NBEko Segurtasun Kontseiluak premiazko bilera egingo du gaur, Israelek Somalilandia aitortu duela eta
Somaliak Tel Aviven aitortza "legez kanpoko erasoa" eta "Nazioarteko Zuzenbidearen aurkakoa" dela salatu du. Bestalde, Somalilandiak azpimarratu duenez, ez ditu Gazatik kanporatutako palestinarrak jasoko.
NBEko Segurtasun Kontseiluak urgentziazko bilera egingo du gaur, Israelek Somalilandia estatu gisa aitortu eta gero.
Danny Danon Israelek NBEn duen ordezkariak adierazi duenez, Tel Avivek ez die "eztabaida politikoei iskin egingo", eta "Israelek arduraz eta diskrezioz jokatzen jarraituko du, eskualdeen egonkortasunari laguntzen dioten kideekin lankidetza indartzeko".
Urtarrilaren 1ean Somaliak bere gain hartuko du Segurtasun Kontseiluaren hilabeteko txandakako Presidentetza. Horren ildotik, Hasan Sheij Mohamud Somaliako presidenteak Israelen jarrera salatu du. Horren esanetan, aitortza "legez kanpoko erasoa" eta "Nazioarteko Zuzenbidearen aurkakoa" da.
Somaliako buruzagiak hartu-emanak izan ditu Afrikako hainbat kiderekin, hala nola Djibutiko, Kenyako, Ugandako eta Tanzaniako presidenteekin eta Qatarko emirrarekin. Denek adierazi diote babesa, eta Israelen jarrera salatu dute.
Ekialde Hurbileko eta Afrikako 20 bat herrialde —Jordania, Iran, Irak, Libia, Nigeria eta Turkia, esaterako— Somaliarekin lerratu dira, aitortzak bakeari eta segurtasunari mesede egingo ez diola argudiatuta. "Ondorio larriak eduki ditzakeen aurrekaririk gabeko erabakia da", nabarmendu dute. Ildo beretik, Europar Batasunak Somaliaren batasuna, subiranotasuna eta lurralde-osotasuna "errespetatu" egiten dituela azpimarratu du.
Taiwan izan da salbuespena, Israelek hartutako erabakia txalotu baitu. Taiwango Kanpo Arazoetarako Ministerioak azaldu duenez, "Taiwan, Israel eta Somalilandia askatasun eta zuzenbide estatu balio berdinak dituzten kide demokratikoak dira".
Somalilandiak esan du ez dituela Gazatik kanporatutako palestinarrak jasoko
Bestalde, Somalilandiako Gobernuaren hitzetan, Israelek bere subiranotasuna aitortzeak ez du esan nahi Gazatik kanporatutako palestinarrak jasoko dituztenik. Hori da, hain justu, Hamasek atzo salatu zuena: Israelek Gazako herritarrak bertara eramateko egitasmoa zuela. Abdirahman Dahir Somalilandiako Atzerri ministroak KAN telebista kate israeldarrari eskainitako elkarrizketa batean adierazi duenez, "ez dugu inoiz negoziatu Gazatik kanporatutako jendea gurean hartzea. Hori esatea gezurra da, eta nahasmena sor dezake".
Zure interesekoa izan daiteke
Epsteinen paperetan jasotakoak gizateriaren kontrako krimentzat har daitezkeela esan du NBEk
Inpunitate osoz aritzen zen enpresa kriminal baten aurrean gaudela diote kasua aztertu duten errelatoreek. Sexu-esklabotza, bortxazko desagertzea, tortura edota feminizidioa bezalako delituak egon direla erakusten duten gertakariak daudela ziurtatu dute.
Nola gauzatuko du Israelek Zisjordaniako lurren erregistroa?
Jerusalem ekialdean prozesu bera hasi zenetik, eraginpeko lurren % 1 baino ez da palestinarren izenean erregistratu.
Rubioren hitzetan, AEBk ez du Europa basailu izatea nahi, "aliatu sendo bat" baizik
Bestalde, Atzerri eta Segurtasun gaietako europar idazkari nagusi Kaja Kallasek azken hilabeteotan Trumpen Gobernuak egindako kritikei erantzun die. "Batzuek aurkakoa badiote ere, Europa eroria ez da hiltzen ari den zibilizazio bat", esan du, eta gaineratu du gero eta jende gehiagok batu nahi duela "Europaren klubera".
Ultraeskuinaren gertuko gazte bat kolpeka hil izanak politika giroa nahasi du Frantzian
23 urteko matematikako ikasle katolikoa zen Quentin, eta larunbatean zendu zen, jasotako kolpeen ondorioz eta bi egun koman eman ostean. Lyongo Fiskaltza gertakari horren nondik norakoak ikertzen ari da.
Israelek Zisjordaniako eremu zabalak Estatuaren zati gisa erregistratu ditu, 1967tik lehen aldiz
Palestinako Aginte Nazionalak salatu duenez, Palestinako lurralde gehiena 'de facto' anexionatu du.
Alemaniak, Frantziak, Erresuma Batuak, Suediak eta Herbehereek Navalni oposizioko burua toxina batekin hiltzea leporatu diote Errusiari
Pozoia, jatorriz Ekuadorko igel batek ekoizten duena, ez dago "modu naturalean" Errusian. Von der Leyenek estatu errusiarraren jokabide "terrorista" salatu du.
Rubiok AEBen eta Europaren arteko harremanak hurbildu nahi ditu baina kontinente zaharrak independentzia sustatu nahi du
Marco Rubio AEBetako Estatu idazkariak Europarekiko harremanak goraipatu ditu larunbat honetan Municheko Segurtasun Konferentzian, eta arindu egin du herrialdeko presidenteorde J.D. Vancek duela urtebete emandako hitzaldi gogorraren tonua.
Zelenskik esan du Ukraina erdibitzeak ez duela benetako bakerik ekarriko
AEBk bultzatzen dituen bake-negoziazioek arrakasta izan dezaten ahal duen guztia egiteko prest agertu da Ukrainako presidentea, baita hauteskundeak berehala deitzeko ere, bi hilabeteko su-etena bermatzen bada.
Europa indartzeko eta AEBrekiko harremana bideratzeko deia egin du Merzek, potentzia handien garaian
Alemaniako kantzilerrak europarren aldeko deia egin du Municheko Segurtasun Konferentziaren (MSC) irekiera ekitaldian. 120 herrialdetako 200 estatuburu, gobernuburu eta ministro biltzen ditu hitzordu garrantzitsu horrek.
Bake Batzordeak ez du NBEko Segurtasun Kontseiluaren ebazpena islatzen, Kallasen ustez
Europar Batasunak Kanpo Politikarako duen goi-ordezkariak ohartarazi du NBEko Segurtasun Kontseiluak ez duela behar bezala funtzionatzen "legearen gainetik dauden herrialdeak daudelako".