Felipe Juan Froilan zauritu egin da, oin batean tiroa hartuta
Errege-erreginen biloba zaharrena eta Elena infantaren eta Jaime de Marichalarren semea, Felipe Juan Froilan (13 urte), Madrileko Quiron klinikara eraman zuten atzo eskuineko oinean 36 kalibreko eskopeta batekin nahigabe tiroa hartu ostean. Elena infanta Felipe Juan Froilanekin izan da ospitalean. Froilanek ospitalean jarraituko du eta oinean egin behar zaizkion sendaketak egiteko, Erregearen Etxeak adierazi duenez.
Felipe Juan Froilan eta Victoria Federica arreba aitaren familiak Sorian duen etxean izan dira Aste Santuan. Elena infantaren eta Jaime de Marichalarren semea aitarekin tiro-ariketak egiten ari zen eta eskopetarekin nahigabe oinean tiroa hartu zuen.
Soriako Santa Barbara ospitalean zauriak sendatu ondoren, errege-erreginen biloba zaharrena Madrileko Quiron Klinikara eraman zuten zauriaren "garbiketa kirurgikoa" egiteko.
Sofia erregina gaur goizean joan da biloba bisitatzera. Maria Zurita, Elena infantaren lehengusina, ere, Quiron klinikan izan da.
Zure interesekoa izan daiteke
EHUko zientzialariek dekagono itxurako egitura erraldoi bat aurkitu dute Saturnoren hodeietan
Nafarroak bere maparik zehatzena estreinatu du
Bueltan da "El Conquistador" saioa, Julian Iantzik, Patxi Alonsok eta Lur Errekondok aurkeztuta
Lehendakariak IBMren superordenagailu kuantikoa inauguratu du Donostian: "Ezkutuan dauden itsasoak aurkitzen lagunduko du"
Albiste izango dira: Ordenagailu kuantikoa Donostian, Gazarako bake akordioa eta ikerketa batzordea Nafarroako Parlamentuan
