Reina Sofiak baztertu egin du "Gernika"Euskadira ekartzea
Bonbardaketaren 90. urteurrena dela eta, Eusko Jaurlaritzak koadroa epe batez Euskadira ekartzeko eskatu ondoren, Reina Sofiak txosten tekniko bat argitaratu du, margolanaren egoeraren azterketa sakon batekin. Horren arabera, "ez da inolaz ere gomendatzen hura lekualdatzea".
Bonbardaketaren 90. urteurrena dela eta, Eusko Jaurlaritzak koadroa epe jakin batez behin-behinean Euskadira ekartzeko eskatu ondoren, Reina Sofiak txosten tekniko berri bat argitaratu du Picassoren margolanaren egoeraren inguruan.
Museoak txostenean azaltzen duenez, "gaur egun obra baldintza egonkorretan dago, inguruaren kontrol zorrotzari esker. Hala ere, hura lekualdatzekotan, zaindu egin beharko lirateke formatua, osatzen duten elementuak eta kontserbazio egoera, bribrazioek kalterik ez eragiteko arte-lanean".
Gaineratu dutenez, "bibrazio horiek pitzadurak, margoa altxatzea eta geruza piktorikoa galtzea eragin ditzakete, baita euskarria urratzea ere". Horregatik guztiagatik, "ez da inolaz ere gomendatzen artelana lekuz aldatzea".
Ibone Bengoetxea lehendakariorde eta Kultura sailburuak "borondatea" eskatu dio ostegun goiz honetan Espainiako Gobernuari, Gernika "ahalik eta zainduen ekartzeko beharrezko baldintzak bete daitezen".
Hori da lehendakariak bihar Pedro Sanchez Espainiako Gobernuko presidenteari Moncloan helaraziko dion eskaera ere. Pradalesek nabarmendu du testuinguruak "ikuspegi zabala" eskatzen duela, eta Picassoren lanak Euskadin egon beharko lukeela, irailean lehen Eusko Jaurlaritzaren urteurrenean eta, eta datorren urtean Gernika bonbardatu zutela 90 urte betetzen direnean.
Eusko Jaurlaritzak "larritzat" jo du egoera
Ibone Bengoetxea lehen lehendakariorde eta Kultura eta Hizkuntza Politikako sailburuak ohartarazi duenez, Gernika Euskadira aldi baterako mugitzeko eskaera "ezin da ezezko soil batekin kitatu, azterketa serio eta sakonik gabe".
Bengoetxeak ohar batean adierazi duenez, sortutako egoera "larria" da, eta azpimarratu duenez, "ez da gai tekniko hutsa", baizik eta "memoria, aitortza eta erreparazio kontua".
Nabarmendu duenez, Eusko Jaurlaritzak nahiko luke "Espainiako Gobernuak begirada aldatzea eta bi Exekutiboek elkarrekin lan egitea".
Gainera, adierazi duenez, margolana Euskadira lekualdatzeko helburu hori lortzeko, "profesional onenak eta teknologiarik onena" jarriko dituzte. "Koadroa euskadin aldi baterako egon ahal izateko beharren azterketa" egin beharko litzateke, haren ustez.
Eusko Jaurlaritzak Pablo Picassoren Gernika Guggenheim Museora aldi baterako lekualdatzea eskatu zuen berriro joan den asteartean, 2026ko urriaren 1etik 2027ko ekainaren 30era bertan egon dadin, Agirre lehendakariaren Eusko Jaurlaritzaren eraketaren eta Gernikako bonbardaketaren 90. urteurrenaren harira.
Zure interesekoa izan daiteke
Bilboko Guggenheim, munduko zazpi mirari garaikideetako bat izateko bidean
Guggenheim Bilbao Museoak, aro garaikideko obra enblematikoa izateaz gain, Bilbo nazioarteko kultura-erreferente gisa kokatzea ahalbidetu du, eta eragin sakon zein onuragarria izan du inguruko turismoaren, ekonomiaren eta gizartearen garapenean.
Guggenheim Bilbao Museoak "66-76-26" iragarri du, Steve McQueenek museoarentzat sortutako lana
Instalazioak aurrez aurre jartzen ditu hamarkada batez bereizitako Nina Simoneren (1966) eta David Bowieren (1976) "Wild is the Wind" interpretazio mitikoak.
Ertibil erakusketaren 44. edizioak 18 artista berriren lanak bildu ditu
Rekalde aretoan zabaldu dute Bizkaiko artista berriei laguntzeko erakusketa ibiltaria. Urriaren 18ra arte egongo da Bilbon, eta handik Barakaldora (urriak 21-azaroak 5), Basaurira (azaroak 6-29) eta Igorrera (azaroak 30-abenduak 30) egingo du. Lehen, bigarren eta hirugarren sariak Estela Miguelek eta Markel Gonzalez Elezkanok, Natalia Suarez Ortiz de Zaratek eta Jone Elorriaga Sotok irabazi dituzte.
"Uhinak": Ra Asensiren erakusketa Bilboko Euskal Museoan
2026ko uztailaren 8tik abenduaren 28ra bitartean bisitatu ahal izango da, Miserikordia eraikineko Kukula espazioan. Kantauriko algekin eta oxidoekin egindako beiraztatutako gresezko formak eskaintzen ditu, erakusketa-aldian eboluzionatzen duten materialak.
“Bakoren Burua” ikusgai jarri dute Arabako Bibat Arkeologia Museoan
1976an aurkitu zuten I. mendeko marmolezko eskultura ezaguna, Arkaiako parrokia elizaren inguruan. 13 cm-ko altuera, 9,5 cm-ko zabalera eta 6,5 cm-ko sakonera duen pieza 46 urtez egon da desagertuta, Jon Buesa EAJk Arabako Batzar Nagusietan zuen bozeramaileak epailearen eskariz itzuli zuen arte. Irailaren 30era arte ikusi ahalko da Gasteizko Bibat Arkeologia Museoan.
Carla Filipe eta Taxio Ardanaz artisten lana batu du "Kooperatiba" erakusketak, Tabakaleran
Ángel Calvo Ulloak komisariatutako erakusketak Carla Filipe eta Taxio Ardanaz artistek lengoaia grafikoen eta irudikapen politikoaren inguruan egindako lana biltzen du. Uztailaren 3an irekiko da, Donostiako zentroan, eta urtarrilaren 10era arte egongo da ikusgai.
Bonnat-Helleu museoak 100.000. bisitaria hartu du
Birmoldatu eta azaroan berriz ireki zuten arte ederren museoko 100.000. bisitaria 8 urteko baionar neskatoa da. Urte osoan doan sartzeko baimena emango dion txartel bat jaso du Barthélémy Etchegoyen museoko zuzendariaren eskutik.
“Harri biguna” dokumental sailak artearen irakurketa “kritiko eta garaikidea” proposatzen du ikuspegi feministatik
Primeran eta ETB ON plataformetan izango da ikusgai, ekinaren 30etik aurrera, Tamara Garcíak idatzi eta zuzendu duen sei ataleko lana. Elkarrizketen eta artxiboko materialaren bidez, ikusezin bihurtu diren narratibak azaleratzen ditu, collagean oinarritutako proposamen estetikoa erabilita.
Arte Ederren Bilboko Museoak Placido Arango omenduko du fase berriaren inaugurazioan
Placido Arango izango da Arte Ederren Bilboko Museoaren berrirekitzearen protagonista nagusia, seme-alabek utzitako eta Pradoko Museoarekin batera antolatutako erakusketa bati esker. Erakusketa urriaren 5ean inauguratuko da Arte Ederren Bilboko Museoan, eraikina handitzeko lanak amaitu ondoren.
Euskal Museoaren klaustroa, musika, dantza, zirku, herri kirol eta bertsolaritzaz beterik barikuetan
Plazara ekimeneko jardueretarako sarrera 3 euroan dago salgai, Bilboko museo zaharberrituaren webgunean. Aukeran konpainia eta Nerea Ibarzabal, Oihana Bartra, Miren Amuriza eta Uxue Alberdi bertsolariak arituko dira, besteak beste.