Kapitolioko polizia bat hil da eta dagoeneko bost dira hildakoak
Azken orduetan Kapitolioko Polizia bat hil da eta dagoeneko bost dira Ameriketako Estatu Batuetako Kongresua hartzeko saiakeran hil diren pertsonak. Bosgarren pertsona ostegun honetan zendu da, erasoaren biharamunean.
Kapitolioko Poliziak Brian D. Sicknik agentearen heriotza baieztatu du, zenbait orduz polizia baten heriotzaren inguruko zurrumurruak bolo-bolo ibili ostean.
Polizia horretako bozeramaile batek ohar baten bidez jakinarazi duenez, Kapitolioan lanean ari zela izandako zaurien ondorioz zendu da. Oharraren arabera, agenteak "kolapsoa" izan zuen bulegora itzuli zenean, eta ospitalera eraman zuten. Bertan hil da.
Sicknicken heriotzarekin, bost pertsona hil dira Kapitolioa hartzeko saiakeran.
Hildako gainerako lau pertsonak manifestariak dira: San Diegoko 35 urteko emakumea, Pennsylvaniako 50 urteko gizona, Alabamako 55 urteko gizona eta Georgiako 34 urteko emakumea.
Robert Contee III Washington hiriko Polizia buruak ez du heriotza horien inguruko xehetasunik eman, baina adierazi du horietako hiru "mediku larrialdiengatik" hil zirela eta beste bat tiroz.
Kapitolioko Polizia buruak dimisioak eman du
Steven Sund Kapitolioko Polizia buruak dimisioa eman du ostegun honetan, Poliziaren jardunak eragindako kritiken ostean.
Kritikak demokraten zein errepublikanoen aldetik iritsi dira. Nancy Pelosi demokrata eta Ordezkarien Ganberako presidente denak Sunden dimisioa eskatu zuen, eta Mitch McConnell Senatuko errepublikanoen buruak ere Kapitolioari egindako erasoan segurtasun indarrek egindako lana kritikatu zuen.
Zure interesekoa izan daiteke
Bruselak ikerketa abiatu du Sheinen aurka, diseinu "adiktiboa" duelakoan eta legez kanpoko produktuen salmentagatik
Europako Batzordearen ustez, Txinako plataformak ez du Europako araudia betetzen, ez delako gardena bere gomendio-sistemekin eta legez kanpoko artikuluak merkaturatzeko aukera ematen duelako, besteak beste, haurren sexu-abusurako materiala.
Adimen artifizialaren gobernantza eztabaidagai Indian: Silicon Valleyeko handikiak eta nazioarteko agintariak New Delhin bildu dira
Sam Altman (OpenAI), Sundar Pichai (Google) eta Jensen Huang (Nvidia) lider teknologikoak batu dira goi-bileran.
Epsteinen paperetan jasotakoak gizateriaren kontrako krimentzat har daitezkeela esan du NBEk
Inpunitate osoz aritzen zen enpresa kriminal bat zela diote kasua aztertu duten errelatoreek. Sexu-esklabotza, bortxazko desagertzea, tortura eta feminizidioa, besteak beste, egin direla frogatzeko moduko dokumentuak daudela ziurtatu dute.
Nola gauzatuko du Israelek Zisjordaniako lurren erregistroa?
Jerusalem ekialdean prozesu bera hasi zenetik, eraginpeko lurren % 1 baino ez da palestinarren izenean erregistratu.
Rubioren hitzetan, AEBk ez du Europa basailu izatea nahi, "aliatu sendo bat" baizik
Bestalde, Atzerri eta Segurtasun gaietako europar idazkari nagusi Kaja Kallasek azken hilabeteotan Trumpen Gobernuak egindako kritikei erantzun die. "Batzuek aurkakoa badiote ere, Europa eroria ez da hiltzen ari den zibilizazio bat", esan du, eta gaineratu du gero eta jende gehiagok batu nahi duela "Europaren klubera".
Ultraeskuinaren gertuko gazte bat kolpeka hil izanak politika giroa nahasi du Frantzian
23 urteko matematikako ikasle katolikoa zen Quentin, eta larunbatean zendu zen, jasotako kolpeen ondorioz eta bi egun koman eman ostean. Lyongo Fiskaltza gertakari horren nondik norakoak ikertzen ari da.
Israelek Zisjordaniako eremu zabalak Estatuaren zati gisa erregistratu ditu, 1967tik lehen aldiz
Palestinako Aginte Nazionalak salatu duenez, Palestinako lurralde gehiena 'de facto' anexionatu du.
Alemaniak, Frantziak, Erresuma Batuak, Suediak eta Herbehereek Navalni oposizioko burua toxina batekin hiltzea leporatu diote Errusiari
Pozoia, jatorriz Ekuadorko igel batek ekoizten duena, ez dago "modu naturalean" Errusian. Von der Leyenek estatu errusiarraren jokabide "terrorista" salatu du.
Rubiok AEBen eta Europaren arteko harremanak hurbildu nahi ditu baina kontinente zaharrak independentzia sustatu nahi du
Marco Rubio AEBetako Estatu idazkariak Europarekiko harremanak goraipatu ditu larunbat honetan Municheko Segurtasun Konferentzian, eta arindu egin du herrialdeko presidenteorde J.D. Vancek duela urtebete emandako hitzaldi gogorraren tonua.
Zelenskik esan du Ukraina erdibitzeak ez duela benetako bakerik ekarriko
AEBk bultzatzen dituen bake-negoziazioek arrakasta izan dezaten ahal duen guztia egiteko prest agertu da Ukrainako presidentea, baita hauteskundeak berehala deitzeko ere, bi hilabeteko su-etena bermatzen bada.