Eraso terrorista baten beldurra areagotzen ari da Kabulgo aireportuan
Afganistan talibanen esku geratu denetik, mendebaldeko potentziak, Estatu Batuak buru dituztela, buru belarri dabiltza lanean enbaxadetako langileen ebakuazioa burutzeko, baita haiekin elkarlanean aritu diren afganiarrena ere.
Azken orduetan, baina, beste oztopo bat gehitu zaio ebakuazio prozesuari: Eraso terrorista baten arrisku handia Kabulgo aireportuaren inguruan.
Bien bitartean, milaka pertsonak aerodromoaren inguruan pilatuta jarraitzen dute, abuztuaren 31 baino lehen, nazioarteko tropak erretiratu aurretik, herrialdetik irteteko esperantzarekin.
Mehatxu horren aurrean, Kabulen dagoen Estatu Batuetako enbaxadak aireportuko ate nagusietatik "berehala" alde egitea eta aireportuaren inguruetara ez hurbiltzea gomendatu du, AEBko ordezkariren batek "argibide zehatzak" eman ezean.
Eta ez Estatu Batuak bakarrik. Erresuma Batuak eta Australiak ere antzeko mezuak zabaldu dituzte eta eraso terrorista batean pentsatzeko informazio sinesgarriak daudela ohartarazi dute.
Kabulgo egoera gero eta larriagoa da, baina Ameriketako Estatu Batuetako Defentsa Departamentuak asteazkenean emandako datuen arabera, 10.000 pertsona baino gehiago Afganistandik irteteko zain daude aireportuan.
Hainbat herrialdek ebakuazioak eten dituzte
Testuinguru horretan, hainbat herrialdek ebakuazio lanak eten dituzte dagoeneko segurtasun arriskuengatik; Belgikak ebakuazio operazioei amaiera eman die, esaterako, eta Herbehereek, berriz, azken hegaldiak gaur egingo dituztela iragarri dute. Frantziak ere lekualdatzeak bertan behera utziko dituela aurreratu du bihar gauean.
Talibanek aste honetan ohartarazi dutenez, ez dute Afganistango herritarren ebakuaziorik erraztuko, eta herritarrei eremutik alde egiteko eskatu diete. Hori bai, hilabren 31 ondoren, behin ebakuazioa amaituta, dokumentazioa indarrean duten afganiarrek hegaldi zibiletan herrialdetik alde egiteko aukera izango dutela azaldu dute.
Zure interesekoa izan daiteke
Venezuelan 100.000 milioi dolarreko inbertsioa egin behar dutela berretsi die Trumpek petrolio enpresei
Josu Jon Imaz Repsoleko buruak eskerrak eman dizkio AEBko presidenteari, "Venezuela hobe bati atea irekitzeagatik", eta ekoizpena hirukoizteko prest agertu da.
'Olina' petrolio-ontzia Kariben konfiskatu duela iragarri du AEBk, Venezuelako petrolio gordina eramatearen susmopean
Venezuelari lotuta aste honetan konfiskatu duten hirugarren petrolio-ontzia da, eta bosgarrena atzemateen hasieratik. Ostiral honetako misioa "gorabeherarik gabe" burutu dute.
Kolonbian ekintza militar estatubatuarraren "benetako mehatxua" dagoela ohartarazi du Petrok
Narkotrafikoari aurre egiteko herrialde horrek ez duela nahikoa egiten ohartarazi du berriki AEBko presidenteak, Venezuelari eraso egin ostean. Bi agintariek telefonoz hitz egin zuten asteazkenean.
Ramon Larramendi, Groenlandian bizi den euskal herritarra: "Harridura, beldurra eta haserrea dago; ez gaude salgai"
Abenturak eta esplorazioak 1986an eraman zuten lehen aldiz Ramon Larramendi Groenlandiara, eta han bizi da duela 40 urtetik. Adierazi duenez, Donald Trumpek uhartea erosteko egindako mehatxuek eta desioek aldaketa handia eragin dute groenlandiarren iritzian (% 80, inuitak), duela urte batzuk arte nahiko "pro-amerikarrak" baitziren. Orain, ordea, sentimendu hori "erabateko gaitzespenean eraldatu da".
Lau pertsona hil eta hogeitik gora zauritu ditu Errusiak Kieven guean egindako eraso batean
Defentsa Ministerioak azaldu duenez, "Errusiako presidenteak Novgorod eskualdean duen egoitzaren aurka Kieveko erregimenak abenduaren 29an egindako erasoari" erantzun diote.
Trumpek Mexikon lurreko erasoak iragarri ditu, droga kartelen aurka
AEBko presidentearen arabera, droga kartelak dira Mexiko herrialdea "gidatzen" ari direnak. Bestalde, Trumpek aurreratu du Maria Corina Machado Venezuelako oposizioko buruarekin bilduko dela datorren astean.
Gaur iritsiko dira Madrilera Venezuelak aske utzi dituen bi preso bilbotarrak
Jose Maria Basoa eta Andres Martinez Puerto Ayacuchon atxilotu zituzten, Venezuelako Amazonas estatuko hiriburuan. CNIren eta Venezuelako oposizioarekin lotura izatea leporatu zieten. Espainiako Gobernuak hasieratik ukatu ditu akusazio horiek.
Groenlandiako independentistek AEBrekin "zuzenean" hitz egitea eskatu dute, Danimarka kanpoan utzita
Whashingtonekin akordio bat ixteko aukera ez du baztertzen Naleraq alderdiak, elkartze librearen formula erabilita.
Venezuelak bertako eta atzerriko presoak askatuko dituela iragarri du
Jorge Rodriguez Asanblea Nazionaleko presidenteak egin du iragarpena, Venezuelan "bakea eta bizikidetza baketsua sendotzeko" keinu gisa. Espainiako Gobernuko Kanpo Arazoetako ministroak adierazi duenez, Espainiako herritarrak daude askatutako presoen artean; horien artean, 2024an atxilotutako bi bilbotarrak daude.
38 pertsona hil dira Iran osora zabaltzen ari diren protestetan
Protestak abenduaren 28an hasi ziren, rialaren balio-galeragatik eta inflazio handiagatik, baina manifestariek Errepublika Islamikoaren amaiera ere eskatu dute. Manifestazioetako batean, pertsona talde batek 2020an AEBk eraildako Qasem Soleimani Guardia Iraultzailearen komandante ohiaren estatua bat eraitsi du.