317 ikasle bahitu dituzte Nigeriako nesken eskola batean egindako beste eraso batean
Nazioarteko komunitateak gogor gaitzetsi du ostiral goizaldean Nigeriako ipar-mendebaldeko emakumeen eskola publiko batean izandako bahiketa. 317 ikasle bahitu zituzten Bigarren Hezkuntzako Eskola publikoan, Jangebe hirian (Zamfara estatua), hainbat gizon armatuk zentroari eraso egin ondoren.
NBEk eta Europar Batasunak bahitutako neskak "berehala eta baldintzarik gabe" askatzeko eskatu du, eta azpimarratu du adingabeek ez dituztela "gatazken ondorioak pairatu behar", baizik eta "babestu" egin behar direla, "bakea nagusituko den oraina eta etorkizuna eraikitzeko funtsezko eginkizuna baitute".
Josep Borrell Europar Batasuneko Atzerri Gaietarako goi-ordezkariak ohar baten bidez jakinarazi duenez, "Nigeriako ipar-mendebaldean eta erdialdean bahiketak eta eraso masiboak ugaritu izanak beldurra eragin eta kalte egiten die herritarren artean ahulenei, haurrei eta emakumeei".
"Ikasleen desagerpena eta eskolen aurkako erasoak eskualdean aritzen diren gaizkile talde eta talde armatuen zigilu bereizgarri bihurtu dira", adierazi du Espainiako ministro ohiak. Europar Batasuna Nigeriako agintariekin eta nazioarteko beste kide batzuekin elkarlanean aritzeko "prest" dagoela gaineratu du, "zibilak babesten laguntzeko".
Ohe hutsak erasotutako ikastetxean. Argazkia: EFE
Aurreko astean Nigerian bahitutako ikasleak eta langileak, askea
Bestalde, aske geratu dira duela astebete Kagarako Zientzia Eskola publikoan bahitutako 28 ikasle eta langileak.
'Daily Trust' egunkari nigeriarrak kaleratu duenez, guztiak askatu dituzte eta Minna hiribururantz doaz orain, Sani Bello gobernadoarekin biltzera.
Gogoan izan behar da abenduaren 11n beste 344 ikasle bahitu zituztela Kankaran, Katsina estatuan, Nigeriako ipar-mendebaldean. Ordura arte ipar-ekialdean bakarrik egiten zituen erasoak Boko Haramen talde jihadistak. Astebetera aske utzi zituzten ikasleak.
Zure interesekoa izan daiteke
Erregaien prezioek igotzen jarraitzen badute, Europar Batasunak ez du baztertzen errazionamendua ezartzea
Dan Jørgensen Europako Energia komisarioak adierazi duenez, "eszenatoki txarrenetarako prestatzen ari gara, baina oraindik ez dugu produktu kritikoak (kerosenoa edo diesela) errazionatu beharrik".
Iranek ziurtatu du AEBko beste ehiza-hegazkin bat eraitsi duela, herrialdearen erdialdean
AEBko agintariek ez dute, oraingoz, gaiari buruzko adierazpenik egin; hala ere, lehen hegazkinetik tripulatzaileetako bat erreskatatu dutela ziurtatu dute.
Gutxienez hiru kasko urdin zauritu dira Libano hegoaldeko instalazioetan izandako leherketa batean
Israelek 1.368 pertsona hil ditu jada herrialdearen aurka egindako eraso armatuetan. Halaber, Israelgo Armada Libano hegoaldeko herrixketan etxebizitzak eraisten hasiko da, bertatik 600.000 pertsona kanporatu ondoren. Hezbollah taldearen "kokalekuak" direla ziurtatu du Israelek.
Pentagonoak kargutik kendu du AEBko Armadako Estatu Nagusiko burua
Erasoen gorakadaren erdian, Randy Georgek agintea utzi du eta Trumpek bere erretorika belizista areagotu du.
Artemis II misio espaziala Ilargira bidean da jada
Bidaia tripulatuak bueltan dira Ilargira, 50 urteren ostean, baina oraingoan ez da ilargiratzerik aurreikusi.
Trumpek kargutik kendu du Pam Bondi fiskal nagusia, Espstein auziaren kudeaketarekin hainbat desadostasun izan ostean
AEBko presidenteak 2024ko azaroan jarri zuen karguan, baina denbora horretan hainbat enfrentamendu izan dituzte. Todd Blanchek ordezkatuko du Bondi, Trump presidente izan aurretik jasotako lau inputazio penaletan defendatu zuen abokatuak, alegia.
Amazonek Bahrainen duen zentro baten aurkako erasoa egin duela aldarrikatu du Iranek
Irango Guardia Iraultzaileak Microsoft, Apple, Google, Meta, Boeing, Tesla eta beste 14 enpresaren aurkako erasoak egiteko mehatxua egin zuen asteartean, Iranen kontrako "operazio terroristetan parte hartzea" leporatuta.
Erreskate faltsuak gauzatzen zituen sare bat desegin dute Nepalen
Mendizaleei iruzur egiten saiatzen ziren, beharrezkoak ez ziren ebakuazio medikoen bidez. Agintariek faltsututako 171 erreskate baieztatu dituzte 2022tik 2025era. Ikerketak zabalik jarraitzen du, eta ez da baztertzen kaltetuen kopurua handitzea.
Texasko petrolioak ia % 13 egin du gora, gerra laster amaitzeko zantzurik ez dagoelako
Trumpen azken agerraldiak gerra azkar amaitzeko itxaropena zapuztu du inbertsiogileen artean. Wall Streetek % 1,28 egin du behera, Trumpek Irani "gogor" erasotzen jarraituko duela iragarri ostean.
Artemis II-ko komuna, Ilargira bueltatzeko misioa kolokan jarri duen ustekabea
Tripulazioak akats bat antzeman zuen Orion ontziko hondakinen sisteman. Hala ere, arazoa konpondu zuten, aireratu eta ordu batzuk geroago, misioa arriskuan jarri gabe.