20 konpainiak parte hartuko dute Bilboko Kalealdian
Bilboko Kalealdiak, Kaleko Antzerki eta Arteen Jaialdiak, bere hamalaugarren edizioa ospatuko du aurten, eta kaleko arte eszenikoen nazioarteko panoraman lehen mailan dauden konpainietako batzuen azken proposamenak bildu ditu. Jaialdia uztailaren 2tik 6ra egingo dute.
Jada ohikoak diren Kale Nagusiaren inguruek eta Zazpi Kaleen inguruetako zenbait plazak 39 ikuskizun jasoko dituzte, 20 konpainiarekin. Horietatik 9 Frantziatik eta Belgikatik etorritakoak dira, zazpi Estatutik, eta ATX Teatroa, Deabru Beltzak, Hortzmuga eta Turukutupa taldeak Euskal Herrikoak dira.
Guztiek ere euren azken lanak aurkeztuko dituzte Bilbon, gehienak proposamen eszeniko berritzaileak, musikatik dantza garaikidera, kaleko antzerkiarekin, egitura mugikorrekin edo zirkuko diziplinekin egiten den fusioarekin batera, clown-a, malabareak, akrobaziak edo txotxongiloak, besteak beste.
Bilboko Udaleko Kultura eta Hezkuntza Sailak, Metro Bilbaorekin eta Institutu frantsesarekin elkarlanean antolatu duen Bilboko Kalealdiak, ikuskizun nagusia edizioari amaiera emateko programatu du, Xarxa Teatre konpainia valentziar ezagunaren azken lanarekin. Konpainiak Arriaga plaza beteko du Papers ikuskizunarekin, uztailaren 6an, gauerditik aurrera.
Ikus-entzuleen arreta piztuko duen beste ikuskizunetako bat, Kalealdia inauguratuko duena izango da. Subliminati Corporation konpainia frantsesak Le cabaret subliminal lana aurkeztuko du Arriaga plazan. Suitza, Danimarka, Italia, Ingalaterra edo Mexiko bezalako herrialdeetatik igaro den proiektuak lau diziplina uztartzen ditu: malabareak, kapelak, beatbox eta akrobazia, eta Mikel Ayala artista bizkaitarrak egingo duen malabare ikuskizun bikaina jasotzen du.
Bertako konpainiak
Ohikoa denez, Bilboko Kalealdiaren edizio honek kaleko Arte Eszenikoetako euskal ekoizpen lan berrienetako batzuk aurkeztuko ditu ATX Teatroa, Deabru Beltzak, Hortzmuga eta Turukutupa taldeen eskutik.
Kalea hartuko duen lehenengoa, Plaza Berrian (uztailaren 3an) Drumbreak dantza ikuskizuna, break dance eta perkusio fusioa, erritmo eta koreografia borroka, aurkeztuko duen Deabru Beltzak taldea izango da. Hortzmuga taldeari dagokionez, boterearen, politikaren eta komunikabideen arteko erlazioari buruzko gogoeta egiten duen Yo estuve allí y ... no lo contaron como yo lo vi ikuskizuna eskainiko du. Uztailaren 5ean, gaueko 23:30ean, lan horren gaueko emanaldia eskainiko da Areatzako kaian.
Turukutupa konpainiak, ikus-entzule guztiei zuzendutako Rezikletas musika ikuskizuna eskainiko du (uztailaren 5ean eta 6an). Bertan, lau antzezle-musikarik, kontzertu ibiltaria erakusten duen eszenaratzea egiten dute, erabat akustikoa den eta birziklatutako eta berrerabilitako materialetan oinarrituz egindako soinu euskarriarekin. Amaitzeko, ATX Teatroa taldeak, 2012ko Umore Azokan aipamen berezia jaso zuen Gnosia lana ekarriko du Arriaga plazara. Erabateko gaurkotasuna duen ikuskizun ziklikoa da, eta boterearen zentzugabekeriari, gure sumisio jarrerari eta ezinbesteko iraultzari buruz hitz egiten du.
Zure interesekoa izan daiteke
"Carne y arena" instalazioa «azalean sentitzen» den obra gisa definitu du Gonzalez Iñarrituk
Zinegilea Bilbon izan da, ekainera arte EITBren egoitzan bisitagai izango den errealitate birtualeko bere instalazioa aurkezteko. Esperientzia horretan, Mexiko eta AEBren arteko muga zeharkatzen duten migratzaileek bizi dutenaren zati bat sentitzen dute ikusleek.
BBK Artearen Ibilbideak animaliak ditu protagonista aurten, eta Bizkaiko 30 udalerritara iritsiko da
Arte Ederren Bilboko Museoaren bildumako 38 artelanen erreprodukzioak bildu dira, hainbat paneletan. Erakusketan, artista, garai eta teknika desberdinetako aleak daude: margolanak, grabatuak, kartelak, arte aplikatuak... Maiatzaren 11n (Bilbo) hasi, eta abenduaren 9an (Durango) amaituko da, Bizkaiko 30 herritatik igaro ondoren.
Ibone Bengoetxea: "Venezian, zer izan nahi dugun ere erakutsi nahi dugu"
Euskal arteak Veneziako Biennalen presentzia egonkorragoa izateko lanean aritu da egun hauetan Eusko Jaurlaritza Italian, "I Baschi alla Biennale 1976/2026" proiektua garatzen. 2028tik aurrera Euskadik bienal horretan presentzia propioa izatea da helburua, Kultura sailburuak azaldu duenez.
Euskal artistek aldarrikapen politikoa eta mintzaira abangoardista uztartu zituzten Venezian 1976an
Beñat Sarasola eta Leire Vergara adituek 1976an euskal ahotsa Veneziako Bienalera eraman zuen artsita taldearen lanaz hitz egin dute, Veneziatik bertatik.
Euskal ordezkaritza Veneziako Bienalean da
Ibone Bengoetxea Eusko Jaurlaritzako Kultura sailburua buru dela, "I Baschi alla Biennale 1976/2026" ekimenak programa instituzional, akademiko eta artistikoa garatuko du Italiako hirian. Duela 50 urte, frankismoste betean euskal artea topagune horretara eraman zuten artistak izango dituzte gogoan.
Igshaan Adamsek tapizak eta "hauts hodeiak" zabaldu ditu Guggenheimen
"Igshaan Adams. Hautsa harrotzen: Gorputzaren artxiboa" erakusketa Museoaren in situ erakusketa-zikloko hirugarren emaitza da. Museoak areto jakin baterako pentsatutako eta eraikinaren arkitekturarekin elkarrizketa bat sortaraziko duten obrak sortzera gonbidatzen ditu artistak, programa horretan.
Iberdrolaren artelanak, Arte Ederren Bilboko Museoan ikusgai
Bilboko konpainiaren 138 artelan bildu dituzte “Paraleloak eta meridianoak” erakusketan. Zortzi ataletan banatu dituzte: Hastapenak; Natura, urak eta bilbeak; Gorputza eta aztarnak; Lana; Argia; Artista eta haren espazioak; Arkitektura eta eraikuntza; Hiria eta portua. Abuztuaren 30era arte egongo da ikusgai.
"RESET" izango da Getxophotoren 20. urteurrenaren leloa, maiatzaren 28tik ekainaren 21era
Urteurrena ospatu, jaialdia birpentsatu, eta berrabiatu: horiek dira RESET 20. edizioaren helburuak. Ekimenen artean, 20 urteotako historia biltzen duen artxibo digitala, Alejandro Acinen El último lunes erakusketa eta aurreko edizioetako 7 proiektu berreskuratuta, begi berriz aurkezteko. Horrez gain, Portu Zaharreko Sirenoarekin photocalla antolatuko dute: izaera hibridoko pertsonaiaren agurra izango da.
-separados-por-el-ice-World-Press-Photo-of-the-Year-Carol-Guzy-ZUMA-Press-iWitness-for-Miami-Herald.jpg)
ICEko agenteek banandutako familia baten argazkiak irabazi du World Press Photo 2026 saria
ICE Immigrazioaren eta Aduanaren Polizia Indarrek Luis migratzaile ekuadortarra atxilotu eta emazte eta hiru seme-alabengandik banatzen duten une lazgarria islatzen duen Carol Guzy argazkilari estatubatuarrak egindako erretratuak irabazi du aurten.
"Gaizkia. Auschwitz 1945 - Gaza 2025" erakusketa, EHUren Arabako campusean
Gaizkia. Auschwitz 1945 - Gaza 2025 Artur Heras artista valentziarraren erakusketa inauguratu dute Euskal Herriko Unibertsitatearen (EHU) Arabako campuseko Unibertsitate Pabiloian asteazken honetan. Anacleto Ferrer komisario duen erakusketak genozidioak salatzen ditu, "begirada artistiko konprometitu eta ausart batetik". Gasteizen apirilaren 30era arte egon ondoren, erakusketa Bilboko Esperientziako Geletan izango da ikusgai, maiatzaren 6tik 22ra, eta Donostiako Karlos Santamaria liburutegiko Txillardegi aretoan, maiatzaren 27tik ekainaren 30era.