Schengen Eremua Kroaziara ere helduko da urtarrilaren 1etik aurrera
Europar Batasuneko Barne ministroek oniritzia eman diote ostegunean Schengen Eremua handitzeari; izan ere, urtarrilaren 1etik aurrera Kroazia ere Eremuan egotea onartu dute. Bulgariak eta Errumaniak, aldiz, Eremu horretatik kanpo jarraituko dute, ez baitute jaso babes nahikorik pertsonen zirkulazio askeko aipatutako gune horretako kide izateko.
Seihileko honetan, Txekiak du Europar Batasunaren presidentetza, eta herrialde horretako Barne ministro Vit Rakusanek, prentsaurrekoan, Kroazia zoriondu du; haren esanetan, "europar herritar guztientzako mezu erabilgarria" da Kroazia Schengen Eremuan sartzea.
"Nire iritziz, Bulgaria eta Errumania prest daude Schengeneko kide izateko, eta eskerrak ematen dizkiet bi herrialde horiei azken urtean egindako lanagatik. Ziur nago, laster iritsiko zaie garaia", gehitu du Rakusanek. Txekiako Barne ministroa oso pozik azaldu da, kontuan izanik Eremua handitzea lehentasuna zela bere herrialdearentzat, Europar Batasuneko presidentetza Txekiaren esku dagoen honetan.
Austriaren eta Herbehereen blokeoa
Barne komisario Yilva Johanssonek ere "etsipena" agertu du, Austriak eta Herbehereek (azken herrialde horrek soilik Bulgariari jarri dio betoa) ezarritako blokeoagatik. Johansson suediarra da, eta Suediak izango du ardura, aurrerantzean, Eremua Bulgariara eta Errumaniara ere handitzeko.
"Zalantza txikiak" daude Bulgariaren eta Errumaniaren gainean; Austriak eta Herbehereek dituztenak "politikoak" dira, Margaritis Schinas EBko presidenteordeak goizean esan duenez: "Schengen handituz, indartsuagoak gara, ez ahulagoak, kontrol gehiago eta hobeak izango direlako, ez gutxiago; beraz, espero dut sen ona nagusitzea, eta erabakia hartzea; gaur ez bada, hemendik egun batzuetara", esan du Schinasek.
Austriak esana zuen Errumaniari eta Bulgariari betoa jartzeko asmoa zuela, kontuan izanik aurten immigrazioak gora egin duela. Herbehereek ere esana zuten kontrako botoa emango zuela. Schengen Eremuan, egun, EBko 22 herrialde daude (denak, Bulgaria, Zipre, Irlanda, oraindik Kroazia eta Errumania izan ezik), eta EBtik kanpoko lau (Liechtenstein, Islandia, Norvegia eta Suedia).
Albiste gehiago mundua
Aitor Zabalgogeazkoa: "Gazako janari banaketa sistema berria basakeria bat da"
Aitor Zabalgogeazkoak zortzi aste egin ditu Gazan Mugarik Gabeko Medikuak erakundearen larrialdietako koordinatzaile bezala lan eginez. Bere hitzetan, 22 hilabeteren ostean, "jendeak esperantza galdu du eta gosetea gero eta handiagoa da". Zabalgogeaskoak gertutik bizi izan du Israelek eta AEBk babesten duten janari banaketa puntuetan gertatzen dena. "Egunero egoten dira hildakoak eta zaurituak" eta askok buruan eta bularrean jasotzen dituztela tiroak adierazi du "Gaur Egun" albistegian egindako elkarrizketan.
Hogeita hamar bat kazetarik protesta egin dute Tel Aviven kazetari gazatarren hilketaren aurka
"Utzi Gazan kazetariak hiltzeari", irakur zitekeen, ingelesez, arabieraz eta hebreeraz idatzitako pankarta batean. Kazetariak ordu erdiz egon dira bilduta Israelgo Kazetarien Elkarte Nazionalaren egoitzaren atarian isiltasunean.
Gutxienez 26 pertsona hil dira Lampedusako kostaldean, ontzi bat hondoratuta
Desagertuen bila jarraitzen dute; izan ere, 95 bat migratzaile zihoazen goizaldean Tripolitik (Libia) abiatu diren bi ontzitan. Horietako batean ura sartzen hasi da, eta, ondorioz, pertsonak bestean ontziratu dira. 60 inguru erreskatatu dituzte.
Aitor Zabalgogeazkoa Gazatik itzuli berri da eta Zerrendako egoera "inoiz baino okerragoa" dela uste du
Bilbon komunikabideekin egindako topaketa batean, 2012ra arte Mugarik Gabeko Medikuak erakundeko zuzendari nagusi izan denak eta gaur egun larrialdietako koordinatzailea den Aitor Zabalgogeazkoak Gazan eman dituen azken zortzi asteak deskribatu ditu. Gaur gauean, "Gaur Egun" albistegian elkarrizketa egingo diote, Gazako Zerrendan bizi den egoera azaldu dezan.
Europako buruzagiek su-etena eskatu diote Trumpi, ostiralean Putinekin Alaskan egingo duen bileraren abiapuntu gisa
Macronen arabera, AEBko presidenteak bideokonferentziaz baieztatu die NATO ez dela Ukrainaren segurtasun bermeetan inplikatuta egongo. Gainera, Frantziako presidenteak azaldu du Trumpek bermatu diela Zelenskik bakarrik negoziatuko dituela Ukrainak Errusiari lagako omen dizkion lurraldeak.
Netanyahuren aurkako epaiketari azaroaren 2an helduko diote berriro, hainbat saio bertan behera geratu ostean
Israelgo lehen ministroak, funtzionario-eroskeria, iruzur eta konfiantza-abusu delituak leporatuta, astean hiru aldiz agerraldia beharko du data horretatik aurrera. Netanyahu Israelen historian jardunean dagoela epaitzen duten lehen gobernuburua da.
EBk negoziazioetan Ukrainak duen papera aldarrikatu du eta Errusia ohartarazi du, Hungariak sinatu ez duen mezu batean
"Ukrainako herritarrek beren etorkizuna erabakitzeko askatasuna izan behar dute. Ukrainako bake-bidea ezin da Ukraina gabe erabaki", ohartarazi dute, eta su-etena ezinbestekoa dela edozein aurrerapauso egiteko.
Trumpek beste 90 egunez luzatu ditu Txinarako muga-zergak
Txinako Merkataritza Ministerioak baieztatu duenez, Trumpen agindu exekutiboa baino apur bat lehenago, AEBren "ahaleginak" espero zituen "berdintasunean, errespetuan eta elkarrekiko onuran oinarritutako emaitza positiboa" lortzeko.
Trumpek Armada zabalduko du Washingtonen, eta Poliziaren kontrola bereganatu du
Agintari errepublikanoak krimenengatik kontroletik kanpo dagoen hiriburu baten irudia marraztu du Etxe Zurian egindako agerraldian. Hilketak "munduko okerrenak" diren lekuetan, Bogotan eta Mexiko Hirian, esaterako, baino askoz gehiago direla adierazi du.
Duela 66 urte Antartikan desagertutako zientzialari baten gorpua aurkitu dute
Gorpuzkiak Dennis "Tink" Bell meteorologoarenak dira, 1959an pitzadura glaziar batera erori zen 25 urteko britainiar meteorologoarenak.