Reina Sofia Madrilgo museoak leihoa zabaldu dio Erlea Manerosi
Reina Sofia Madrilgo museoak Erlea Maneros bilbotar artistaren lanaren inguruko erakusketa aurkeztu du gaur. Fisuras museoaren programari dagokio Manerosen erakusketa hori, artisten sormenari modu iraunkorrean bide egiteko museoko arduradunek zabaldutako espazioari.
Batetik, Maerosek arte erakustokirako eginiko azken sormen lana aurkeztuko du Reina Sofiak, (Un arte para el régimen: ruina y utopía en el sueño de exaltación nacional [bis]), eta, bestetik, Exercises on Abstraction (2007-2015) serieko tintazko marrazkiak eta Untitled (The Whole Art of Marbling as Applied to Paper, Book Edges, etc.) (2011-2016) lana, esaterako.
Museoak ohar batean azaldu duenez, Erlea Maneros Zabalaren (Bilbo, 1977) lanak irudien ekoizpen-baldintzak aztertzen ditu, baita horien efektuak ere, “sortu zireneko testuinguruari eta zabaltzeko duten moduari begiratuta betiere”. Besteak beste, gai hauek jorratzen ditu Manerosek bere lanetan: “abstrakzioaren mintzairaren akademizazioa, egiletza, eta artisautzaren eta fabrikazioaren artean sortzen diren harremanak, ekoizpen prozesuetan baliabide mekanikoak erabiltzen direnez gero”.
Erlea Maneros Zabala Glasgowko eta Los Angeleseko CalArts arte eskoletan ibili da, eta AEBko hiri horretan bizi da egun. Besteak beste, Bilboko Guggenheim museoan, El Eco museo esperimentalean (Mexiko Hiria), REDCATen (Los Angeles) eta Kadist Art Foundationen (Paris) erakutsi dituzte bere lanak.
Zure interesekoa izan daiteke
Euskal artista eta galeriak, Arcomadrid azokarako prest
Carreras Mugica eta Cibrián euskal galeriek programa orokorrean parte hartuko dute, eta Villa Magdalenak “Opening. Nuevas galerías” atalean. “El futuro, por ahora” atalean, June Crespo artistaren lanak erakutsiko dituzte Carreras Mugicak eta P420 Boloniako galeriak.
Euskal Emakume Eskultoreak (E3) elkarteko kideen lanak, Batzar Nagusien Bilboko egoitzan ikusgai
Errekonozimendua lortu duten euskal eskultore gehienak gizonezkoak badira ere, emakumezkoek eragin handia izan dute arte molde horretan, arreta gutxiago eman zaien arren. Horrela, euskal eskulturan merezi eta behar duten leku hori aldarrikatzeko E3 Euskal Emakume Eskuloreak elkartean batuta daude batzuk, eta euren lanak Bizkaiko Batzar Nagusien egoitzan ikusgai daude, Bilbon. Erakusketa apirilaren 23ra arte egongo da zabalik.
Maite Rosendek egin ditu Itzuliko eta Itzulia Womeneko kartelak
Donostiar artistak irabazi zuen Euskadi literatura saria ilustrazioaren atalean, eta, hortaz, hari dagokio txirrindularitza probetako kartelak diseinatzea.
Kutxa Fundazioak ibilbide bat proposatu du Elena Asinsen obran zehar
"Egitura, espazioa, denbora" erakusketak 100 lan baino gehiago biltzen ditu: marrazkiak, pinturak, eskulturak, liburuak, ikus-entzunezko piezak eta instalazioak. "Arte konputazionalaren eta abstrakzio geometriko moderno eta garaikidearen ezinbesteko figura" da Asins, Fundazioak azaldu duenez.
Txuspo Poyo artista nafarraren "Anonima" erakusketa, Azkuna Zentroan
Bilboko espazioko erakusketak ehun pieza baino gehiago bildu ditu, 1980ko hamarkadatik gaur egun arteko proiektu gehienak. Maiatzaren 17ra arte egongo da ikusteko aukera.
Zineb Sedira artistaren "Standing Here Wondering Which Way to Go" erakusketa, gaurtik Tabakaleran
1960ko eta 1970eko hamarkadetako Afrikako askapen-mugimenduak eta utopiak dakartza gogora.
Eusko Jaurlaritzak 31 obra gehitu dizkio Bilduma Partekatuari
Jaurlaritzak 300.482 euro inbertitu ditu 21 artistaren lanetan, Artiumeko, Bilbao Museoko eta Tabakalerako adituen erakunde arte batzorde baten aholkuei jarraituta. Erosi dituzten obren egileen artean daude Jose Ramon Amondarain, Mar de Dios, Angel Bados, María Luis Fernandez, Gema Intxausti, Imanol Marrodan, Manu Muniategiandikoetxea, Usoa Fullaondo…
"Bitartekaritza partekatuak" erakusketa aurkeztu du gaur Chillida Lekuk
Nagore Legarretaren argazkiek eta Beñat Iturriozen ikus-entzunezkoak osatzen dute, eta batzuek krisi klimatikoaren eta despopulazioaren aurrean duten rolari buruzko gogoeta egiten du.
Marie Leczinska Frantziako erreginaren erretratu ofiziala, Baionako Bonnat Helleu museoan ikusgai
Frantziako Maria erreginaren erretratua 1748koa da. Jatorrizko bertsioa Versalleseko Jauregian dago, eta mexikar eta euskaldun jatorriko familia batek laga dio Baionako museoari. Museo zaharberritua ireki eta lehen hamar asteetan, 50.000 bisitari baino gehiago jaso dizute Bonnat Helleun; % 30 baionarrak, beste heren bat euskal herritarrak, eta, gainerakoak, kanpokoak.
Denise Scott Brown arkitektoari buruzko atzera begirakoa aurkeztu du Bilboko Arte Ederren Museoak
Denise Scott Brown (Nkana, Zambia, 1931) XX. mendeko bigarren erdialdeko arkitektorik garrantzitsuenetakoa da. Bidaiari, argazkilari eta aktibistaren lanaren gaineko erakusketa hiru ataletan egituratuta dago: hiria, kalea eta etxea.