Kolonbiako presidenteak zerga erreformarako plan berria iragarri du, protesten ostean
Ivan Duque Kolonbiako presidenteak zerga erreformarako lege proiektuaren testu berri bat sortuko dutela iragarri du, Gobernuaren hasierako proposamenaren aurka manifestazio jendetsuak izan ostean. "Ogasun Ministerioari agindu argia eman diot, legegintza-izapidearen barruan Kongresuarekin batera testu berri bat egiteko, alderdiek, erakunde zibilek eta sektore pribatuak aurkeztu dituzten proposamen baliotsuez elikatuz, adostasuna lortzeko", adierazi du Duquek prentsaurreko batean.
El Espectador egunkariak jakitera eman duenez, herritarrek "inolako kezkarik ez izatea eta lasaitasuna eta ziurtasuna" nagusitzea espero du Gobernuak.
"Dokumentu berrian zerbitzu publikoei ez zaie BEZik jarriko, ezta gasolinari ere; gaur dauden joko arauak ez dira aldatuko", esan du.
Errentaren gaineko zergari dagokionez, "gaur egun errenta zerga ordaintzen ez dutenek ez dute ordainduko, hau da, ez da oinarria handituko", zehaztu du.
Manifestazio handiak izan ziren ostiralean
Berriz ere manifestazio handiak egin zituzten Kolonbiako hainbat hiritan ostiralean, eta gutxienez hildako bat eta hainbat zauritu izan ziren Poliziarekin izandako liskarretan.
Radio Caracolek jaso duenez, Jorge Ivan Ospina Caliko alkateak baieztatu du pertsona bat hil dela suzko armaz, eta beste batzuk zauritu direla. Beste komunikabide batzuek zazpi pertsona hil direla esan dute.
Calin istilu larriak izan dira hainbat egunez, eta, horren ondorioz, hainbat Gobernuz Kanpoko Erakundek hainbat manifestarien heriotza salatu dute eta Poliziaren jarrera salatu.
Bestalde, Twitterrek Alvaro Uribe presidente ohiak protesten aurka egindako argitalpen bat ezabatu du, sare sozialaren arauen kontra egiteagatik. "Txio honek indarkeria loriatzearen inguruko gure politikak urratzen ditu", adierazi du Twitterreko segurtasun kontu ofizialak.
Zure interesekoa izan daiteke
500 milioi haur baino gehiago bizi dira gatazka armatuen eremuetan
Save the Children gobernuz kanpoko erakundearen arabera, 2024an 520 milioi adingabe baino gehiago bizi ziren gatazka-guneetan. Afrika da eskualde kaltetuena: kontinente horretako haurtzaro osoaren % 32 indarkeria armatuaren eraginpean bizi da. 2024an, egunero batez beste 78 haur erailketaren, bahiketaren, sexu-erasoen eta mutilazioen biktima izan ziren, besteak beste.
‘Melissa’ urakanak Jamaikan eragindako suntsipena
Melissa urakanak suntsipena eragin du Jamaika uhartean, eta gutxienez 28 hildako dira jada. Urakanak "aurrekaririk gabeko" hondamendia eragin duela adierazi dute Jamaikako agintariek. Horrela geratu da uhartea, Melissaren astinduaren ondoren.
6,3 graduko lurrikara batek Afganistan iparraldea astindu du
Lurrikararen ondorioz, 27 hildako eta 700 zauritu baino gehiago izan dira, baina bilaketa- eta erreskate-lanek aurrera jarraitzen dute, eta ez da baztertzen datozen orduetan hildakoen kopuruak gora egitea.
Trumpek esan du ez duela uste AEBk Venezuelaren kontrako gerrarik egingo duenik, baina ez du planei buruz hitz egin nahi izan
"Zer erantzun diezaioket horrelako galdera bati? Ba al dago Venezuelan eraso bat egiteko planik? Nork esango luke hori? Halakorik balego, esan egingo nizukeela uste duzue, zintzoki? Bai, planak ditugu. Oso plan sekretuak ditugu", esan du 'Air Force One' hegazkinean. "Begira, ikusiko dugu Venezuelarekin zer gertatzen den", adierazi zuen, eta Venezuelako Gobernuak "milaka pertsona bidali zituen kartzeletatik, erakunde mentaletatik eta mendekotasun zentroetatik".
2007tik aurrera jaiotakoei erretzea debekatu die Maldivetako Gobernuak, horrelako erabaki bat hartu duen lehen herrialdea bihurtuz
Debekua aitzindaria da munduan, eta "ohitura ez osasungarriak desagerraraztea eta belaunaldi osasungarria eraikitzea" du helburu, presidenteak azaldu duenez.
Hamasek beste hiru gorpu entregatu dizkio Israeli
Bestalde, Israelek gazatarren 225 gorpu itzuli ditu, horietako asko abusuen eta torturen zantzuekin.
Poliziak ez du Londres iparraldeko tren batean izandako erasoa terrorismoarekin lotzeko zantzurik sumatu
Britainiarrak dira erasoaren bi egileak, eta "ez du terrorismoarekin zerikusirik", esan du prentsaurrekoan Garraoi Poliziaren buru John Lovelessek. Zauritutako hamar lagunetatik bi egoera kritikoan daude, "hiltzeko arriskuan".
Israelek Hezbollahko buruzagi bat hil du Libano hegoaldean egindako erasoetan
Gainera, Israelgo indarrek erasoak areagotzeko mehatxua egin dute, Beiruti milizia xiitaren armagabetzean porrot egin izana leporatu ostean.
Egiptok badu bere museo ‘faraonikoa’
Hainbat urtez atzeratu ostean, eta 20 urteko lanen ondoren, gaur zabaldu ditu ateak Egiptoko ikono kultural berriak. Mila milioi dolarreko kostua izan du, eta gainkostu eta arazo politikoak tarteko, asko atzeratu da. Azken egunotan ahoz aho dabilen Pariseko Louvre museoaren bikoitza da tamainaz, 500.000 metro kuadro ditu. Bertan aurkitu daitezkeen altxorren artean, Tutankamon faraoiaren bilduma handi bat dago. Honako museoa zibilizazio bakar bati eskainitako munduko arkeologia-konplexurik handiena da.
Ukrainak kontraerasoa egin du Pokrovsken, eta tropen inguraketari buruzko informazioa gezurtatu du
Hainbat helikopterotan sartu dira errusiarrek harrapatutzat eman dituzten Pokrovskeko guneetan.