Esther Ferrerrek irabazi du 2014ko Velazquez saria
Esther Ferrerrek irabazi du Velazquez Arte Plastikoen 2014ko Saria. Jose Maria Lasalle Kulturako estatu-idazkariak iragarri duenez, berarentzat izango da Espainiako Hezkuntza, Kultura eta Kirol Ministerioak ematen duen goraipamena eta horrek berekin dakarren 100.000 euroko saria.
2002an sortu zuten saria, "Iberoamerikako sortzaile plastiko baten lana aintzat hartzeko"; Cervantes sariaren baliokidea izatea da saria sortu zutenen helburua.
Velazquez saria Ramón Gayak, Antoni Tapiesek, Pablo Palazuelok, Antonio Lopezek, Luis Gordillok, Antoni Muntadasek eta Jaume Plensak irabazi dute, baita Juan Soriano mexikarrak, Cildo Meireles brasildarrak, Doris Salcedo kolonbiarrak eta Artur Barrio portugaldar jatorriko brasildarrak ere.
Esther Ferrer performance-engatik da ezagun, eta jarduera horren aitzindaritzat hartzen dute adituek. Mundu zabalean erakutsi ditu bere performance-ak Ferrerrek:Alemania, Italia, Suitza, Belgika, Frantzia, Danimarka, Norvegia, Ingalaterra, Herbehereak, Polonia, Eslovakia, Txekiar Errepublika, Hungaria, Amerikako Estatu Batuak, Kanada, Mexiko, Kuba, Thailandia, Japonia, Korea…
2009an, Arte Plastikoen Sari Nazionala jaso zuen Ferrerrek, eta 2012an Gure Artea saria.
Esther Ferrer: “Ez dut nabarmendu nahi”
Esther Ferrerri “ezinegona” sortu dio albisteak, nahiz eta ebazpena onartu duen: “Ez dut nabarmena izan nahi”, esan du.
Ferrrerrek (Donostia 1937) azaldu duenez, sari guztiek ekartzen dizkiote “arazoak eta ezinegona”, beti pentsatzen baitu “zergatik ematen didaten niri, horrenbeste jendek merezimenduak egin eta gero”.
“Hasieran, txarto pasatzen dut, baina gero neurria hartzen diot egoerari. Inon ez nabarmentzen saiatu izan nahi beti, inork ez nazan ikusi. Ez dut inoiz ezer egin oniritzia lortzeko, eta inoiz ez dut laguntzarik eskatu. Kontu ofizialetatik zenbat eta urrunago, hainbat eta hobeto”, azaldu du.
Ekitaldi ofizialek eta, “noski”, sari banaketek “izutu” egiten dute, baina, haren hitzetan, “deitu didanari” –Jose Maria Lasalle Kulturako estatu idazkariari– aintzatespena “onartzen” duela esan dio.
“Oso ondo ulertzen dut bat aukeratu behar dela, eta zuri egokitu dakizula, ‘bien sûre’. Oraingoz, eman egin didate, onartu dut, eta ikusiko dugu…”, esan du duela 20 urte bainio gehiagotatik Parisen bizi den artistak.
Zure interesekoa izan daiteke
Euskal artea ikusgai ARCOmadriden
Martxoaren 4tik 8ra, Madrilgo Arte Garaikidearen Nazioarteko Azokak Euskal Herritik datorren artearen lagin bat hartuko du. Ignacio Mugicaren arabera, orain arte bizi izan dugun jarraipenaren erakusle da aurkitu ahal izango dena, baina galeria gazte gehiagoren falta sumatzen du, "eta arte garaikidea gazteena da, ezarrita dagoenarekin hautsi beharko luketena".
Euskal artista eta galeriak, Arcomadrid azokarako prest
Carreras Mugica eta Cibrián euskal galeriek programa orokorrean parte hartuko dute, eta Villa Magdalenak “Opening. Nuevas galerías” atalean. “El futuro, por ahora” atalean, June Crespo artistaren lanak erakutsiko dituzte Carreras Mugicak eta P420 Boloniako galeriak.
Euskal Emakume Eskultoreak (E3) elkarteko kideen lanak, Batzar Nagusien Bilboko egoitzan ikusgai
Errekonozimendua lortu duten euskal eskultore gehienak gizonezkoak badira ere, emakumezkoek eragin handia izan dute arte molde horretan, arreta gutxiago eman zaien arren. Horrela, euskal eskulturan merezi eta behar duten leku hori aldarrikatzeko E3 Euskal Emakume Eskuloreak elkartean batuta daude batzuk, eta euren lanak Bizkaiko Batzar Nagusien egoitzan ikusgai daude, Bilbon. Erakusketa apirilaren 23ra arte egongo da zabalik.
Maite Rosendek egin ditu Itzuliko eta Itzulia Womeneko kartelak
Donostiar artistak irabazi zuen Euskadi literatura saria ilustrazioaren atalean, eta, hortaz, hari dagokio txirrindularitza probetako kartelak diseinatzea.
Kutxa Fundazioak ibilbide bat proposatu du Elena Asinsen obran zehar
"Egitura, espazioa, denbora" erakusketak 100 lan baino gehiago biltzen ditu: marrazkiak, pinturak, eskulturak, liburuak, ikus-entzunezko piezak eta instalazioak. "Arte konputazionalaren eta abstrakzio geometriko moderno eta garaikidearen ezinbesteko figura" da Asins, Fundazioak azaldu duenez.
Txuspo Poyo artista nafarraren "Anonima" erakusketa, Azkuna Zentroan
Bilboko espazioko erakusketak ehun pieza baino gehiago bildu ditu, 1980ko hamarkadatik gaur egun arteko proiektu gehienak. Maiatzaren 17ra arte egongo da ikusteko aukera.
Zineb Sedira artistaren "Standing Here Wondering Which Way to Go" erakusketa, gaurtik Tabakaleran
1960ko eta 1970eko hamarkadetako Afrikako askapen-mugimenduak eta utopiak dakartza gogora.
Eusko Jaurlaritzak 31 obra gehitu dizkio Bilduma Partekatuari
Jaurlaritzak 300.482 euro inbertitu ditu 21 artistaren lanetan, Artiumeko, Bilbao Museoko eta Tabakalerako adituen erakunde arte batzorde baten aholkuei jarraituta. Erosi dituzten obren egileen artean daude Jose Ramon Amondarain, Mar de Dios, Angel Bados, María Luis Fernandez, Gema Intxausti, Imanol Marrodan, Manu Muniategiandikoetxea, Usoa Fullaondo…
"Bitartekaritza partekatuak" erakusketa aurkeztu du gaur Chillida Lekuk
Nagore Legarretaren argazkiek eta Beñat Iturriozen ikus-entzunezkoak osatzen dute, eta batzuek krisi klimatikoaren eta despopulazioaren aurrean duten rolari buruzko gogoeta egiten du.
Marie Leczinska Frantziako erreginaren erretratu ofiziala, Baionako Bonnat Helleu museoan ikusgai
Frantziako Maria erreginaren erretratua 1748koa da. Jatorrizko bertsioa Versalleseko Jauregian dago, eta mexikar eta euskaldun jatorriko familia batek laga dio Baionako museoari. Museo zaharberritua ireki eta lehen hamar asteetan, 50.000 bisitari baino gehiago jaso dizute Bonnat Helleun; % 30 baionarrak, beste heren bat euskal herritarrak, eta, gainerakoak, kanpokoak.