Euskal Herriko zinema-areto komertzialetako emanaldien % 2,25 izan ziren euskaraz 2025ean
Pantailak Euskaraz ekimenak eta Hizkuntza Eskubideen Behatokiak iaz euskal aretoetan egindako proiekzioak aztertu dituzte, eta datu “gordin bezain kezkagarriak” aurkeztu.
2025ean Euskal Herrian estreinatu ziren film guztien % 2 bakarrik ikusi ahal izan ziren euskaraz jatorrizko bertsioan edo euskaraz bikoiztuta zinema-areto komertzialetan, Pantailak Euskaraz ikus-entzunezkoen plataformak gaur Hizkuntz Eskubideen Behatokiarekin batera aurkeztu duen ikerlanaren arabera.
Txosten horretan batutako datuen arabera, 1.100 film estreinatu ziren iaz Euskal Herrian, zernonikusi.eus, cultura.gob.es, ezae.eus eta cnc.fr webguneetatik zein Gara egunkariko zinema programaziotik atera dituzten datuetatik jaso dutenez; horietatik hiru estreinatu dira euskaraz Ipar Euskal Herrian (Faisaien irla, Jone batzuetan eta Karmele), eta 22, Hego Euskal Herrian: hiru horiek, Maspalomas, Gaua eta Aro berria fikziozko lanak, Lurdes Iriondo, ez gera alferrik pasako eta Popel dokumentalak, Heidi, katamotzaren erreskatea, Hartz-atzapar kanpamentua eta Barrakudaren altxorra film luze bikoiztuak eta Eusko Jaurlaritzaren Zinema Euskaraz programak bikoiztutako haurrentzako 11 filmak.
Emanaldi kopuruari dagokionez, txostenaren arabera, Euskal Herrian 2025ean zinema komertzialetan 200.000 emanaldi baino gehiago izan ziren, eta 4.480 emanaldi izan ziren euskaraz, emanaldi guztien % 2,25, alegia.
Euskarazko 22 film estreinatu dira, inoiz baino gehiago
Agerraldian azaldu dutenez, euskarazko zinema ekoizteko aurrekontuan igoera handia egon da Eusko Jaurlaritzaren dirulaguntzetan, eta horrek "eragin positiboa" izan du aretoetara iritsi den ekoizpen kopuruan, inoizko handiena izan baita.
"Halere, euskarazko kopurua, urtero zinemetan estreinatzen diren filma guztiekin alderatuta, oso txikia da, eta horrek herritar asko halabeharrez zinema erdaraz kontsumitzera bultzatzen ditu oraindik ere", adierazi dute.
Horregatik, euskarazko filmak egin eta erdarazkoak bikoizketarako baliabide ekonomikoak eta hizkuntza politika aurrerakoiak indartu beharra dagoela uste dute Pantailak Euskaraz plataformak eta Hizkuntz Eskubideen Behatokiak.
Zure interesekoa izan daiteke
Manolo Solo espainiar aktorea hil da
Andaluziar aktoreak, "Cerrar los ojos" eta "Una quinta portuguesa" flimen protagonistak, 62 urte zituen.
?fmt=webp-alpha&qlt=80)
Hamalau zinemagilek beren lehen edo bigarren filmak aurkeztuko dituzte New Directorsen
Javier Giner barakaldar zuzendariak “Esta soledad” bere estreinako pelikula aurkeztuko du Zinemaldiaren atal honetan.
Eta sirenek kantu ez bazuten egin?!
Sirenen isiltasunaren kontra (edo alde) egin behar izan zuten borroka The Odissey filmaren musikaz arduratu zirenek, Suedian jaiotako Ludwig Göransson musikari hiru Oscar sariduna buru zela. Erabaki sendoak, ezin utzizkoak hartu zituzten. Lehengo eta kasik garrantzi handienetakoa: orkestrarik ez zen izango.
Urriaren 9an iritsiko da zinemetara “Inurri itsuak” Igor Legarretaren filma
Euskarazko pelikulak Ramiro Pinillaren eleberri bat du oinarri, eta antzeztaldea Urko Olazabal, Itziar Ituño, Josean Bengoetxea, Miren Gaztañaga eta Carlos Santosek osatzen dute.
Pablo Larrain, Mike Leigh eta Yesim Ustaoglu lehiatuko dira Donostiako Urrezko Maskorra lortzeko
Zinemagile horien film luze berriak Donostia Zinemaldiko Urrezko Maskorra lortzeko lehiatuko dira, Nicole Garcia, Maha Harada, Hans Petter Moland eta Benjamín Naishtaten azken lanekin batera.
Ione Hernandezen "Hermanas" filma Torontoko zinema jaialdian estreinatuko da
Pelikulak EITBren babesa du, eta Bizkaiko eta Madrilgo hainbat tokitan filmatu dute. Elena Anaya eta Emma Suarez aktoreak dira protagonistak.
Mikel Gurrea, Koldo Almandoz eta David Perez Sañudoren film berrienak Zinemaldiko Sail Ofizialean izango dira
“Sants” Mikel Gurrearen filma Urrezko Maskorrerako lehian arituko da Donostiako zinema jaialdian, eta “Azken agurra” Almandozena eta “Sacamantecas” Perez Sañudorena, biak ere euskarakoak, lehiatik kanpo ikusiko dira. Zinemaldiak 74. edizioan pantailaratuko dituen hainbat euskal film aurkeztu ditu, Madrilen.
Oliver Laxe, Tabakaleran, "HU, egin dantza inor begira ez balego bezala" proposamenarekin
Sirāt eta O que arde filmen zuzendariak aurkeztu du, Donostiako zentroan, urriaren 12ra arte ikusgai egongo den erakusketa. Jatorriz Reina Sofía Museorako sortua, instalazioak artistaren azken hamar urteetako filmazioak ditu abiapuntu, Sirāt film sarituaren unibertso bisualarekin lotura dutenak.
Ontziratu al ziren Fuchs anaiak "Winnipeg" barkuan?
Jakina fuchstarrak ez zirela itsasontziratu 2.500 iheslari Espainiako Gerraren osteko krudelkeriatik urrundu zituen Winnipeg barkuan.
Sam Neill zeelandaberritar aktorea zendu da
Jurassic Park sagan Alan Grant paleontologoarena egin zuen aktorea Pianoa eta Urri Gorriaren ehiza filmetan ere agertu zen.