Trumpen kontrako kargu gehiago izateko gero eta zantzu gehiago
Gero eta hurbilago dirudi Trumpen aurkako hurrengo salaketa, AEBko Gobernuko txosten sekretuak erabiltzeagatik, Estatu Batuetako hainbat komunikabideren arabera. Horien esanetan, Jack Smith fiskal bereziaren taldeko fiskalek Trumpen abokatuei eman diete presidente ohiari buruz egindako ikerketa pertsonalaren berri. Hori da Trumpen aurka salaketa formala aurkeztu aurretik egin beharreko azken urratsa. Gogoratu behar da Trumpek 2024ko hauteskundeetara aurkezteko asmoa duela.
Mar-a-Lago (Palm Beach) Floridako bere erresidentzia pribatuan egindako erregistroan, FBIk, polizia federalak, 11.000 dokumentu konfiskatu zituen, horietariko asko dokumentu sekretu moduan sailkatutakoak. Trumpek Etxe Zuritik bere erresidentziara eraman zituen bere agintaldia amaitu zenean.
Legearen arabera, presidenteek Artxibo Nazionalean utzi behar dituzte dokumentuak beren agintaldia amaitzen denean. Gainera, araudi zehatzak daude txosten sekretuen erabilera arautzeko, eta sekretuei buruzko lege batean daude bilduta.
Azaroan, Merrick Garland fiskal nagusiak fiskal berezi izendatu zuen Jack Smith kasu hau ikertzeko. Kasu horrez gain, 2021eko urtarrilaren 6an Kapitolioaren aurkako erasoan Trumpek izandako erantzukizuna ere ari da ikertzen Smith.
Atzo New York Times egunkariak eta CNN kateak beste salaketa formal bat egitekoak zirela zabaldu eta gero, Trumpek honakoa erantzun zuen bere plataforma digitalaren bidez: erantzun zuen: "Inork ez dit esan salatua izango naizenik. Eta ez nuke izan behar, zeren ez baitut ezer oker egin".
Udaberrian epaituko dute aktore porno bati ezkutuan dirua emateagatik
Trump auzipetuko duten Estatu Batuetako lehen presidente ohia izango da. Martxoan, Manhattango fiskalak salaketa jarri zuen haren aurka, 2016ko hauteskunde-kanpainan Stormy Daniel aktore pornoari dirua emateagatik isilik egotearen truke. Harrigarria bada ere, horren berri zabaldu zenean, Trumpen ospeak gora egin zuen inkestetan.
Udaberrian, merkataritza dokumentuak faltsutzeagatik ere epaituko dute. Hori guztia gertatuko da Alderdi Errepublikanoan 2024ko presidetenterako hauteskundeetarako hautagaia aukeratzeko hauteskunde primarioak egiten ari diren bitartean.
Albiste gehiago mundua
Trumpek eta Zelenskik Putinekin hiru aldeko bilera egitea babestu dute, bake akordioa ixteko
"Dena ondo ateratzen bada, hiru aldeko bilera bat izango dugula uste dut, eta horrekin gerra amaitzeko zentzuzko aukera egongo dela pentsatzen dut", azpimarratu du Trumpek Zelenskiren aurrean. Horrela, Zelenskik esan du Ukraina "prest" dagoela hiru aldeko bilera bat egiteko. "Uste dut erakutsi dugula jende indartsua garela eta AEBk eta Trump presidenteak berak gerra gelditzeko duen ideia babesten dugula", adierazi du.
Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Trumpek Zelenski jaso du Ukrainan bakea bilatzeko bilera erabakigarria baino lehen
Volodimir Zelenski AEBra bidaiatu duten Europako buruzagi batzuekin bildu da Etxe Zurian, Donald Trump AEBko presidentearekin elkartu aurretik.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.
Israelgo bahituen senideek borroka areagotu dute grebekin eta manifestazioekin
Milaka pertsonak hainbat autobide blokeatu dituzte bart Israelen, Bahituen eta Desagertuen Familien Foroak deitutako greba egunean. Manifestariek "su-eten akordio bat" eskatu dute, "Gazan bahitutakoak askatu eta gerrari amaiera emateko". Protestaren parte gisa, Israel eta Palestinaren arteko mugan kanpaldi bat egingo dutela iragarri dute senideek.