'Biziz' abian da Europatik barrena

Enbaxa ibiltariak bizikletaz osatuko ditu bost ibilbide tematiko Europatik zehar: arkitektura, sexualitatea, biodibertsitatea, komunitateak eta gastronomia.  Aitor Deza, Ruben Olveira, Antxon Arza, Daniel Burgui eta Julen Nafarrete dira ibilbide bakoitzeko enbaxadoreak. Beren abenturak biziz.dss2016.eu webgunean jasotzen dira euskaraz, gaztelaniaz, frantsezes eta ingelesez, eta koordinazio lanak Ilazki Gainza eta Nerea Uriak egiten dituzte.

Arkitektura

Ibilbide hau Las Palmasetik abiatu zen ekainaren 17an eta geroztik 1732 kilometrotik gora pedalkatu ditu Aitor Dezak bere kideekin batera. Proiektu ugari ezagutu diztuzte bidean zehar, besteak beste, La Chimenea izeneko baratze autogestionatua, #SoyArenales ekimena eta emakume nekazariak Las Palmasen. Cadizen, Plan C lobby hiritarra, herritarren arteko harremanak eta tokiko ekonomia bultzatzen dituen Zoquito ekimena Jerezen, La Casa del Pumarejo eta bertako bizilagunak Sevillan, Javier eta Magda Colaborativa.eu-ko kideak Kordoban era Antronomica Quarks elkarteko planetario Ubedan.

Komunitateak

Daniel Burgui ekainaren 21ean abiatu zen Konstantzatik eta 970 kilometro egin ostean Ratkovon (Serbia) iritsi berria da, estepak eta padurak zeharkatu ondoren. Daniel Burguik eta bere kideak Baragan estepa, Errumanian, zeharkatu zuten ibilbide hasieran. Burguik orokorrean egiten duen hausnarketa da oso desberdina dela guk dugun irudia eta ‘benetako’ Errumania. Errumaniarrak oso eskuzabalak eta adeitsuak direla dio.

Sexualitatea

Ruben Olveira enbaxadore duen ibilbideak, sexualiteari buruz ikertuko du. Ekainaren 27an Errusiatik, Kaliningradetik atera ziren eta guztira 3.000 kilometro inguru egingo dituzte eta zortzi estatutan barrena murgilduko dira. 461,75 kilometro egin eta gero une honetan Wroclaw-en daude (Polonia). Errusian Maria Kahonovskaia irakaslearekin, gorputza naturaltasunez kudeatzearen ezintasunaz hitz egin dute, sarketaren tiraniaz hausnartu du Rubenek Grudziadzeko (Polonia) eraikin bateko horman ikusitako Viagra iragarki bat dela-eta, Lukasz Chruscielekin, LGBT filmak banatzen dituen Poloniako empresa txiki bateko langilearekin, homosexualitatea tabu izateaz jardunean aritu da.

Bioaniztasuna

Ekainaren 29an abiatu zen Kopenhagetik, Antxon Arza, enbaxadoren duen ibilbidea. Daniarren ohituren berri izateko, Cristina Gironekin elkartu ziren. Gerora, digestoreak diseinatzen dituen Bigadan empresa daniarra ezagutu zuten eta baita ere aniztasun funtzionala duten pertsonek lan egiten duten abeltzain eskola.

Gastronomia

Julen Nafarrate eta bere bi kideak uztailaren 1ean abiatu ziren Atenasen. Hirian bertan, Kira Suzi emakume adoretsuak oreganoa eman zien kefredakia eta gemista plater gozoak prestatu ostean. Giorginak, spanakopita prestatu zien eta olioa eman. Andritsenan, Alekak, kuneli me karidia prestatu zuen eta intxaurrak oparitu. 3.300 kilometro inguru egingo ditu gastronomiaren ibilbideak eta itsasontzian ibilitzeko aukera ere izango dute, hainbat irla bisitatu behar dituzte eta.

Bost ibilbideetako kideek Europa pedalkatuz 15.000 kilometro baino gehiago egingo dituzte guztira, 19 herrialdetik gora igaroko dituzte, 90 gau baino gehiago pasako dituzte etxetik kanpo, irailaren 18an, Mugikortasunaren Europako Astearekin bat eginez, abentura amaituko den egunerarte.