Brentaren prezioa % 13 baino gehiago jaitsi da, eta Ibex indizea % 3 baino gehiago igo, AEBren eta Iranen arteko su-etenaren ondotik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.
AEBk eta Iranek bi asteko su-etena adostu dute, Ormuzko itsasartearen irekiera bermatu ostean
Trumpek Irani ezarritako ultimatuma amaitu baino ordu eta erdi lehenago iragarri dute su-etena. Aldeek erasoak etengo dituzte eta Iranek Ormuzko itsasartea irekitzeko konpromisoa hartu du.
Ospakizunak Iranen, su-etena iragarri ondoren. Argazkia: EFE
Israelek su-etena onartu du, baina Libano akordiotik kanpo dagoela esan du
AEBk eta Iranek bake negoziazioak abiatuko dituzte ostiral honetan Islamabaden (Pakistan)
09:14
Antonio Guterresek akordioa txalotu du eta su-etena errespetatzea eskatu die aldeei
Antonio Guterres NBEko idazkari nagusiak AEBren eta Iranen arteko su-eten akordioa txalotu du eta bi aldeei eskatu die adostutakoa errespetatzeko, balizko bake iraunkorra lortzeko bidean. Horrela adierazi du NBEko idazkari nagusi Antonio Guterresen bozeramaileak, ohar batean.
08:58
Wall Streetek 2 puntu egin du gora eta Asiako burtsek irabaziak izan dituzte
AEBk eta Iranek bi asteko su-eten akordioa iragarri ondotik, Wall Streetek bi puntu egin du gora. Ildo beretik, Asiako burtsa nagusiek irabazi handiak izan dituzte albistearen berri izan ostean. Japoniako Nikkei indizeak % 5,3 gora egin du eta Hong Kongeko burtsak, berriz, % 3 baino gehiago.
Ameriketako Estatu Batuetan, Dow Jones indizea % 2,3 igo da eta Nasdaq indizea, berriz, % 3,2.
08:44
Gas naturalaren prezioa % 19 jaitsi da, 42,8 euroraino
Gas naturalaren megawatt ordua (MWh) 42,8 euroraino jaitsi da TTF Europako erreferentziazko merkatuan, AEBk eta Iranek bi asterako su-etena adostu ondoren.
08:22
Brent upelaren prezioa % 12 baino gehiago jaitsi da, 95 dolarreraino
AEBk eta Iranek bi asteko su-etena adostu eta ordu gutxira, Brent petrolio upelaren prezioa % 12 baino gehiago jaitsi da, 95 dolarreraino.
08:15
AEBk eta Iranek bake negoziazioak abiatuko dituzte ostiralean Islamabaden
Apirilaren 10ean bake negoziazioak abiatuko dituzte Islamabad hirian (Pakistan), Pakistan bitartekari dela.
07:54
Israelek su-etena onartu du, baina Libano akordiotik kanpo dagoela esan du
AEBk eta Iranek iragarritako bi asteko su-etena onartu du Israelgo Gobernuak, baina Libano akordiotik kanpo dagoela esan du.
07:25
AEBk eta Iranek bi asteko su-etena adostu dute
Bi astez erasoak etengo dituzte eta Iranek Ormuzko itsasartea irekitzeko konpromisoa hartu du. Trumpek Irani ezarritako ultimatuma amaitu baino ordu eta erdi lehenago iragarri dute akordioa.
