Velasco Broca arabar zinemagilea bere lehen film luzea filmatzen hasi da
"El futuro testamento" Madrilen, Burgosen, Bilbon, Comillasen, Errioxan eta Italian filmatuko da, Àlex Brendemühl, Mireia Oriol eta Ariadna Gil protagonista dituela.
Velasco Broca arabar zuzendariak (Amurrio, 1978) “El futuro testamento” bere lehen film luzea filmatzeari ekin dio. EITBren parte-hartzea duen filma 2026ko bigarren seihilekoan filmatuko dute, Madrilen, Burgosen, Bilbon, Comillasen, Errioxan eta Italian.
Àlex Brendemühl ('Akelarre'), Mireia Oriol ('Soy Nevenka') eta Ariadna Gil dira filmeko protagonistak, eta abiapuntu hau du kontatzen den istorioak: kantu arrakastatsu baten leloa bat-batean desagertuko da, jatorrizko grabaziotik eta disko guztietatik. Abestiaren konpositorea, 80ko hamarkadako kantautore bat, gaztelu batera joateko gonbita hartuko du, kantu berreskuratu nahi badu.
“El futuro testamento”ren egileen hitzetan, “fantasia, suspentsea, umore beltza, melodrama, okultismoa eta eskuz egindako zientzia fikzioa” gurutzatzen dira pelikulan. Estreina 2027ko bigarren erdialderako dago aurreikusita.
Piluca Baquero da “El futuro testamento”ren ekoizle exekutiboa, eta Cormac Regan, Iban del Campo, Aram Garriga, Sergio Adria, Giacomo Talamini, Katrin Kissa eta Georgina Terán ekoizle taldea. Gidoia Barbara Mingok, Hugo Castignanik eta Juanjo Ramírez Mascarók idatzi dute, eta lantalde teknikoan Aranzazu Calleja (musika) eta Ana Lambarri (casting) daude.
Zure interesekoa izan daiteke
Euskal zinemak irailaren 22an ospatuko du gala handia, Zinemaldian eta EITBren eskutik
Miren Gaztañaga eta Ane Gabarain aktoreek aurkeztuko dute Victoria Eugenia antzokian egingo den gala. Jose Ramon Soroiz aktoreak Zinemira Saria jasoko du, eta Alberto Gastesi gidoilari eta zuzendariak EITBren Egile Berriak saria. ETBk eta ETB ONek zuzenean eskainiko dute.
Zinemaldiak ordubete eskasean agortu ditu saio batzuetarako sarrerak
Dagoeneko agortu dira, besteak beste, Sacamantecas eta La bola negra filmak ikusteko sarrera guztiak.
Hasi da Zinemaldiko sarreren salmenta
09:00etan zabaldu da online zein leihatiletan sarrerak erosteko aukera. Sarrerak modu mailakatuan salduko dituzte; horrela, gaur lehen hiru egunetarako sarrerak soilik jarri dituzte eskuragarri.
Hau da “Azken agurra” filmaren kartela
Koldo Almandozen film berria Donostiako Zinemaldiko Sail Ofizialean estreinatuko dute, lehiatik kanpo. EITBren partea hartzea du Koldo Almandozen hirugarren film luzeak, “dramedia existentzialista” honek.
'Naza', Veneziako Mostra hunkituta utzi duen Gazako sarraskiari buruzko dokumentala
Gazako sarraskia salatzen duen dokumentalak ikus-entzuleak hunkituta utzi ditu ostegun honetan Veneziako Nazioarteko Zinemaldian. Yuval Abraham eta Rachel Szor israeldarrek zuzendutako filmak agente israeldarren testigantzak biltzen ditu, Palestina suntsitzeko eta palestinarrak erailtzeko jarraitutako estrategia militar eta teknologikoaren inguruan. Filma aurtengo Donostiako Zinemaldian izango da ikusgai, Perlak sailaren barruan.
Patricia López Arnaizek Gure Zinema saria jasoko du Zinemaldian
Arabar aktoreak euskal zinema eragileen plataformaren saria jasoko du irailaren 19an Donostian, "azken urteotan aktore nabarmenen artean kokatu duen ibilbideari esker".
"Salitre" pelikularen trailerra
Norma Vila bilbotarraren lehen film luzea, "amatasunaren alde ilunerako bidaia intimo eta sentsoriala", Sitgeseko zinema jaialdian estreinatuko da, urrian. EITBren parte hartzea duen thriller psikologikoaren protagonistak Haizea Carneros eta Nagore Aranburu dira.
Orlando Bloom, Marion Cotillard eta Jeremy Irons Zinemaldian izango dira
Werner Herzog eta Naomi Watts Donostia sariaren hartzekodunez gain, besteak beste, Brad Pitt, Noemie Merlant, Martin McDonagh, Cristian Mungiu, Pawel Pawlikowski eta Ira Sachs, epaimahai ofizialaren burua, iritsiko dira Donostiara.
“Salitre": habia hutsaren sindromea aztertzen duen thriller psikologikoaren lehen irudiak
Norma Vilak zuzendu eta Nagore Aranburu eta Haizea Carneros protagonista dituen Salitre euskal filma thriller psikologiko bat da, "begirada femenino, garaikide eta desmitifikatzaile batetik" habia hutsaren sindromea eta galeraren aurreko beldurra aztertzen dituena. Filmak EITBren parte hartzea du.
“Salitre” eta “Las hijas” euskal filmak Sitgesko zinema jaialdiko Sail Ofizialean lehiatuko dira
Norma Vila bilbotarraren lehen film luzea eta Daniel Romero zuzendariak eta Asier Guerricaechevarriak idatziriko thriller psikologikoa, Yune Nogueiras protagonista duena, fantasiazko zinemaren Kataluniako udalerriko jaialdian estreinatuko dira.