Hauteskundeak irabaziz gero, Zisjordania anexionatzea hitzeman du Netanyahuk
Benjamin Netanyahu Israelgo lehen ministroak asteburu honetan telebista kate batean iragarri duenez, Zisjordania Israelera anexionatuko du baldin eta bihar egingo diren Israelgo Parlamenturako hauteskundeak irabazten baditu.
Gainera, estatu palestinar bat izateko aukera guztiak baztertu ditu, beraien "existentzia" arriskuan jarriko lukeela iritzita. Horrez gain, Zisjordaniaren kontrola bermatzeko beharra aldarrikatu du. Hori dela eta, kolonia handiak ez ezik, bakartutako asentamenduak ere anexionatuko dituela eta Jan al Ahmar herrixkan palestinar beduinoen etxeak eraitsiko dituela agindu du.
Channel 12 telebista kateari eskainitako elkarrizketan eta, lege israeldarra asentamenduetan aplikatzeari buruz galdetuta, ondorengoa erantzun du Netanyahuk: "Nork esan du ez dugula egingo? Horretan ari gara. Hurrengo agintaldia giltzarri izango da".
Ondoren Channel 13 telebista katean baieztatu duenez, "inoiz baino gertuago" dago asentamenduak anexionatzeko. Netanyahuren ingurukoen arabera, Donald Trump AEBko presidentearen babesa du.
Israelek Zisjordania —Jesuralem ekialdea barne—, Gazako Zerrenda eta Golango Gainak militarki okupatu zituen 1967ko gerran eta, beraz, asentamenduek nazioarteko legedia urratzen dute.
400.000 kolono inguru bizi dira Zisjordaniako lurralde okupatuan eta beste 200.000 inguru, ostera, Jerusalem ekialdean (Palestina).
Albiste gehiago mundua
Israelek Gazan 60 eguneko su-etena ezartzea onartu duela iragarri du Trumpek
Oraingoz Israelgo gobernuburuak ez du informazioa baieztatu. Horrez gain, Trumpek Hamasi gauza bera egin dezala eskatu dio, “Ekialde Hurbilaren onerako”.
Hainbat multinazionalek etekina lortzen dute Israel Gazan eta Zisjordanian aurrera eramaten ari den "genozidio ekonomiarekin"
Francesca Albanese Palestinarako errelatoreak egindako txostenaren arabera, Israelen genozidioarekin "mozkinak" lortzen dituzte Blackrock, Vanguard, IBM, Microsoft, Amazon, Google, Palantir Caterpillar, Hyundai, Volvo, Glencore, Drummond, BP eta Chevronek, besteak beste.
Trumpek Musk deserriratzeko mehatxua egin du, nahiz eta Hegoafrikako handi-mandiak AEBko nazionalitatea izan
AEBko presidenteak "aztertuko" duela esan du, hura deportatzearen inguruan galdetu diotenean, kazetariekin izandako bilera labur batean. Ordu batzuk lehentxeago, Trumpek sare sozialetan adierazi du dirulaguntzarik gabe "Elonek denda itxi eta Hegoafrikara itzuli beharko luke".
Israelgo Armadak gutxienez 33 pertsona hil ditu, tartean kazetari bat, Gaza Hiriko hondartzaren ondoan
Israelgo ehiza-hegazkinek Al Baqa kafetegiari eraso diote, eta berriz ere sarraskia eragin dute. Ismail Abu Hataben heriotzarekin, 228 kazetari hil ditu dagoeneko Israelek Gazaren aurkako erasoaldi militarra abiatu zuenetik.
TikTok sare sozialak badu eroslea, Trumpen esanetan
Presidente estatubatuarraren hitzetan, "diru asko duen jende-talde" batek erosiko du. Bi aste barru emango dute jakitera, beti ere Txinak operazioa onartzen badu.
NBEren Garapenerako Finantzaketari buruzko Nazioarteko IV. Konferentzia Sevillan egingo da, asteon
Goi-bileraren emaitza nagusia 'Sevillako konpromisoa' deituriko adierazpen politikoa izango da, garapenerako finantzaketari buruzko nazioarteko komunitatearen ibilbide-orria markatuko duen dokumentua. Inaugurazioko osoko bilkuran onartzea aurreikusi da.
G7ak AEBko multinazionalak % 15eko gutxieneko zerga ordaintzetik salbuestea erabaki du
Munduko zazpi ekonomia nagusiak ordezkatzen dituen herrialde taldeak akordioa lortu duela ziurtatu du, Estatu Batuetako zerga-sistema aztertu eta Etxe Zuriak bere zerga-legearen 889. klausula ezabatzea onartu ostean. Horri esker, Etxe Zuriak errepresaliak ezarri ahal izango ditu multinazional estatubatuarrei zerga ezartzea erabakitzen zutenen aurka.
Hainbat zauritu eta atxilotu Belgraden, Gobernuaren aurkako protestetan
Hainbat pertsona zauritu ditu Poliziak Belgraden, Serbiako Gobernuaren aurkako manifestazio handian. Ehunka mila pertsonak hauteskundeak aurreratzeko eskatu dute hiriburuko kaleetan, Kosovoko guduaren (1389) urteurrenean, serbiar nazionalismoaren sorrerako gertakari historiko garrantzitsuenetarikoan.
Kayed Hammad, duela gutxi Gazatik irtetea lortu duen interpretea, Malagan da jada, bere familiarekin batera
Iritsi denean, interpretea bere anaiarekin bildu da, duela 18 urtetik besarkatzen ez zuena. Gazako bonbardaketetatik urrun bizitza berri bat hasteko itxaropentsu eta ilusio handiz agertu da.