Frank Gehry, Guggenheim Bilbao museoaren marrazkilaria
Frank Gehry arkitekto iparamerikarrak (Bilboko Guggenheim museoaren egilea, mundu osoan zehar dauden hainbat eraikinez gain) Artearen Asturiasko Printzearen Saria irabazi du.
Arkitektoa sei hamarkadatan aritu da lanean eta ibilbide bikaina du atzetik: materialei erabilera berria eman die eta eraikina bera artelan gisa hartu du arkitektoak.
Frank Owen Ghery Toronton (Kanadan) jaio zen 1929ko otsailaren 28an eta 15 urte zituenetik Los Angelesen (AEBetan) bizi da eta bertako hiritartasuna du horregatik.
Kaliforniako Hegoaldeko unibertsitatean egin zituen arkitektura ikasketak 1954an eta zerbitzu militarra egin ostean, hirigintza eta planifikazio ikasketak egin zituen Harvardeko Diseinu eskolan.
Los Angelesen Victor Gruenen estudioan hasi zen lanean, 1961an, ezkonduta zegoela eta bi alabarekin. Parisera joan zen, Andre Remonderren estudioan lan egiteko.
Frantzian Le Corbusierren lanak eta bertako arkitektoen lanak aztertu zituen. Bere lehen lanetan influentzia nabaria dute.
1962an Los Angelesera itzuli zen eta bere arkitektura bulego propioa ireki zuen. Horrela, bere estilo propioa sortzen hasi zen eta nazioarteko aitorpena hartzen hasi zen.
Estatu Batuetako korronte dekonstruktibistaren ordezkari nagusietako bat da. Bere ustez, "eraikin bat amaitzean, artelan baten moduan hartu behar da, eskultura bat bailitzan".
Material ezohikoak eta berritzaileak erabiltzen ditu. 1969 eta 1982 bitartean kartoizko altzariak sortu zituen, "Easy Edges" eta "Experimental Edges" izenpean.
80ko hamarkada erdialdean Arrain eta Suge lanparetan lanean aritu zen (Colorcore materialean egindakoak). 90ko hamarkada hasieran Ben Wood altzari bilduma egin zuen, astotzaren hariak ehunduz.
Arkitektura modernoaren 10 maisu handietako bat da eta dekonstruktibismoaren ordezkaria da.
Zure interesekoa izan daiteke
Bilbao BBK Live jaialdiak zinema proposatuko du otsailean
'2030 Bai!' izeneko zikloak “Maspalomas”, “La voz de Hind Rajab”, “Yo capitán”, eta “Belen” filmen proiekzioak egingo ditu, Bilboko BBK Salan. Sarrera doakoa izango da, eta solasaldiak izango dira emanaldiak bukatutakoan.
Gure! jaialdia: ikasgelatik oholtzara
Erandioko Tartanga Lanbide Heziketako Ikastetxe Integratuko Ikus-entzunezkoen eta Ikuskizunen Ekoizpeneko zikloko ikasleek antolatu eta kudeatzen duten jaialdiaren laugarren edizioa otsailaren 6 eta 7an egingo dute Bizkaiko udalerrian.
61 kultur jarduera izan ziren iaz eguneko, Araba, Bizkai eta Gipuzkoan
Kulturklik Eusko Jaurlaritzaren plataformak jasotako datuen arabera, Euskal Autonomia Erkidegoko kultur ekitaldien % 40 euskaraz izan ziren 2025ean, eta beste horrenbeste doakoak.
“Urrats kolektiboak” pastoralaren testua, zubereraz eta batuan
Barkoxeko herritarrek 2025eko uztailaren 27an eta abuztuaren 2an eta 10ean antzeztu zuten pastorala, eta Euskal Telebistak 2026ko Aste Santuan emitituko du. EITBko Euskara Zerbitzuan euskara batura ekarri dute testua.
Jacob Elordi 2026ko Oscar sarietarako izendatu dute, Gizonezko Antzeztaldeko Aktore Onenaren sailean
Sinners filmak markak hautsi ditu 16 izendapenekin eta Siratek Nazioarteko Film Onenaren izendapena jaso du. Emma Stone, Jessie Buckley, Rose Byrne, Timothee Chalamet, Leonardo DiCaprio eta Benicio del Toro izango dira izen nagusiak.
Atletico San Sebastian danborradak Jose Ramon Soroiz omendu du
Atletico San Sebastian danborradak bere kideetako bat omendu du, Jose Ramon Soroiz aktorea, hain zuzen, Donostiako Zinemaldiaren azken edizioan Zilarrezko Maskorra jaso zuena. Gaur arratsaldean hunkituta jaso du elkartearen saria, eta ahalik eta ondoen ospatu du: upelen eta danborren doinuekin bat eginez.
Labayruk bizkaieraren gramatika sareratu du
Mendebaldeko euskararen ezaugarri morfologiko, sintaktiko eta ortotipografikoak batu eta sailkatu ditu fundazioak, “euskara darabilen edo euskaraz idatzi nahi duen edonorentzat”.
Otsailaren 7an hasiko da Arabako Bertsolari Txapelketa, 18 bertsolarirekin
Martxoaren 28an jokatuko den finalerako sei txartelak eskuratzeko, bi fasetan lehiatuko dira bertsolari arabarrak, eta guztira bost saio eta finala izango dira.
Igandean hasiko dira aurtengo maskaradak, Irurin eta Ozazen
Urtarrilaren 18tik apirilaren 26ra, 15 saio egingo dituzte Zalgize, Mendikota, Ozaze eta Iruriko gazteek.
Indarkeria matxista "normalizatuta" dago ikus-entzunezkoen eta arte eszenikoen euskal sektoreetan
(H)emen Elkarteak eta EAB Euskal Aktoreen Batasunak bultzatutako ikerketa batek agerian uzten du ikus-entzunezkoen eta arte eszenikoen sektoreetan "indarkeria matxista ez dela kasu isolatuen emaitza, baizik eta sektorearen egiturarekin lotutako errealitate sistemikoa".