Kaleko artearekin erlazionatutako Street tARTar jaialdia Donostian

Kaleko artearekin lotutako diziplina garaikideenak ekarriko ditu gipuzkoar hiriburura Street tARTar jaialdiak irailaren 30etik urriaren 2a bitartean  Manteoko zonaldera. Erakusketa eta kontzertuez haratago, jaialdiak garrantzi berezia emango dio formakuntzari. Horrela diziplina ezberdinen inguruko tailerrak antolatu dira, hiritarren parte hartzea bultzatuz eta ikustea baino esperimentatzea nahiako duten lagunei aukera zabala eskainiz. Tailerretan parte hartzeko, beharrezkoa da Donostia2016 webgunean izena ematea.

Jaialdia gunetan banatuta egongo da: parkour gunea, muralismo gunea, kaleko dantza gunea (Manteo kiroldegian) eta kontzertuen gunea (Zubiri-Manteo institutuaren kanpoaldeko belardia). Okendu kultur etxeak  eta horren terrazak ere hainbat tailer hartuko dituzte. Atseden gunean hainbat foodtruck eta barra zerbitzua egongo dira, jaialdiaren programa ezagutzeko informazio puntu batetaz gain.

Street tARTar jaialdiaren proposamenen artean, Rebeca Lane, Guatemalako rap kantaria, eta KT-Gorique-n, End of the Weak Freestyle txapelketa ospetsuko irabazlearen, emanaldiak dira aipagarrienak. Amaia Arrazola edo Bizarrak taldeko muralistak ere edukiko dute zeresana jaialdian. Parkourraren diziplinan, azpimagarriena da Sasa Sevo Kroaziako freerunnearraren parte-hartzea.

Parkour gunea

Aldamio eta paletez osatutako egitura bat izango da bertan, aditu eta hasiberriei haien mugimendu trebetasuna lantzeko aukera emango diena. Europa eta Estatu mailatik iritsitako freerunner ezagunenak izango dira erakustaldiak egin eta aholkuak emateko.

Kaleko dantza gunea

Larkin Poynton, izen handiko instruktore estatubatuarrak, kaleko dantzarekin erlazionatutako mundo mailako azken joerak erakutsiko ditu. Tailerrez gain, publikoak Freestyle-etan parte hartu ahal izango du.

Muralismo gunea

Muralista ospetsuek zonaldeko hainbat eraikinetan muralak pintatuko dituzte goizeko 10:00etatik iluntzeko 20:00ak arteko saioetan, jaialdiak iraungo dituen hiru egunetan zehar. Zubiri institutuko patioa izango da diziplina honen erdigunea. Muralistak pintatzen diarduten artean DJ sesioak eta bestelako musikak, giroa animatuko dute.

Atseden gunean

Gune honetan food truck-ak eta barra zerbitzua egongo dira. Kontzertuen gunearen alboan dago kokatuta atseden gune hau eta musikak girotuko du espazioa. Gainera, programa eskuratu eta tailerretan parte hartzeko akreditazioak biltzeko informazio puntu bat izango da hemen.

Kontzertu gunea

Nazioartetik iritsitako izen handiko artisten emanaldiak hartuko ditu Manteo institutoaren pareko belardiak, besteak beste, Rebeca Lane, rap kantari feministarena edo KT-Gorique-ena, munduko Freestyle txapelduna 2012an (End of the Weak txapelketan). Bertako Nizuri Tazuneri edo EH2000 bertako taldeak ere arituko dira esaterako. DJ-k ere izango dute tokia jaialdian, esaterako, Missiz S-ONE edo Mantis Major DJren emanaldiak egongo dira.

Gainera Okendo kultur etxean rap eta muralismo tailerrak egongo dira.