Aitor Mazo aktore bilbotarra hil da
Aitor Mazo euskal aktorea hil da ostegun honetan, senitartekoek EiTBri jakinarazi diotenez. Bilboko bere etxean hilda topatu dute 11:30 aldera, iturrion arabera.
Bilbon 1961ean jaioa, eskarmentu handiko aktorea zen Mazo, eta zineman, antzerkian zein telebistan ibilitakoa zen, bigarren mailako aktore gisa gehienetan.
Kameraren atzean ere jardun zuen Bypass (2012) eta Hodeiak Margotzeko Makina (2009) filmetan, lagun mina zuen Patxo Telleria aktorearekin batera.
Antzerkigintzan ibilbide oparoa egindakoa da Mazo. Patxo Telleriarekin eta Lander Iglesiasekin batera Txirene antzerki konpainia sortu zuen eta Torito Bravo eta Birus lanak taularatu dituzte, besteak beste.
Zinemak eta telebistak egin zuten ezagun 90ko hamarkadan. Pantaila txikian, Estatuko telebista kateetako "Querido Maestro" edo "Compañeros" telesailetan ikusi genuen. ETBko "Gernika bajo las bombas" miniserian ere aritu zen.
Zineman, Alex de la Iglesia, Julio Medem edo Emilio Martinez Lazaro zuzendaritzapean aritu zen. Azkenekoz, Pablo Maloren Lasa y Zabala eta Martinez Lazaroren Ocho apellidos vascos (2014) filmetan aritu zen.
Mazo ETBk Donostian dituen estudioetara joatekoa zen gaur, "Aitaren Etxea" telesaileko grabazioan parte hartzeko. Iruñeko Gayarre antzokiak, bestalde, bihar oholtzaratzekoa zen "La Calma Magica" antzezlana bertan behera utzi du. Duela oso gutxi "Zuek hor!!" saioan parte hartu zuen, gonbidatu gisa.
Jaurlaritza, "hunkituta"
Heriotzaren berri izan eta berehala zabaldu dira dolumin mezuak. Joxean Muñoz Kultura sailburuordea "hunkituta" agertu da, aktorearen heriotzaren aurrean, eta "gizon berezia" zela eta "herrialdearen kultur errealitatearekin eta lanbidearekin oso konprometituta" zegoela esan du.
Eusko Jaurlaritzaren izenean, Muñozek doluminak helarazi dizkio bilbotar aktoreari: "Antzerki, zinema eta euskal kulturarentzat, galera oso handia da. Haren fisikoa, ahotsa, antzezteko modua, nortasuna. Oso gizon berezia zen, presentzia eta nortasun handikoa. Bere pertsonaien bidez, arrastoa utzi zigun".
EiTBk ere "atsekabea" agertu du heriotza dela eta doluminak adierazi dizkie senideei eta hurbilekoei. Ohar batean, ETBren hainbat proiektutan "euskal aktore bikainak" egindako lanak gogorarazi ditu Euskal Irrati Telebistak eta laster grabatzen hastekotan den "Aitaren Etxea" udazkeneko telesail berrian parte hartu behar zuela nabarmendu du.
Zure interesekoa izan daiteke
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
Ura Bere Bidean jaialdiak hirugarren emanaldi bat izango du urriaren 22an
Aurresalmentan urriaren 23ko eta 24ko emanaldietarako sarrerak agortu ondoren, antolatzaileek hirugarren bat gehitzea erabaki dute, urriaren 22an, osteguna. Besteak beste, Olaia Inziartek, Eñaut Elorrietak, Zea Maysek edota Pantxoa eta Peiok hartuko dute parte aurtengo edizioan.
Korrontzik BECen amaituko du nazioartean egingo duen 50 kontzertuko birari
BECeko kontzertua "Mundua Dantzan" biraren amaiera izango da. Hain zuzen ere, 50 kontzertuko bira izango da, eta, besteak beste, Malaysia, Kanada eta Txekia Errepublikara iritsiko da.
Iñaki Viñespre: "Egia esan, espero nuen besteak gainetik egotea, oso saio ona egin baitzuten bost bertsolariek"
Lehenengo aldiz prestatuko da Euskal Herriko txapelketarako, eta txapela urruti duela uste badu ere, ahalik eta lanik txukunena egiten saiatuko dela esan du Arabako txapeldunak.
Bengoetxeak "begirada aldaketa" eskatu dio Gobernuari, 'Guernica' Euskadira ekartzeko
Guernica Picassoren koadroa Euskadira lekualdatzeko aukerak teknikoki aztertzeko eskatu du Ibone Bengoetxea Eusko Jaurlaritzako lehen lehendakariorde eta Kultura eta Hizkuntza Politikako sailburuak "Egun on Euskadi" saioan egin dioten elkarrizketan.
Reina Sofiak baztertu egin du "Gernika"Euskadira ekartzea
Bonbardaketaren 90. urteurrena dela eta, Eusko Jaurlaritzak koadroa epe batez Euskadira ekartzeko eskatu ondoren, Reina Sofiak txosten tekniko bat argitaratu du, margolanaren egoeraren azterketa sakon batekin. Horren arabera, "ez da inolaz ere gomendatzen hura lekualdatzea".
Oteiza eta Basterretxea, elkarrekin, “Espazioaren arazoa” erakusketan
Oteiza Museoak Nestor Basterretxearen eta Jorge Oteizaren arteko harremana aztertzea proposatzen du erakusketa berri batean; biek partekatutako tokiak, proiektuak eta gertakariak aintzat hartuz. 80 obraz, filmaz, jatorrizko material dokumentalez eta argazkiz osaturiko multzo zabal baten bidez, bi sortzaileen ibilbide bateratua erakusten du. Martxoaren 26tik abuztuaren 30era egongo da ikusgai.
Euskarazko lau serie labur, pantailara bidean EITBk bultzatuta
Amarekin goxo goxo, Aloka(h)iru eta Izaki pixka bat gardenak filmatzen ari dira, eta apirilean hasiko dira Estu filmatzen. Primeranen estreinatuko dira, udazkenetik aurrera.
?fmt=webp-alpha&qlt=80)
Lucia Lacarrak Adimen Artifizialari buruzko ikuskizuna estreinatuko du Bilbon
Zumaiar dantzari eta koreografoaren konpainiak “A.I. (Amalur Indarra)” oholtzaratuko du, Arriaga Antzokian, ostiral, larunbat eta igandean. Ikuskizunak, Juanjo Arqués eta Matthew Goldingen koreografiak, laserra erabiliz egindako eszenaratze harrigarria eta Bardean filmatutako filma uztartzen ditu.
Iñarrituren "Carne y arena", mugan hara-hona
“Carne y arena” EITBren Bilboko egoitzan ekainaren 20ra arte bisitagai dagoen murgiltze instalazioan, Alejandro Gonzalez Iñarritu mexikar zinemagileak bultza egiten dio bisitariari besteen zapatetan sartzeko, une batez ezdeusei bidean lagundu eta mugan hara-hona ibiltzeko, errealitatetik fikziora, haragitik pixelera, hareatik zulora eta gizatasunetik ankerkeriara.