Gerra jokoak, Persiar golkoan
Persiar golkoan ezin da inolaz ere gerra izango denik baztertu. Iranek zein Ameriketako Estatu Batuek (AEB) berretsi dute ez dutela gerra hori nahi, baina kalkulu akats bat, probokazio bat edota istripu bat oso larria izan liteke bi herrialdeen artean horren tentsio handia denean. Iranek atzo AEBen espioitzan zebilen drone bat bota zuen. Teheranek dio hegazkina bere aireko eremuan zela; Washingtonek, aldiz, erantzun du Nazioarteko Aireko Eremuan zela. Batera zein bestera, berdin dio. Esanguratsua Iranek gidaririk gabeko hegazkina bota izana da, AEBen beldur izan gabe.
Trumpen erantzuna bere neurrikoa izan da: lehenengo, Iranek ordaindu egin beharko zuela esan zuen; gero, Iraneko jeneral ergelen baten akatsa izan zela; erasoa agindu zuen, ondoren, New York Times egunkariak zabaldu zuenez; eta, azken unean, atzera egin zuen. New Yorkeko egunkariaren arabera, AEBko hegazkinak eta itsasontziak erasorako prest ziren, eta alto eman zieten. Jolas hauek ez dira ongi bukatu ohi. 1988an Persiar golkoan egoera antzekoa zuten, eta AEBko itsasontzi batek bidaiariak zeramatzan hegazkin bat bota zuen misilez. Hegazkin militar bat zelakoan, akatsa izan zela esan zuten, gerora. 290 bidaiariak, ordea, hil egin ziren.
Zure interesekoa izan daiteke
Pentagonoak kargutik kendu du AEBko Armadako Estatu Nagusiko burua
Erasoen gorakadaren erdian, Randy Georgek agintea utzi du eta Trumpek bere erretorika belizista areagotu du.
Artemis II misio espaziala Ilargira bidean da jada
Bidaia tripulatuak bueltan dira Ilargira, 50 urteren ostean, baina oraingoan ez da ilargiratzerik aurreikusi.
Trumpek kargutik kendu du Pam Bondi fiskal nagusia, Espstein auziaren kudeaketarekin hainbat desadostasun izan ostean
AEBko presidenteak 2024ko azaroan jarri zuen karguan, baina denbora horretan hainbat enfrentamendu izan dituzte. Todd Blanchek ordezkatuko du Bondi, Trump presidente izan aurretik jasotako lau inputazio penaletan defendatu zuen abokatuak, alegia.
Amazonek Bahrainen duen zentro baten aurkako erasoa egin duela aldarrikatu du Iranek
Irango Guardia Iraultzaileak Microsoft, Apple, Google, Meta, Boeing, Tesla eta beste 14 enpresaren aurkako erasoak egiteko mehatxua egin zuen asteartean, Iranen kontrako "operazio terroristetan parte hartzea" leporatuta.
Erreskate faltsuak gauzatzen zituen sare bat desegin dute Nepalen
Mendizaleei iruzur egiten saiatzen ziren, beharrezkoak ez ziren ebakuazio medikoen bidez. Agintariek faltsututako 171 erreskate baieztatu dituzte 2022tik 2025era. Ikerketak zabalik jarraitzen du, eta ez da baztertzen kaltetuen kopurua handitzea.
Texasko petrolioak ia % 13 egin du gora, gerra laster amaitzeko zantzurik ez dagoelako
Trumpen azken agerraldiak gerra azkar amaitzeko itxaropena zapuztu du inbertsiogileen artean. Wall Streetek % 1,28 egin du behera, Trumpek Irani "gogor" erasotzen jarraituko duela iragarri ostean.
Artemis II-ko komuna, Ilargira bueltatzeko misioa kolokan jarri duen ustekabea
Tripulazioak akats bat antzeman zuen Orion ontziko hondakinen sisteman. Hala ere, arazoa konpondu zuten, aireratu eta ordu batzuk geroago, misioa arriskuan jarri gabe.
Albiste izango da: "Artemis II" ilargi-bidaia, NAN digitala mugikorrean eta Balmasedako prozesioa
Orain-eko albisteen laburpena, minutu batean.
AEB Iranen dituen helburuak betetzetik gertu dagoela ziurtatu du Trumpek, eta eraso gehiago iragarri ditu
AEBko presidenteak aste gutxi barru aurreikusten du gerraren amaiera, eta Ormuzko itsasartea "modu naturalean" irekiko dela dio. Bien bitartean, Teheranek ukatu egin du su-etena eskatu izana.
"Artemis II" aireratu da Ilargira bidean
NASAko tripulazioa Lurreko orbitan erabat sartu da, eta 10 eguneko bidaiari ekin dio. Gorabehera txikiak izan dira jaurtiketan, baina konpondu dituzte.