alde
Estoniak Errusiarekin duen muga itxiko du abenduan, Moskuri leporatutako sabotaje bat tarteko
AEBko Gobernuak kontratistaren hutsegite bat edo bideratzaile baten akatsa aipatu ditu aireko kaosaren balizko arrazoien artean
Zelenskik dio AEBk NATOn sartzea eskaini diola Ukrainari, Donbasi uko egitearen truke
Gurutzaontzi turistiko bat irauli da Mississippi ibaian, petrolio-ontzi batekin talka egin ostean
EBk bost herrialdetako ordezkariak bidaliko ditu Ukrainaren eta Errusiaren arteko bake elkarrizketetara
AEBk hegaldiei ekin die berriro, komunikazio arazo batengatik lau orduz etenda egon ondoren
Moskurekin negoziazioaren buru nor izango den erabakitzeko eztabaida abiatu du EBk
Jensen Huang Nvidiako CEOak dimititu egin du, eskandaluen ondorioz