Nazioarteko Zigor Auzitegiko fiskalak ohartarazi du bere kontrako "mehatxuak" "delitu" direla
Nazioarteko Zigor Auzitegiko fiskal Karim Khanek ohartarazi du azkenaldian bertako langileek jasan dituzten "mehatxu" eta "errepresaliak" haien lanaren "burujabetasuna eta inpartzialitatea" lausotzen dutela, eta justizia administrazioaren aurkako delitu izan daitezkeela.
Ohar batean, fiskalak exijitu du "berehala bukatzea Zigor Auzitegiko beharginen kontrako erasoak", eta jakinarazi auzitegia mehatxatzea delitu dela, Erromako Estatutuaren 70. artikuluak jasotzen duenez.
Khanek ziurtatu du, halaber, bere taldearen lana dela premia duten guztiekin hitz egitea, baldin eta elkarrizketak bere agintearekin koherenteak badira", Estatutuari jarraikiz, "inpartzialtasunez" aritzea baita haien beharra.
"Nolanahi ere, inpartzialtasun hori zulatu egiten da mehatxuak jasotzen ditugunean, alegia, abian ditugun ikerketen edo auzien gaineko erabakiak beste batzuek hartzen dituztenean", erantsi du, herrialde jakin bati aipamenik egin gabe.
EBk Auzitegiaren burujabetasuna defendatu du
Horren aurrean, auzitegi horren burujabetasuna defendatu du Europako Batzordeak. "EBk babesa eman nahi dio. Auzitegiaren eta bertako langileen aurkako mehatxuak onartezinak dira", esan du Atzerri Gaietako Zerbitzuko bozeramaile Peter Stanok X sare sozialaren bidez.
Zure interesekoa izan daiteke
Epsteinen paperetan jasotakoak gizateriaren kontrako krimentzat har daitezkeela esan du NBEk
Inpunitate osoz aritzen zen enpresa kriminal baten aurrean gaudela diote kasua aztertu duten errelatoreek. Sexu-esklabotza, bortxazko desagertzea, tortura edota feminizidioa bezalako delituak egon direla erakusten duten gertakariak daudela ziurtatu dute.
Nola gauzatuko du Israelek Zisjordaniako lurren erregistroa?
Jerusalem ekialdean prozesu bera hasi zenetik, eraginpeko lurren % 1 baino ez da palestinarren izenean erregistratu.
Rubioren hitzetan, AEBk ez du Europa basailu izatea nahi, "aliatu sendo bat" baizik
Bestalde, Atzerri eta Segurtasun gaietako europar idazkari nagusi Kaja Kallasek azken hilabeteotan Trumpen Gobernuak egindako kritikei erantzun die. "Batzuek aurkakoa badiote ere, Europa eroria ez da hiltzen ari den zibilizazio bat", esan du, eta gaineratu du gero eta jende gehiagok batu nahi duela "Europaren klubera".
Ultraeskuinaren gertuko gazte bat kolpeka hil izanak politika giroa nahasi du Frantzian
23 urteko matematikako ikasle katolikoa zen Quentin, eta larunbatean zendu zen, jasotako kolpeen ondorioz eta bi egun koman eman ostean. Lyongo Fiskaltza gertakari horren nondik norakoak ikertzen ari da.
Israelek Zisjordaniako eremu zabalak Estatuaren zati gisa erregistratu ditu, 1967tik lehen aldiz
Palestinako Aginte Nazionalak salatu duenez, Palestinako lurralde gehiena 'de facto' anexionatu du.
Alemaniak, Frantziak, Erresuma Batuak, Suediak eta Herbehereek Navalni oposizioko burua toxina batekin hiltzea leporatu diote Errusiari
Pozoia, jatorriz Ekuadorko igel batek ekoizten duena, ez dago "modu naturalean" Errusian. Von der Leyenek estatu errusiarraren jokabide "terrorista" salatu du.
Rubiok AEBen eta Europaren arteko harremanak hurbildu nahi ditu baina kontinente zaharrak independentzia sustatu nahi du
Marco Rubio AEBetako Estatu idazkariak Europarekiko harremanak goraipatu ditu larunbat honetan Municheko Segurtasun Konferentzian, eta arindu egin du herrialdeko presidenteorde J.D. Vancek duela urtebete emandako hitzaldi gogorraren tonua.
Zelenskik esan du Ukraina erdibitzeak ez duela benetako bakerik ekarriko
AEBk bultzatzen dituen bake-negoziazioek arrakasta izan dezaten ahal duen guztia egiteko prest agertu da Ukrainako presidentea, baita hauteskundeak berehala deitzeko ere, bi hilabeteko su-etena bermatzen bada.
Europa indartzeko eta AEBrekiko harremana bideratzeko deia egin du Merzek, potentzia handien garaian
Alemaniako kantzilerrak europarren aldeko deia egin du Municheko Segurtasun Konferentziaren (MSC) irekiera ekitaldian. 120 herrialdetako 200 estatuburu, gobernuburu eta ministro biltzen ditu hitzordu garrantzitsu horrek.
Bake Batzordeak ez du NBEko Segurtasun Kontseiluaren ebazpena islatzen, Kallasen ustez
Europar Batasunak Kanpo Politikarako duen goi-ordezkariak ohartarazi du NBEko Segurtasun Kontseiluak ez duela behar bezala funtzionatzen "legearen gainetik dauden herrialdeak daudelako".