Manifestariek Ekuadorko Asanblea Nazionala okupatu dute
Milaka manifestari ekuadortarrek Quitoko Asanblea Nazionalaren egoitza okupatu dute ordubetez Lenin Moreno presidentearen dimisioa eskatzeko. Protestak duela sei egun abiatu zituzten, Gobernuak dirulaguntza batzuk kendu ondoren, Nazioarteko Diru Funtsarekin egindako akordio baten ondorioz.
Liskar gogorrak izan dira "Moreno, kanpora!" oihukatzen zuten manifestarien eta polizien eta militarren artean, bertan baitzeuden indar armatuak protestarien zain.
Manifestariek Morenok duela astebete sinatutako dekretu bat bertan behera uzteko eskatu dute, duela hamarkada batzuetatik erregaien kostua merkatzen zuten dirulaguntzak kendu baititu.
Manifestariek, indigenen federazioko kideak buruan, segurtasun-hesiak gainditu dituzte, legegilearen egoitzara iritsi dira eta barrura sartzea lortu dute.
Segurtasun-indarrek negarra eragiteko gas ugari erabili dute protestariak sakabanatzeko, baina ez dute lortu.
Poliziak, azkenean, eraikinetik atera ditu guztiak, baina protestan jarraitu dute, Ekuadorko banderak eta indigenenak astinduz.
Bigarren hildakoa
Quitoko protestetan zauritu zen gazte bat ospitalean hil da, eta dagoeneko bi dira duela sei egun protestak hasi zirenetik hildakoak.
Marco Otok 26 urte zituen, eta zubi batetik behera erori zen Poliziak inguratuta zuenean, Cedhu Ekuadorko Giza Eskubideen aldeko Batzorde Ekumenikoak jakinarazi duenez.
Zure interesekoa izan daiteke
Zelenskik Europako buruzagiekin hitz egiten jarraitzen du, Trumpekin bildu aurretik
Ursula Von der Leyen Europar Batzordeko buruak telefono bidez hitz egingo du gaur Zelenskirekin eta Trumpekin.
Bonba batek eztanda egin du Siriako Homs hiriko meskita alaui batean, eta gutxienez zortzi pertsona hil dira
Leherketa ostiral eguerdiko otoitza egiten ari zirela izan da, eta, ikerketaren lehen datuen arabera, bonba tenpluaren barruan zegoen jarrita.
Trumpen eta Zelenskiren igandeko bilerak mugimendu berria eragin dezake bake negoziazioetan
Errusiak, bestalde, baieztatu du Estatu Batuekin harremanetan jarri dela, Kievek eta bere aliatuek bultzatutako bake plan berria aztertu ostean.
Hauek dira aurten nazioartean izandako albiste nagusiak
Nazioarteko politikak galdera ugari utzi ditu mahai gainean. Trumpek narkoterrorismoa babestea leporatzen dio Venezuelari, Europa berrarmatzeko bidean da, eta ultraeskuinak gorakada handia izan du Alemanian, Austrian, Erresuma Batuan, Txekian, Portugalen eta Espainian.
Berriz irekiko dute Fukushimako zentral nuklearra
TEPCO enpresak munduko zentral nuklearrik handiena suspertuko du urtarrilean, tokiko agintarien oniritzia jaso ondoren.
Venezuelak 99 preso askatu ditu, 2024ko hauteskundeen ostean atxilotutakoak
Gobernuak azpimarratu duenez, "giza eskubideekiko errespetu zorrotza bermatzeko" hartu dute erabakia.
Estatu Batuek Estatu Islamikoaren kanpalekuak bonbardatu dituzte Nigerian
Donald Trump AEBko presidenteak iragarri duenez, misilekin erasotu dituzte talde jihadistak Afrikako herrialdearen ipar-mendebaldean dituen instalazioak.
Teleferikoa, Parisko mugikortasun arazoak konpontzeko proiektu berria
Orain arte, lur gainekoa edo azpikoa zen Parisko garraio publikoa, baina orain airera eramatea erabaki dute. Europan lehen aldia da horrelako proiektua martxan jartzen dela. Erosoa eta isila da Paris kanpoaldeko lau herri lotzen dituen teleferikoa.
Ukraina "atsedenik gabe" ari da lanean bake-plana "errealista eta fidagarria" izan dadin
Zelenskik telefonoz hitz egin du AEBetako mandatari bereziarekin. Asteazkenean, ateak ireki zizkion Donbasetik tropak erretiratzeko aukerari.
Gabonetako meza San Pedroko basilikara itzuli da 30 urte baino gehiagoren ondoren
Leon XIV.ak Aita Santu gisa eman duen lehen Gabonetako mezaren buru izan da, eta agertoki historiko bat berreskuratu du: San Pedro basilika, 1994tik liturgia hori egiten ez zen lekua. Aita Santuak Gazako sufrimendua eta munduan dauden errefuxiatuena ekarri ditu gogora bere homilian.