Ikus-entzunezkoen euskal sektorea zinema akademia propio bat eratzeko aukera lantzen hasi da
Sektoreak aitortu du apirilaren 23rako dutela hitzordua jarrita, gogoeta prozesuari ekiteko. Nolanahi ere, "topaketa itxia eta erabat profesionala" izango dela argi utzi dute, eta horregatik, prozesua "errespetatzeko" eskatu diete komunikabideei. "Kanpoko dinamikek" ekimena "baldintzatzea" saihestu nahi dute.
Paul Urkijo zuzendaria, Gaua filmaren grabaketan. Artxiboko irudia.
Euskal ikus-entzunezkoen sektoreak onartu du zinema akademia bat eratzeko aukera lantzen ari direla, eta horretarako, gogoeta prozesu bat jarriko dutela abian. Sektoreko adituen artean "elkarrizketa irekia eta zintzoa" abiatu nahi dute, "etorkizunean zinema-akademia bat modu kolektiboan eraikitzeko aukerari buruz". Hitzordua jarria dute: apirilaren 23an elkartuko dira, barne-lanketa egiteko, eta topaketa "itxia eta erabat profesionala" izango da. Oraingoz, ez dago "eratutako akademiarik, ezta formalki definitutako proiekturik ere".
Gaiaren inguruan zenbait komunikabidek zabaldutako informazioen aurrean, argibideok eman dituzte gaur euskal ikus-entzunezkoen sektoreko ordezkariek, ohar batean. Aitortu dute akademia propio bat sortzeko aukera mahai gainean dutela, baina zehaztu dute bidearen "hasieran" daudela oraindik. Ez dago ezer zehaztuta, bai ordea "elkartzeko, elkar entzuteko, sentsibilitateak kontrastatzeko eta bide hau abiatu behar den baloratzeko borondate partekatua".
Argi utzi nahi izan dute diskrezioz egin nahi dutela bidea, eta "funtsezkotzat" jotzen dute hausnarketa "kanpoko esku-hartzerik gabe" egitea, "konfiantzazko eta askatasunezko" gune batean. "Hasierako fase honi dagokiona". Hori dela eta, hedabideek eskatu diete "denborak eta jardunaldi pribatuak direla errespetatzeko". Uste dute lehen urratsak "babestea" beharrezkoa dela, kanpoko dinamikek prozesuaren garapena "baldintzatu" dezaketelako.
Sektorea jakitun da ekimenak "sor dezakeen interes publikoaz", eta agindu du hilaren 23ko topaketak egin ondoren, bertan landutako eta hartutako erabakiak partekatuko dituela.
Zure interesekoa izan daiteke
Mikel Gurrea, Koldo Almandoz eta David Perez Sañudoren film berrienak Zinemaldiko Sail Ofizialean izango dira
“Sants” Mikel Gurrearen filma Urrezko Maskorrerako lehian arituko da Donostiako zinema jaialdian, eta “Azken agurra” Almandozena eta “Sacamantecas” Perez Sañudorena, biak ere euskarakoak, lehiatik kanpo ikusiko dira. Zinemaldiak 74. edizioan pantailaratuko dituen hainbat euskal film aurkeztu ditu, Madrilen.
Oliver Laxe, Tabakaleran, "HU, egin dantza inor begira ez balego bezala" proposamenarekin
Sirāt eta O que arde filmen zuzendariak aurkeztu du, Donostiako zentroan, urriaren 12ra arte ikusgai egongo den erakusketa. Jatorriz Reina Sofía Museorako sortua, instalazioak artistaren azken hamar urteetako filmazioak ditu abiapuntu, Sirāt film sarituaren unibertso bisualarekin lotura dutenak.
Ontziratu al ziren Fuchs anaiak "Winnipeg" barkuan?
Jakina fuchstarrak ez zirela itsasontziratu 2.500 iheslari Espainiako Gerraren osteko krudelkeriatik urrundu zituen Winnipeg barkuan.
Sam Neill zeelandaberritar aktorea zendu da
Jurassic Park sagan Alan Grant paleontologoarena egin zuen aktorea Pianoa eta Urri Gorriaren ehiza filmetan ere agertu zen.
?fmt=webp-alpha&qlt=80)
Samantha Hudson espainiar musikaria da Beldurrezko Astearen kartelaren protagonista
Donostiako zinema jaialdiaren kartelak Cinemasub Itsaspeko Zinemaren Nazioarteko Zikloa omendu du, horren 50. urteurrenean. Argazkiaren koordinazioaz Pedro Mambrú arduratu da, eta Javier Bermejo eta Chus Feijóo dira bere egileak.
Ez zinen zu, Lapulapuk hil zintuen zu, Ni inguratzen lehena
Magalhaes filmak Lope de Agirre, Fritzcarraldo, Hernan Cortés, Diego de Ibarra zein Pascual de Andoyagaren antzeko konkistatzaile, menderatzaile, esploratzaile, esplotatzaile, nabigatzaile iluminatuekin zerikusi franko izan zuen Porton jaiotako Fernão de Magalhãesen delirioa azaltzen du.
Brydie O’Connor zuzendariaren "Barbara Forever" dokumentala, 2026ko Zinegoak jaialdiko sari nagusiaren irabazlea
Lanak Barbara Hammer zinegile ezagunaren bizitza, obra eta ondarea aztertzen ditu bere artxiboko materialaren bidez. Aurtengo edizioko filmik nabarmenena izan da, hiru sari irabazi baititu.
"Dekoratua" filmak Paul Grimault saria irabazi du Annecyko zinema jaialdian
Uniko euskal ekoiztetxearen filmak animaziozko zinema jaialdiaren sari garrantzitsuenetan hirugarrena bereganatu du.
ZUZENEAN: Zinegoak jaialdiaren amaiera gala
Mikel Rueda “Boga” seriea zuzentzen ari da EITBrentzat
Sei ataleko seriea Mikel Santiagok eta Txemi Parrak sortu dute, eta Mikel Losada eta Iraia Elias ditu protagonista. Primeran EITBren plataforman egongo da ikusgai.