Alemaniaren Presidentzia Europar Batasunean
Europako ekonomia handienak, Alemaniak, Europar Batasuneko Presidentzia hartu du gaur bere gain. Gai ugari ditu agendan eta itxaropen handiak daude Angela Merkelengan. Haren lidergotzak etorkizuneko gai garrantzitsuei bultzada emango diela uste da. Ondorengoak lirateke horiek:
- Europa COVID-19AK sortutako krisialditik ateratzea.
- Europaren jarrera AEB eta Txina munduko erraldoien artean.
- “Brexit”aren ondorio ekonomiko kaltegarriak arintzea.
Europa COVID-19AK sortutako krisialditik ateratzea
Merkelen helburua pandemiaren krisiak gehien eragin dituen hegoaldeko herrialdeei laguntzeko neurri sorta onartzea da. 750.000 milioi euroko diru laguntzak eta kreditu bigunak, Europako Batzordeak proposatu duen bezala. Baina Holanda, Danimarka, Suedia eta Austria horren aurka daude eta oztopo hori gainditzea ez da erraza.
Horrekin batera 2021tik 2027ra Europar Batasunak izango dituen aurrekontuei buruzko negoziaketak ere urtea amaitu baino lehen bukatu behar dira. Guztira 1,1 bilioi euro. Bi gai hauek batera negoziatzea zaila dela aitortu berri du Merkelek.
Europaren jarrera Estatu Batuak eta Txina erraldoien artean
Europar Batasunak zerga digitala ezarri nahi die Amazon, Google eta Apple erraldoiei eta horrek tentsioa ekarri du AEBrekiko harremanetan eta Amerikarrek kontrako zigorrak ezarri ditzakete.
Txinarekiko harremanetan Europako Batzordeak legedi berria proposatu du txinatarren kontrol ahaleginarengandik enpresa europar garrantzitsuak hobeto babesteko. Makronek esan berri duenez, europarrek Txinarekin duten harremanetan inuzentekeria baztertu behar dute
“Brexit”aren ondorio ekonomiko kaltegarriak arintzea
Negoziaketak urtea amaitu baino lehen akordio batekin bukatu behar dira, baina Boris Johnson lehen ministroarekin horrela izango denik ez dirudi. Une honetan ez dakigu 2021eko urtarrilaren batetik aurrera Erresuma Batuak eta Europar Batasunak izango duten harremana nolakoa izango den. Egun horretan amaituta egongo da oraingo trantsizio epea. “Brexit” gogorra saihestu ezinezkoa izango da, lehenago akordiorik lortu ezean. Merkelek ohartarazi berri duenez, Erresuma Batuak ezin du itxaron Europar Batasunetik kanpo egonda barruan bezalako abantailak lortzea.
Gai horiek guztiak aurrera ateratzeko, Merkel kantzilerrarena moduko lidergotza indartsua inoiz baino beharrezkoa izango da.
Zure interesekoa izan daiteke
Bi hildako eta 50 zauritu inguru, A-63 errepidean, Landetan, izandako hainbat ibilgailuren arteko istripuan
Flixbus konpainiako bi autobusen arteko istripuaren ondorioz, 50 bat ibilgailuk talka egin dute eta bi pertsona hil eta 50 pertsona inguru zauritu dira.
Europako herrialdeek Groenlandiako subiranotasunaren eta egungo mugen alde egin dute, NATOko kide gisa
Besteak beste, Espainiak, Frantziak eta Danimarkak babestu dute adierazpena. Esan dutenez, AEB "funtsezko bazkidea" da Artikoa "seguru" mantentzeko, baina adierazpena Donald Trumpek lurraldea bereganatzeko egindako mehatxuen ostean iritsi da.
Venezuelan atxilotutako preso politiko espainiarrak askatzeko eskatu dio Espainiak Delcy Rodriguezi
Nicolas Maduro atxilotu eta Venezuelako presidenteordeak agintea bere gain hartu ostean, Espainiako Gobernuak ahozko ohar baten bidez helarazi dio bere eskaera.
Trumpek bultzatutako Kapitolioaren aurkako erasoaren bosgarren urteurrena
2021eko urtarrilaren 6an, Donald Trumpen ehunka jarraitzaile Kapitolioan sartu ziren, Joe Biden demokrataren hauteskunde garaipena berresten zen bitartean. Bost urte geroago, erasoagatik auzipetutako 1600 pertsonak indultatu egin dituzte, edo zigorrak kommutatu zaizkie.
Boluntarioen Koalizioak Ukrainarentzako segurtasun konpromiso zehatzak lortu nahi ditu Parisen
AEBk lehen aldiz parte hartuko du Europako buruzagiekin eta Zelenskirekin batera Ukrainako gerrari irtenbide bat bilatzeko aurrez aurreko goi-bilera oso batean.
6,2 graduko lurrikara batek Japonia astindu du
Japoniako agintariek ziurtatu dute ez dagoela tsunami arriskurik.
Machadok eskerrak eman dizkio Trumpi Maduro atxikitzeagatik eta lehenbailehen itzultzeko asmoa agertu du
Fox News telebista katean egindako elkarrizketa batean, Machadok adierazi du bera buru duen oposizioak Venezuela Ameriketako energia gune bihurtuko lukeela, atzerriko inbertsioaren segurtasuna bermatzeko zuzenbide estatua berrezarri eta Maduroren agintaldian herrialdetik ihes egin zuten venezuelarren itzulera erraztu. Hala ere, Trumpek Venezuelako gobernua Machadoren esku uztea baztertu du, herrialdearen babesik ez duela argudiatuta.
Delcy Rodriguezek Venezuelako presidente karguaren zina egin du, Maduroren bahiketaren ostean
Orain arteko presidenteorde exekutiboak "ohorez eta minez" zin egin du Latinoamerikako herrialdeko behin-behineko buruzagi berri bezala, Asanblea Nazionalean. Jorge Rodriguez Parlamentuko presidenteak Nicolas Maduro presidentearen itzulera ezarri du helburu nagusitzat. Caracasen dozenaka hildako utzi zituen operazio militar batean atzeman zuen AEBk.
Madurok errugabetzat jo du bere burua AEBko epailearen aurrean
Venezuelako presidentearen eta haren emaztearen abokatu taldeek erabaki dute "une honetan" baldintzapeko askatasuna ez eskatzea.
EBk ez du Groenlandia arriskuan ikusten, AEB herrialde aliatua delako
Bestalde, Danimarkako lehen ministroak ohartarazi duenez, "NATOko herrialde batek NATOko beste herrialde bati eraso egiten badio, dena amaituko da".