Salut i circ, Rogelio Rivel Zirku Eskolako ikasleen esperientzia
Egileak: Aketz Zubia, Maialen Odriozola, Eider Madina, Alazne Salcedo, Iñaki Urreizti, Maialen Unanue, Cècile Andrzejewski
Iraupena: 04:42
Formatua: HD 16:9
Bartzelonako periferian dago Rogelio Rivel Zirku Eskola Nou Barris auzoan. 16-25 urte bitarteko ikasleei zuzendutako heziketa ziklo profesionalak eskaintzen dituzte.
Akrobaziak tranpolineko saltoak eta trapezioak irakasten dizkiete eskolako goi mailako heziketan, baina baita interpretazio teknikak ere, antzerkia edota dantza klasikoa, esaterako.
Bi urteko goi mailako heziketaz gain, kurtso motzagoak ere eskaintzen ditu zentroak. Zirkuko profesionalen formazio proiektu honetan, prestakuntza artistiko eta teknikoek ere lehentasunezko lekua dute.
Lehenengo eta bigarren ikasturteen artean, 40 ikasle dabiltza guztira. Egunero zazpi-zortzi ordu entrenatzen dituzte. Askotan asteburuan deskantsatzeko astirik ere ez dute izaten, beste herri batzuetan jaialdiak izaten baitituzte.
Eskuak zauri eta urraduraz beteak dituzte. Sarritan gorputza minduta dutela amaitzen dituzte entrenamenduak. Baina ez dute ilusioa galtzen. Zirko gizon-emakume izan nahi dute, eta euren ametsa mamitzeko prestatzen ari dira.
Zer da Bartzelona Kulturlab 2012?
Kulturlab multimedia proiektu pedagogikoa da, eta 2010ean hasi zen Berlinen. 2011n Bilbo hiria erreportajegai izan ondoren, aurten Bartzelonan bizi izan du hirugarren edizioa .
Bartzelona Kulturlab 2012k 65 ikasle bildu ditu Bartzelonan multimedia produkzioan maiatzaren 20tik 25era : Bordeleko Unibertsitateko Kazetaritza Institutuko masterrekoak, Bartzelonako Ramón Llull Unibertsitateko Erreportajegintza Masterrekoak eta Multimedia Komunikazioa UPV/EHU-EITB masterreko ikasleak ere.
Multimedia Komunikazioa UPV/EHU-EITB masterreko ikasleak udaberri hasieratik aritu dira multimedia produktuen planifikazio, diseinu, edizio eta banaketa lanetan eman behar diren urratsetan. Bartzelonan emandako astean ere, aukera bikaina izan dute multimedia produkzioa presiopean egiteko behar diren gaitasunetan aurrera egiteko, eta aukera hori ezin hobeto baliatu dute.
Aste biziak eta emankorrak izan dira, eta hemen biltzen da lan horren uzta. Erreportajeen istoriek egungo Bartzelonako kultura eta gizartearen zenbait alderdi hanpatzen dizkigute: Rogelio Rivel Zirku Eskolako ikasleen esperientzia eta ilusioa, emakumezko errugbiaren pasioaren gakoak eta Encant Vells merkatuaren murmurrak dira ikasle hauen begiradaren zenbait adibide.
Zure interesekoa izan daiteke
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
Ura Bere Bidean jaialdiak hirugarren emanaldi bat izango du urriaren 22an
Aurresalmentan urriaren 23ko eta 24ko emanaldietarako sarrerak agortu ondoren, antolatzaileek hirugarren bat gehitzea erabaki dute, urriaren 22an, osteguna. Besteak beste, Olaia Inziartek, Eñaut Elorrietak, Zea Maysek edota Pantxoa eta Peiok hartuko dute parte aurtengo edizioan.
Korrontzik BECen amaituko du nazioartean egingo duen 50 kontzertuko birari
BECeko kontzertua "Mundua Dantzan" biraren amaiera izango da. Hain zuzen ere, 50 kontzertuko bira izango da, eta, besteak beste, Malaysia, Kanada eta Txekia Errepublikara iritsiko da.
Iñaki Viñespre: "Egia esan, espero nuen besteak gainetik egotea, oso saio ona egin baitzuten bost bertsolariek"
Lehenengo aldiz prestatuko da Euskal Herriko txapelketarako, eta txapela urruti duela uste badu ere, ahalik eta lanik txukunena egiten saiatuko dela esan du Arabako txapeldunak.
Bengoetxeak "begirada aldaketa" eskatu dio Gobernuari, 'Guernica' Euskadira ekartzeko
Guernica Picassoren koadroa Euskadira lekualdatzeko aukerak teknikoki aztertzeko eskatu du Ibone Bengoetxea Eusko Jaurlaritzako lehen lehendakariorde eta Kultura eta Hizkuntza Politikako sailburuak "Egun on Euskadi" saioan egin dioten elkarrizketan.
Reina Sofiak baztertu egin du "Gernika"Euskadira ekartzea
Bonbardaketaren 90. urteurrena dela eta, Eusko Jaurlaritzak koadroa epe batez Euskadira ekartzeko eskatu ondoren, Reina Sofiak txosten tekniko bat argitaratu du, margolanaren egoeraren azterketa sakon batekin. Horren arabera, "ez da inolaz ere gomendatzen hura lekualdatzea".
Oteiza eta Basterretxea, elkarrekin, “Espazioaren arazoa” erakusketan
Oteiza Museoak Nestor Basterretxearen eta Jorge Oteizaren arteko harremana aztertzea proposatzen du erakusketa berri batean; biek partekatutako tokiak, proiektuak eta gertakariak aintzat hartuz. 80 obraz, filmaz, jatorrizko material dokumentalez eta argazkiz osaturiko multzo zabal baten bidez, bi sortzaileen ibilbide bateratua erakusten du. Martxoaren 26tik abuztuaren 30era egongo da ikusgai.
Euskarazko lau serie labur, pantailara bidean EITBk bultzatuta
Amarekin goxo goxo, Aloka(h)iru eta Izaki pixka bat gardenak filmatzen ari dira, eta apirilean hasiko dira Estu filmatzen. Primeranen estreinatuko dira, udazkenetik aurrera.
?fmt=webp-alpha&qlt=80)
Lucia Lacarrak Adimen Artifizialari buruzko ikuskizuna estreinatuko du Bilbon
Zumaiar dantzari eta koreografoaren konpainiak “A.I. (Amalur Indarra)” oholtzaratuko du, Arriaga Antzokian, ostiral, larunbat eta igandean. Ikuskizunak, Juanjo Arqués eta Matthew Goldingen koreografiak, laserra erabiliz egindako eszenaratze harrigarria eta Bardean filmatutako filma uztartzen ditu.
Iñarrituren "Carne y arena", mugan hara-hona
“Carne y arena” EITBren Bilboko egoitzan ekainaren 20ra arte bisitagai dagoen murgiltze instalazioan, Alejandro Gonzalez Iñarritu mexikar zinemagileak bultza egiten dio bisitariari besteen zapatetan sartzeko, une batez ezdeusei bidean lagundu eta mugan hara-hona ibiltzeko, errealitatetik fikziora, haragitik pixelera, hareatik zulora eta gizatasunetik ankerkeriara.