Corbynek bigarren erreferendum bat eskatu eta EBn jarraitzea defendatuko du
Brexit-aren inguruko akordioa erreferendumean bozkatzea eskatuko dio Jeremy Corbyn Alderdi Laboristako buruzagiak lehen ministro kontserbadore berriari. Hori gertatuko balitz, bere alderdiak Europar Batasunaren (EB) barruan jarraitzea defendatuko lukeela aurreratu du Corbynek.
Zuzendaritza laborista bildu ondoren oinarriei gutuna bidali die Corbynek. "Akordiorik gabeko irteera baten edo ekonomia eta enplegua babesten ez dituen itun tory baten aurrean EBn jarraitzearen aldeko kanpaina" egingo dutela iragarri du.
"Lehen ministro berria nornahi izan, bere akordioa edo haren gabezia herri galdeketa batean bozkatzeko konfiantza izan beharko luke", EBn jarraitzeko aukerarekin batera, Corbynek idatzi duenez.
Erresuma Batuko gobernuburu berria uztailaren 23an aukeratuko dute. Jeremy Hunt edo Boris Johnson faboritoa izango da. Alderdi Kontserbadoreko militanteek barne-hauteskundeetan aukeratuko dute.
Brexit-aren inguruko jarrera argi utzi ondoren – nahiz eta oraindik ñabarduraren bat behar – barne zatiketa sakonak bukatzea espero du zuzendaritza laboristak. Krisi politikoa 2016ko erreferendumarekin batera hasi zen, Alderdi Laboristak kanpaina zalantzagarria eta nahasgarria egin zuelako. Kritika ugari jaso zituen.
Gainera, Corbyn sozialdemokrata heldu denetik tentsio ideologikoak areagotu dira alderdi barruan. Oinarrien jarrera eta boto-emaileen heren bat sentitzen dutena bateratzeko eztabaida luzea izan da. Militanteak Europaren aldekoak dira, baina boto-emaile laborista askok EBtik ateratzea nahi dute.
Europako Parlamenturako azken hauteskundeetan laboristek behea jo zuten, eta horrek jarrera definitzeko balio izan zaie. Era berean, sindikatuek horretarako presioa egin dute, ekintza egitasmo bat adostu baitzuten astelehenean.
Zure interesekoa izan daiteke
Bruselak ikerketa abiatu du Sheinen aurka, diseinu "adiktiboa" duelakoan eta legez kanpoko produktuen salmentagatik
Europako Batzordearen ustez, Txinako plataformak ez du Europako araudia betetzen, ez delako gardena bere gomendio-sistemekin eta legez kanpoko artikuluak merkaturatzeko aukera ematen duelako, besteak beste, haurren sexu-abusurako materiala.
Adimen artifizialaren gobernantza eztabaidagai Indian: Silicon Valleyeko handikiak eta nazioarteko agintariak New Delhin bildu dira
Sam Altman (OpenAI), Sundar Pichai (Google) eta Jensen Huang (Nvidia) lider teknologikoak batu dira goi-bileran.
Epsteinen paperetan jasotakoak gizateriaren kontrako krimentzat har daitezkeela esan du NBEk
Inpunitate osoz aritzen zen enpresa kriminal bat zela diote kasua aztertu duten errelatoreek. Sexu-esklabotza, bortxazko desagertzea, tortura eta feminizidioa, besteak beste, egin direla frogatzeko moduko dokumentuak daudela ziurtatu dute.
Nola gauzatuko du Israelek Zisjordaniako lurren erregistroa?
Jerusalem ekialdean prozesu bera hasi zenetik, eraginpeko lurren % 1 baino ez da palestinarren izenean erregistratu.
Rubioren hitzetan, AEBk ez du Europa basailu izatea nahi, "aliatu sendo bat" baizik
Bestalde, Atzerri eta Segurtasun gaietako europar idazkari nagusi Kaja Kallasek azken hilabeteotan Trumpen Gobernuak egindako kritikei erantzun die. "Batzuek aurkakoa badiote ere, Europa eroria ez da hiltzen ari den zibilizazio bat", esan du, eta gaineratu du gero eta jende gehiagok batu nahi duela "Europaren klubera".
Ultraeskuinaren gertuko gazte bat kolpeka hil izanak politika giroa nahasi du Frantzian
23 urteko matematikako ikasle katolikoa zen Quentin, eta larunbatean zendu zen, jasotako kolpeen ondorioz eta bi egun koman eman ostean. Lyongo Fiskaltza gertakari horren nondik norakoak ikertzen ari da.
Israelek Zisjordaniako eremu zabalak Estatuaren zati gisa erregistratu ditu, 1967tik lehen aldiz
Palestinako Aginte Nazionalak salatu duenez, Palestinako lurralde gehiena 'de facto' anexionatu du.
Alemaniak, Frantziak, Erresuma Batuak, Suediak eta Herbehereek Navalni oposizioko burua toxina batekin hiltzea leporatu diote Errusiari
Pozoia, jatorriz Ekuadorko igel batek ekoizten duena, ez dago "modu naturalean" Errusian. Von der Leyenek estatu errusiarraren jokabide "terrorista" salatu du.
Rubiok AEBen eta Europaren arteko harremanak hurbildu nahi ditu baina kontinente zaharrak independentzia sustatu nahi du
Marco Rubio AEBetako Estatu idazkariak Europarekiko harremanak goraipatu ditu larunbat honetan Municheko Segurtasun Konferentzian, eta arindu egin du herrialdeko presidenteorde J.D. Vancek duela urtebete emandako hitzaldi gogorraren tonua.
Zelenskik esan du Ukraina erdibitzeak ez duela benetako bakerik ekarriko
AEBk bultzatzen dituen bake-negoziazioek arrakasta izan dezaten ahal duen guztia egiteko prest agertu da Ukrainako presidentea, baita hauteskundeak berehala deitzeko ere, bi hilabeteko su-etena bermatzen bada.