Ezkerreko plataforma berri bat Alemanian
Alemanian ekimen politiko berri bat sortu da ezkerretik eskuin muturraren gorakadari eutsi nahian. Altxatu du izena eta plataforma horretan Die Linke alderdiko, SPD Alderdi Sozialdemokratako eta Alderdi Berdeko pertsonak daude. Sahra Wagenknechtek bultzatuta sortu da, Die Linkeeko hautagaia izan zen bera azkeneko hauteskundeetan.
Altxatu plataformak onartzen du alemaniar asko kezkatuta daudela etorkinen etorrerarekin eta hauek entzutea proposatzen du; baina gai sozialei ere erreparatzen die. Altxatuko sortzaileek uste dute jende askoren haserrea ez dela soilik etorkinen gaiarengatik baizik eta gizartean dagoen berdintasun ezarengatik eta klase politikoarengan dagoen mesfidantzarengatik. Ez dute xenofoboak erakartzerik nahi, horiek jada ez baitute erremediorik, baina bai sistemarekin gustura ez dauden herritarrak eta alderdi tradizionaletan erantzunik aurkitzen ez dutenak.
Azken helburua Alemanian etorkizunean ezkerreko Gobernu baten oinarria sortzea litzateke eta gobernu hori SPD, Die Linke eta Berdeek osatuko lukete. Dena den, alderdi horietako zuzendaritzek harrera txarra egin diote Altxatu plataformaren sorrerari uste baitute ezkerra batu beharrean are gehiago zatitu dezakeela.
Zure interesekoa izan daiteke
AEBk aireko erasoa egin du Venezuelan
Hainbat leherketa entzun dira larunbat goizaldean Caracasen, baina orain arte ez dute xehetasun gehiagorik eman. Venezuelak Donald Trump AEBko presidentearen Gobernuaren "mehatxuak" salatu ditu, Kariben egindako hedapen militarragatik eta lurreko erasoen ohartarazpenengatik.
AEBk Venezuelako hainbat puntu bonbardatu ditu, Caracas barne
CBSk jakinarazi du Trumpek erasoak agindu dituela eta jopuntuen artean Venezuelako base militarrak daudela. Maduroren Gobernuak Washingtonek Karibeko herrialdearen aurka egindako "eraso militar larria" salatu du.
6,5 graduko lurrikara batek Mexiko erdialdea astindu du
Hegoaldeko Guerrero estatuko kostaldean izan du epizentroa lurrikarak, Ozeano Barean, baina astindua herrialdeko hainbat hiritan antzeman dute, Mexikoko hiriburua barne. Oraindik ez dute kalte material edo pertsonalik jakinarazi.
Bengala bat, Urtezahar egunean Suitzako taberna batean sua piztu izanaren arrazoi nagusia
Oraingoz, ez dago argi zenbat pertsona zeuden lokal horretan, baina hainbat lekukok adierazi dute sutea gertatu zen ordurako bengala zuten xanpain botila batzuk piztuta zeudela, eta sarrera bakarra oso estua zela deitoratu dute.
Irango protestetan "manifestariak hiltzen badituzte" herritarrak "erreskatatuko" dituela ohartarazi du Trumpek
Irango Gobernuak bere programa nuklearra berriro garatzen saiatzen ari dela adierazi du Trumpek azken egunotan, eta balizko bonbardaketekin erantzuteko prest agertu da, ekainean Israelekin egin bezala.
Zazpi pertsona hil dira Iranen, egoera ekonomikoak okerrera egin duela salatzeko deitutako hainbat manifestaziotan
Manifestazioak igandean hasi ziren Teheranen, eta dozenaka hiritara zabaldu dira azken egunotan, besteak beste, Isfahan, Kerman, Kermanshah, Hamadan eta Qom hirietara. Iran krisi ekonomiko larrian dago, urteko % 42ko inflazioarekin.
Txina medikamentuen eta antisorgailuen BEZa kobratzen hasi da, jaiotza-tasa estimulatzeko
Pekinek 30 urte baino gehiagoz indarrean egon den salbuespen fiskal bat ezabatu du krisi demografikoaren erdian.
Gutxienez 40 hildako eta 115 zauritu, gehienak larri, Suitzako Crans Montana eski-estazioan izandako sute batean
"Le Constellation" tabernan ospatzen ari ziren urte berriko festan piztu da sute bortitza, 01:30ean. Agintariek ez dute espekulaziorik egin nahi sutearen arrazoiaren inguruan baina erabat baztertu dute atentatuaren hipotesia. Bi lekukok azaldu dutenez, sua egurrezko sabaira gehiegi hurbildu ziren bengala batzuen ondorioz piztu zen, eta "oso azkar" zabaldu zen.
Sute batek eliza historiko bat kiskali du Amsterdamen Urtezahar gauean
Amsterdamgo Vondelkerk eliza historikoa, XIX. mende amaierako eraikina, erabat suntsituta geratu da bart sute baten ondorioz. Inguruko etxebizitzak hustu behar izan dituzte eta, zorionez, ez da inor zauritu ezbeharrean. Gertakariaren arrazoi ofizialak ezagutzen ez diren arren, herritar batzuek su artifizialak ikusi zituzten elizaren dorretik getu.
Moneta aldaketa Bulgarian: euroak lev moneta ofiziala ordezkatu du
Europar Batasunean (EB) duela 19 urte sartu bazen ere, Bulgaria orain arte eurogunetik kanpo egon da. 2026ko urtarrilaren 1etik, Bulgaria eurogunera sartu den 21. herrialdea da.